حسين شنقراي «يسألونك عن التشكيلة»

عزيزوغالي

:: كاتب نشـــط::
يسألونك عن التشكيلة
كلمات: حسين شنقراي
أبكي وطنا
الراح وأقلدو
بلدا ما فيهو
رجال يتولدو
دبيبو كتير
بغير جلدو
ناهب قرشو
وديمة يجلدو
أحي من شعبا
ما دار
التغيير في خلدو
وإن شاء الله
الحامكنو يخلدو
بخت البهرب
منو بجلدو
-----
حكومة بتلعب
دافوري جوه الحوش
تملأ جيوب
وتحشي كروش
والشعب الجايع
ياكل بوش
يطلع نافع
ويدخل قوش
ويحرق فينا الهدف
الداخل تووش
-----
حراس المرمي
الميرغني والصادق
صادين بي جونتي
ومش ببنادق
قاعدين في السهلة
ومش في خنادق
والجيب مليان
للعامل حاذق
ما بهم يا الحضري
تكون الناس في مشانق
وطظ في الشعب
الأبدا ما مارق
-------
ما عارفين اللعبة
إن طالت برضو دقايق
والباطل بمشي
وتبقي حقايق
ومبسوط اللحظة
بكون متضايق
تملأ شباكو
أهداف وحرايق
والجاكي زمان
ببقي السايق
وشوف في الآخر
مين حيكون رايق
وشوف في الآخر
مين حيكون رايق​
 
أعلى أسفل