حسن عطية «كلمات الأغاني»

Nabil :: nabsho

:: الإدارة ::
الحرمونى منك



ياالحرموني منك
أنا يا حبيب قلبي سائل دوام عنك
يا الحرموني شوفتك
أنا في قلبي صورتك
كل ما ذكرو سيرتك
ازداد بي شجوني يجفو النوم عيوني
ويزحم قلبي حبك
يا المنعوك زيارتي
هم شاعرين بحالتي وماجاهلين مكانتي
لكن التقاليد حجبت عني شخصك
منعونا التلاقي
لكن رغم ذلك
ظل هوانا باقي
أسأل طيف خيالك
عن فرط اشتياقي
وأسأل نور جمالك
عن نار احتراقي
طبعا يا ملاكي
لو يرضيك هلاكي
أنا لا أعصى أمرك
حجبوك حيروني
أبو ليك يذكروني
ليه يا حبيب أراهم
زايدين في جفاهم
من شدة قساهم
مانعين التفاهم
برضي أقول
برضي أقول
برضي أقول عساهم يسمحوا لي بوصلك
 
ياحمامة مع السلامة -عبد الرحمن الريح

يا حـمامة مع السلامة
ظـللت جـوك الغمامة
سيري في جوك المعطر
وانشدي شعرك المشطر
قولي لي الشادن المبطر
تيـه دلالاً وزِد وسـامة
بلغـيه التـحية مِني
واحكي ليه الصبابة عني
واحـلفي يا حمامة اني
فـيه لـن اسمع الملامة
انشدي شعري بين دورو
عَلّو يذكرني في خدورو
اوعي يلعب عليك دورو
ويسكرك عَرفو كالمدامة
اسـألـيه عن المَودّة
كيف ضاعت وكيف صد
بـعـد ذلك اذا اسـتبد
قـابلي الجبرة بابتسامة
قـولي ليه عن المحبة
وعـن فؤادي الذي احب
عَـلّو يعطف على الاحبة
مَرّة في عمرو ياحمامة
الجمال ناسي فيه ذاتي
فـيه خاطرت بي حياتي
بين حـبي و ذكـرياتي
اصبحت روحي مُستهامة
الجـمال ياحمامة فاتن
فـيه الوان من المفاتن
كل من يعشق المحاسن
قـلَّ ان يـجد السلامة
 
حاول يخفى نفسه-سيد عبدالعزيز

حاول يخفي نفسه
وهل يخفى القمر في سماه
أبداً لا ... وطبعاً لا ...
شفناه .... شفناه

حاول يخفي نفســــه
وغير إتجاه
سطع النور في أفقه
وكل إنسان رآه
خلنا البدر أشــــرق
كامل في علاه
وخلنا الزهر فتــــح
من أنفاس شذاه

جذاب حسنه رايع
لادن خلقه مايع
رقص البان مشيه
تحب تنظر وشيه
عيونك تختشيــــه
من قوة ضياهو
ومن شـــــــدة حياهو
مرة إذا نظرتــــــه
ونظرة إليك رناه
قلبك ينشرح لــــه
وترتاح لي لقاه
دون تشعر تحبــه
وتلهج .. بى ثناه
مرة تقول كبــدري
ومرة تقول كزهري
مرة تسمي شعري
ومرة تسمي سحري
تغلب فيه أسمــــا
وبرضو تشوفه أسمى
كل وصــف تــراه
أقل من مستواه
مترفع عظيم عالي
بعيد مــداه
ملأ العين جمالــه
الزاهي رشح نداه
يلألــي والكواكب
تتناثر حداه
فيه الحسن أودع
ماملكت يداه
مفــــــــــــــــــرح
وشوفته تفرح
بتلقاك باسم
كالزهر المنسق
في زمن المواســـــم
تشوف في مقلتيه
حياء ودلال و تيه
واللحظ البيجــرح
زاد وجدى المبرح
أنا من دون أصـــــرح
لي قلب إصطفــاه
وهسه هناك معاه
 
خدارى - عبدالرحمن الريح

جافاني
خداري البي حالي ماهو داري
متين يزورني حبي
محياهو يضوي داري
أقول جلست مره
مع الطير الخداري
في فكرة الكواكب
و الأنجم السواري
و الحور مع جمالن
بالنسبه ليك جواري
من بعدو في هواهو
و لي روحي كم أداري
إيه قصدوا من عذابي
لو ما قصد وداري
كل ما رأيتوا باسم
الطيب يجيني ساري
كل ما رأيتوا تايه
يزداد علي حساري
لولاهو ما إشتبهت
في يميني أو يساري
لولاهو ما صبرت
على ذلي و إنكساري
أظهر أمام عيوني
لا تبقى متواني
أنا جارك البحبك
أوعك تخون جواري
لو ما حبيبي يرحم
لاشك في دماري
نار الغرام صلتني
في الأدمع إنهماري
ما دام صبحت عاشق
و الحب صبح ثماري
سيبوني في الأرايك
أسجع مع القماري
 
فى الفؤاد ترعاه العناية

في الفؤاد ترعاه العناية
بين ضلوعي الوطن العزيز
لي عداه بسوي النكاية
وان هزمت بلملم قواي
غير سلامتك ما لي غاية
إن شاء الله تسلم وطني العزيز
ليه ما ارعي الوطن الرعاني
والدهاه اشيله واعاني
الشباب والشيب شجعاني
قالوا نفدي الوطن العزيز
بقاسمه حظه سواده وبياضه
وايه مرادي انا غير مراده
ارعي نيله اشجع بلاده
يشيلوا حمل الوطن العزيز
عندي وطني بقضيلي حاجة
كيف اسيبه واروح لي خواجه
يغني وطني ويحيجني حاجة
لي عدوك ياوطني العزيز
طبيعي اعشق صيده ورماله
وما ببيعه واقول مالي ماله
وما بكون آلة البي حباله
داير يكتف وطني العزيز
علمونا اهل الحضارة
كيف اضوق شان وطني المرارة
والمحن برضاي اصلي ناره
خوفي تحرق وطني العزيز
شفنا فيه جواب فيافي
والبطير وبسابق السوافي
ما مراده عفارم عوافي
بس يعظم وطني العزيز
نحن للقومية النبيلة
ما بندور عصبية القبيلة
تربي فينا ضغائن وبيلة
تزيد مصايب الوطن العزيز
 
أسمعتو تغريدى
أسمعتوا تغريدى
وريتو تجديدى
فى فن الأغاني
قابلتو بى ريدى
وسالمتو بى أيدى
قلت ليه يا سيدى
الليلة يوم عيدى
ويوم التهاني
ختيته فى طرفى
وحفيته بى شرفى
غزلتو بي طرفى
وحكيتلو سوء ظرفى
وآلام زمانى
فى صحوتى وسكرى
بقى سلوتى وذكرى
ختيتو فى فكرى
واليتو بى شكرى
وعطفى وحنانى
ياالأنت ناسيني
ودايما مقاسيني
دايرك تواسينى
وأن مت ترثينى
وتنشر بيانى
 
أقول إنت نور-عبدالرحمن الريح


أقول أنت نور
ولا أقول زهور
ولا أقول نسيم
فواح بالعطور

أقول أنت نور
من أفق الوجود
ولا أقول زهور
من روض الخلود
ولا أقول نسيم

من عطر الورود
أراك في الحقيقة
مع دقيقة
ومحاسنك رقيقة
كأنك حديقة
ومفاتنك زهور

أقول أنت نور
من أفق الجمال
ولا أقول زهور
من روض الخيال
ولا أقول نسيم
السحر الحلال

أقول انت ايه
محيرني ليه
أحب أسألك
أشوفك تتيه
أخاف أخجلك
لأنك نبيه
وكلك شعور

فليك حق تكون
تحب العلوم
وتهوى الفنون
وديع كالرضيع

بعيد عن ظنون
وما في الفؤاد
يبين في العيون
لأن الوجوه
تكاد أن تفوه
بما في الصدور
 
هل تدري يانعسان انا طرفي ساهر
كلمات محمد بشير عتيق

هل تدري يانعسان انا طرفي ساهر
جسمي اضمحل بغرامك وانت زاهر
انا حالي ظاهر
عاشق نبيل ياجميل ليك حبي طاهر
وشاعر مجيد بغناك فنان وماهر
بسحر دلالك... وكرم خصالك ... وعشان جمالك
اهوي القمر والنيل واهوي الازاهر
ليلى ونهارى انا لي حيك بهاجر
اخذني نورك ياساحر المحاجر
لا أصفى لوم في هواك ما بخشي زاجر
مهما الاقي
من طول فراقي
وفرط اشتياقي
حافظ عهودك وحياة خدودك يااللي هاجر
حسنك بديع ياوديع في عصره نادر
حكم صفاك مولاك ذو حكمة قادر
منشور هواك لي ضناي ياحبيبي صادر
ناكر شفاي واراك علي طبي قادر
انا برضه آمل
تعطف تجامل
بي مس الانامل
تشفي الجروح والروح
لي لقاي تبادر
 
ما شقيتك

كلمات :

خضر حسن سعد

الحان :

حسن عطية

ما شقيتك وانت الشقيتني
راعي نص الهوى والغرام

ما جفيتك وانت الجفيتني
ما نسيتك وانت النسيتني
في بحور الحب كم رميتني
وكؤس الصد كم سقيتني
بخضم الهوى كم بديتني
بخيالك لو كان لفيتني
تحي صبا ترعى الزمام

خدو ماسة والثغيرو مبسم
حسن يوسف وعفاف مريم
نغمة المزمار لو تكلم
زينة الازمان لو تكتم
الدرر تنساب لو تبسم
حكم جار البي لو يقسم
اسلم العشاق للاحكام

حظى اسود من كحل عينه
دثرونى من سهم عينه
زملونى من در نغيمه

اذكريني ثم اذكريني
واصليني ثم اهجريني
ذكريني شوقي وحنيني
اوعديني ثم امطليني
اذكريني ثم ارشفيني
قبلة معسولة ارشفيني
الوداع يا مصدر فنونى
الوداع يا منبع انينى
الوداع الوداع
حبيبي الوداع
 
محبوبى لاقانى
محبوبى لاقانى وبنظرة حيانى
جذب الفكر حسنة وجهر العيون نورو
وبعد اشتياقى الطال فاجأنى بظهورو
شخصتة فى حسنه وأصبحت مأثورو
سبحته كبرته هللته بحياتو
وبكل احساسى رديت تحياتو
شكيتلو الامى الامى واحلامى
زى الصباح مشرق
زى الزهور باسم زى اللهيب محرق
وبعواطفى بادلتو بدموعى جاوبتو
شكيتلو من هجرى ظلم الهوى وجورو
بادلتو بشعورى شعورى
ملاء الحياء شعورو
شفته السحر كامن
من وجنتيه نورو
من العيون خوفى وامالى فى ظهورو
يازول انا قلبى حباك اموت انا انا مالى بنساك
ياساحر النظرات يامدهش اللفتات
وين ايامك الخالدات خالدات هنا ...
اشعلت لى نارى
جددتو تزكارى
انا ليك دوام طارى
يالساكن قريب جارى
جارى انا قلبى حباك اموت انا انا مالى بنساك
زينة الدهر يحلو السمر
الحب امر دمعى انهمر
ليك ياقمر قمر قمر قمر
قلبى حباك اموت انا
انا مابنساك
 
أعلى أسفل