حامل القلب الغريب

صقر قريش

:: كاتب نشـط::
ياحامل القلب الغريب
لواسألك ممكن تجيب
بعد السنين العشتها
وبعد مااخترتك حبيب
وبعد العهود البينا كان
كيفن تقول مافى النصيب
*************
كيف بس أعيش كل العمر
وحب الجميل ماخد سكن
عشرة سنين غربة سنين
واجمل زمن من العمر
كان الثمن
وإحساس جميل زفرات عبير
وحاجات عظام ضاعت سدا
خليتنى تايه فى الديار
بس الفراق منك احن
ليه الزفاف ثوب الزفاف
رمز الفرح أصبح كفن
وحيات شبابك ياجميل
ماعندي كان غيرك وطن
****************
انا كنت دايرك شمعه تضوى
لى الطريق من الظلام
واعيش معاك كل العمر
ياغالي في دار السلام
بعد الحصل انا مااظن
ياغالي بيفيد الكلام
***************
كيف بس يهون تجرح قلب
وترميه فى أبعد طريق
وتشعل النار فى الحشا
مع إنو كان أنت الرفيق
كل المنى كان ليك أصل
وتطفيه ياغالي الحريق
*****************
(حاتم إبراهيم محمد عبد الله )
 
أعلى أسفل