تكاليف الزواج السوداني كاااااملة

الاخت الكريمة لك الشكر...
وموضوعك جميل جدا ..بس فتحي جرح ...ربنا يبردو لينا..
والمشكله الراهنة حتي لو الناس اتفقت علي التقليل من الشكليات بقت عندنا مشكلة السكن...
 
بسم الله الرحمن الرحيم

الاخت / صاحبة البوست
الاخوة / المشاركين

السلام عليكم ورحمة الله وبركاته


موضوع الزواج في السودان طبعا مهم ...لكن توجد العديد من الظروف الحياتية الضاغطة.والصعبة ...لكن ككل العالم توجد طبقات مختلفة في المجتمع يوجد الغني ...ويوجد الفقير ..ويوجد المعدم........بالنسبة لموضوع البوست اري العديد من الاخوان شنوا هجوم عنيف علي الاخت الكاتبة ...وهذا في وجهه نظري خطأ....لان الكاتبة لم تلزم احد بالزواج الان ....او دفع مبالغ خرافيه .... او يشتري شئ بالارقام التي ذكرتها اعلاه... كل الذي قامت به ....هو كتابة لائحة بمتطلبات الزواج في السودان( في الوقت الحالي ).. ...وقيامها بتقديم بعض النصائح ......ولو رجعتوا للموضوع تجدوها...بين الفينه والاخري تنبه الي هذا المبلغ او ذاك ليس اجباري.....وكل شي يتم بالاتفاق بين الطرفين ....وتضع حد اعلي... وحد ادني ..(.الفنان ممكن يكون بمليون ....او خمسين...لم تفرض علي احد ان يحيب ...نجوي كرم .......او ثناني ابوسعد ....وضعت لكم خارطة طريق ...لمشروع الزواج في الوقت الحالي في السودان ...بل اراها اجتهدت في الحصول علي اسعار جرام الذهب .... وكثير من التفاصيل المهمة ......وشرحت للمقدميين علي الزواج نقاط خفيه ........( النادي والعشاء علي اهل العروس ...انا شخصيا ماكنت عارف المعلومة دي )...
لاتقللوا من اراء الاخرين .....هناك من يستفيد فعلا من مثل هذه الاراء....او علي الاقل ياخدوا فكره عن الزواج في السودان في الوقت الراهن ......( رايت في احدي المنتديات السودانية عروس سودانية .. " اظنها مذيعة .."محموله علي هودج ، وقد اثار ضجة هذا الموضوع ، بالسؤال علي عودة العبيودية في السودان وخلافه ) ....المهم هل يعني من المفروض كل الناس تتزوج مثل هذا الزواج البذخي ؟؟؟...عندنا مثل بيقول ...( مد رجلك قدر لحافك ) .....الذي اكرمه الله .....او حرامي ....او نزلت عليه ثروة من السماء........ يتزوج كيفما يري انشاء الله يمشي ...لاس فيغاس .... لا احد يستطيع منعه ....والماعندو.... يجتهد حتي يرزقه الله ويتزوج بالمعقول .....والمعدم ممكن يتزوج بدون اي تكاليف اضافيه ...توجد بعض الاسر تقبل ...( بالفاتحة ) ...فقط ....وذلك بحثا عن الستره....( كما توجد زواجات جماعية ....مجانية)......يعني تؤجد مجموعة من الخيارات للراغبين ......
لذلك قصة ....( بطني طمت ) ....(وقرفتينا )...هذا ليس رد حضاري في منتدي عام ....اذا لم يعجبك الموضوع ...اذهب وشاهد موضوع اخر........لا تحبطوا الناس ... ولا تقللوا من افكارهم ومقترحاتهم .....هذا منتدي عام وللجميع....هذا هو الوضع في السودان سوي رضيتم ام ابيتم ....( العاوز يتزوج ...يتزوج....... والماعايز يتزوج علي كيفو....)

ملحوظه :
ليس لي اي معرفة بصاحبه البوست اطلاقا حتي ادافع ... فقط جذبني العنوان ...كنوع من الفضول ........كل ماكتب اعلاه رأي الشخصي ...


والسلام​
 

التحيّة لكل الإخوان/ات

موضوع شيّق وجدير بالطرح
أصبحت تكاليف الزواج عالية وخاصة في هذه الأيّام وليست تلك الأيّام التي كُتب فيها هذا البوست فالأسعار التي ذُكرت سابقاً أصبحت ضرب 3
فعلى سبيل المثال إستعان بي أحد الأصدقاء لمعرفة تكاليف حفل حنة لعدد 700 شخص فقمت بزيارة جهات متخصّصة في تجهيّز وإقامة الحفلات فكانت التقديرات ما بين 20 الى 22 الف جنية
مع العلم بأنها فقط وجبة عشاء مع صيوان مفروش مع الخدمات لأقول هذا كما يقول الأخوان لتطميم البطن من الزواج او العزوف عنهُ ولكن لمعرفة خيار مطروح ممكن ان تُطبّقهُ أو تختار
طريق آخر بكيفية متفق عليها بين الزوجين للتقليل من حدّة التكاليف العالية .

وبنقول تزوّجو فقراء يغنيكم الله من فضله

وربنا يسهّل بيت العدل لكل عذابي

تحيّاتي
 
رد: تكاليف الزواج السوداني كاااااملة

سودانية اشكرك بشدة على الموضوع الجميل ده وبالجد ساعدنا في حاجات كتيرة ممكن تواصلي في الموضوع ده؟؟؟ يعني ياريت تدينا اسعار النوادي زي النادي السوري والقبطي وغيرهم وكذلك الصالات وسعر العشاء الخ
انا عندي اقتراح اعتقد انه حيفدنا كلناااااااااااااا نظرا للظروف اللي ماشين فيها ليه ما نتعاون ونطرح ارخص الاسعار الممكنة للنوادي والصالات والعشا والفنانين والتكاليف كلها عموما نظرا لاهمية الموضوع في الوقت الراهن ونظرا للجرس الحاصلة ههههههههههه والله يسهل لشبابنا كلهم الزواجhttp://1.1.1.4/bmi/vb.alrakoba.net/images/smiles_alrakoba/Icon120.gif
 
رد: تكاليف الزواج السوداني كاااااملة

يا سودانيه حرام عليك يعني كدا الكان ناوي يعرس ويمد كراعه على قدر لحافه برضو طفشتيهو بالطريقه دي السودان كلوا حيبقى بايركس .. والأمات يخموا ويصروا .. خليك متفائله شويه ..
خالص تقديري للست صاحبت البوست والمتداخلين الكرام ،،، .
 
رد: تكاليف الزواج السوداني كاااااملة

يا خي البنات نفرو الرجال من العرس
الاتفاق مااااالو وروني بلشي الموجود الناس تنستر
تأكد ايها الرجل اذا في وحدة كلفتك فوق طاقتك تبقي ما بتحبك
البنات بحاكو بعض
في الصالات الفخمة والنوداي الفخمة وحتي صحانت العشاء واشكالها لو ما عندكم امكانية جنب الاب مالو
ياخي انتي تقلدي لشنو فلانة ديك عندهم وانتي ما عنكم ما عيب
العيب انك تكسري رقبت الراجل العوز يعرسك دا وتحمليهو فوق لطاقتو
وذنبو في الكلام دا عشان حباك وحبة تشاركيهو حياتو
والمشكلة الكلام دا كلو بقع في رسيين البنات يعني بسبب البوووورة
واصلو الموضعة بقت عرس المطلقات عشان المنصرفات بسيطة
والمطلقة ما بتكلفو شي كتير
فانا بشوف انحنا بقينا في سباق مع الزمن
عشان كدا المفروض كل بت عاقلة تكسب زمنا وتكون اسرة سعيدة
الناس بتكلمو بعرسك وكان سمح وكان وكان وبعد كم يوم بنسو الموضوع بشوفو غيرك
وحاليا كيلو الصندل ب مليون ونص والصندلية كذلك مليون ونص غير باقي الريحة
يعني انا ممكن اختصر الشغلانة واشوف الحريم البيبيعو الريحة واشتري منهم شي بسيط قدر قدرتي
بس لا انحنا عاوزين نتبوبرز ياخي لوعنك اتفشخري ذي ما عاوزة
يلا اتبوبرو لحدي ما تلحقو فلانة
اصحو يا بنات اصحو
 
أعلى أسفل