تشخيص في الكارو ! | منتديات الراكوبة

تشخيص في الكارو !

الموضوع في 'الحوار العام' بواسطة ود الشريف, بتاريخ ‏يونيو 20, 2018.

الوسوم: إضافة وسوم
  1. ود الشريف

    ود الشريف :: كاتب نشـــط::

    إنضم إلينا في:
    ‏يونيو 23, 2012
    المشاركات:
    1,361
    الإعجابات المتلقاة:
    66
    نقاط الجائزة:
    48
    وقفت بالقرب من مستشفي حكومي لأبل ريقي من بائع الماء المتجول
    شد إنتباهي حديث شخص مع حارس بوابة المستشفي إقتربت منهم
    دواعي الفضول (الشمار) وبدأ الحديث يعلوا بين الأثنين
    الشخص بالخارج الحارس بداخل المستشفي
    الحارس : يا زول سوق زولك ده وديهو مستشفي تاني
    الشخص : يا ناس الزول ده باقي ليهو شوية ويميوت .. والغفير ده ما عايز يدخلوا للدكتور
    الحارس : اولاً انا ما غفير ! انا (سكورت ) إنتا ماك شايف لبسي !!!
    وتدخلت برضو بدافع الفضول موجهاً كلامي للشخص
    : انت زولك وينو !!!
    الشخص : هداك .. الراقد في الكارو داك
    : وجايبوا من وين بالكارو !!!
    الشخص: من السوق الشعبي . ومستعطفاً الحارس : الزول ده
    ضاربو ابو فرار وممكن يروح فيها لو ما شافو الدكتور !
    الحارس : ابو فرار !!! خلاص امشي جيب اورنيك تمانية يا شاطر كمان جابت ليها فرار وساطور . انا من شفتا شكلك ده عرفتك جايب ليك مصيبة
    الشخص : يا ناس يا هو فهموا الزول ده الراجل حيموت
    وتدخلت : يا غفير يا طيب ابو فرار يعني (سحاواي ) انت ماك سوداني !
    الحارس : هيييي إنتا ده .. غفير مشيناها كمان جابت ليها انا ما سوداني ولا ......
    وفي هذه الاثناء فتح فتحة صغيرة بالباب ليمرر احد الشباب متلعثماً معليش يا دكتر
    الزحمة دي سببا الزول ده مشيراً الي
    ويبدو الطبيب الشاب خريج جديد ويموت في الشمار
    صوب نظره الي قائلاً : ايو يا أستاذ في شنو !!!
    فقلت : يا دكتور شفت الزول الفي الكارو داك !! عندو (سحاوي ) عايزين ندخلوا
    المستشفي
    الطبيب : وإنتا كيف عرفتا إنو عندو (سحاوي) !! آه إنتا دكتور !!
    ووقعت في أمري وأمر الشمارات
    فقلت : طيب يا دكتور ما عندو (سحاوي) بس هو عيان
    وعيان شديييييد وعايزنك تكشف عليهوا
    الدكتور : عيان عندو شنو !!!!!


    __
    ويقام المأتم بعد حسين


     
  2. ود سنترها

    ود سنترها :: كاتب نشـــط::

    إنضم إلينا في:
    ‏مايو 21, 2013
    المشاركات:
    2,842
    الإعجابات المتلقاة:
    212
    نقاط الجائزة:
    63
    وزارة الصحة المعنية بالحفاظ على صحة الناس وحياتهم معيينين ليهم فيها وزير همباتى وتاجر حرب جابوهوا من الخلاء محل النهب والكتل ورضوهوا بوزارة الصحة عشان يامنوا شرو . قبل فترة صرح ان مرضى السرطانات يكلفون الدولة مبالغ باهظة وفى الاخر بموتوا دى عقلية وزير صحة ؟
    كسرة
    الغريبة لو جاهو وجع راس هو او احدى زوجاته بسافر يتعالج برة على حساب الخزينة العامة
     

مشاركة هذه الصفحة