تحية وسلام تحلالكم الدنيا | منتديات الراكوبة

تحية وسلام تحلالكم الدنيا

الموضوع في 'الشعر' بواسطة ابو نمر, بتاريخ ‏أبريل 10, 2017.

الوسوم: إضافة وسوم
  1. ابو نمر

    ابو نمر :: المشــرف العــام ::

    إنضم إلينا في:
    ‏يونيو 3, 2010
    المشاركات:
    6,543
    الإعجابات المتلقاة:
    37
    نقاط الجائزة:
    48
    الاستاذ محمد حماد الهوارى

    تحلالكم سعادة الدنيا ربى بقول
    كل واحد يعيش فى سعادة مو مزلول
    طيبين انتو والفى منكم مشيول
    وبوجودكم يصير كل الالم مزيول


    تحلا القعدة دايما بى حلات الفيها
    كل واحد بقول الكلمة ما بضاريها
    يا البيكم سعادتى وحزنتى المابيها
    فيكم جد لقيت الطيبة من كل جيهة

    الخوف البخافو بخاف تقولو هوين
    بخاف الحسرة والندم البعد ما تزين
    يا الحسنين وفتحى الجاك ازاى مو بين
    ازاى المن صغير قايم مفدع ولين

    بوريكم غيابى المافى منو مدسة
    غبت انا اصلى مجروح من سهام مترصة
    منى صرفتا عشرين والاخير اتقسا
    صرفتو وشال يمين منو الرقيدة ال لسه

    فكركم ديمة مشغول بالذكر يا قصة
    الا انا فكرى شالتو الطالعة من الحصة
    وكت بسمت معاى وشفتا السنون مترصة
    اوريكم حسن حسون دا حاضر القصة

    ومن صابنى السهم يا حسين صبحتا مالم
    طبيعتى سكوت كتير بى البى ما بتكلم
    واحدين قالوا عين وال لى بقول ما بسلم
    ما عارفين سهام عين الغزال ما بترحم

    جا الدكتور شخص لينا قال دى الزايدة
    سرعة تدخلو العملية لى تاخيرنا ما فيش فائدة
    فى التخدير هناك دكتورة اسمها عايدة
    معاى تبسم تبسما مو تبسم رايدة

    والعملية طلعت حاجة مى معروفة
    ما ورونا بل ما خلو واحد يشوفا
    سهام عينيها يا خلايا منها خوفة
    غور فى الضمير بى ضلوعى ماخد طوفة

    يا فتحى المغرب روحى ليهو سنين
    سهامو بترمى من قبال تشوفو العين
    يا الحيرتى عقلى وشلتى قلبى فطين

    رفعتا قضيتى للشعراء الحسن و حسين
    وبديكم وصف من الرمنى سهامو
    عقرت حواء ما اظن يوم تلد قدامو
    كترت اهتى كان يوم اشفى من الاما
    حاولت الرقاد بغمد بشوف الشامة

    ترسل لى سلاما تقول نعلك طيب
    انا كيفن اطيب من المنو الطبيب مو طيب
    يا الفاتن الشباب فيك الصغير والشيب
    اسمعى بلى اضانك عمرى حدو قريب
    س: وماذا قال محمد الهوارى عن بنات حواء؟
    ج: الفى قلوبنا مصوب صبة
    عالية اردافو شال نومنا الجعل ما يربى
    الما بين دلع امو ابوهو اتربى
    اسموا اغلى المعادن ومنو تغنيك حبة

    عشوقى الحبو ازمن فى دواخلى مخبى
    كل ما يلفح التوب جمرو ياخد شبة
    الخلانى بالاهات فؤادى معبى
    بعدا عنو اول.. وتانى شوق محبة

    حريف تنشين وليا موجه النشاب
    وكم بى لحظو ودر غيرى جرح وصاب
    وكتين بالبرد عضت على العناب
    الله يسامحو فى عقولنا الخربها خراب
     

مشاركة هذه الصفحة