بوست ترحيب باعضاء الراكوبة الجدد

ابراهيم حوشه

:: مشـرف ســابق ::
السادة اعضاء الراكوبة
في الاول مرحب بالاعضاء الجدد الواصلين الي الراكوبة الوريفة
نستقبلكم وكلنا امال في ان يطيب لكم المقام في رحاب الراكوبة



ملحوظة: يوجد بوست ترحيب واحد بالاعضاء الجدد الرجاء عدم فتح مواضيع ترحيب لكل عضو؟

ونعتزر من الجميع حيث اننا سوف نقوم بدمج جميع بوستات الترحيب في هذا البوست


الرجاء من جميع الاعضاء الجدد الاطلاع علي الائحة وهي مثبتة في اعلي المنتدي العام
 
التعديل الأخير:
ياجماعه والله انا ما مصدق لحدي هسي
انو ناس الاداره فكو عني الحظر ..........
وعقبال لباقي الاعضاءالجدد ربنا يفك اسرهم....
(ود الطابيه. بنت النيل. مختار .اولاد تنقاسي.اعز مكان. وباقي الركب الميمون.)

اهلا وسهلا بك با شر الابداع
 
مبروووووك ..
.ودى نعتبرها ثوره شباب فى الراكوبه​
 
جاكم (كوز) كبييير ليهو عنقرة

شكراً كتير للراكوبة التي توفر الضل لي كل السودانيين
 


الأخ وراق إذا كنت كوووووووووووووووووووووووز مؤتمرجي أو كوز آلي فإنك لا شك ورقة خاسرة
 
( وإذ نجيناكم من آل فرعون يسومونكم سوء العذاب يذبحون أبناءكم ويستحيون نساءكم وفي ذلكم بلاء من ربكم عظيم ( 49 ) وإذ فرقنا بكم البحر فأنجيناكم وأغرقنا آل فرعون وأنتم تنظرون )
 
يا اخوانا ما تستعجلوا هو قال ليكم الراكوبة توفر الضل لجميع السودانيين

امكن بقصد كوز موية الزير الفي زاوية الراكوبة :60408a3c44d0319f55a
 
انت ياوراق مالك ساكيني من منتدي لي منتدي..دايرني اجيك الرياض ولا شنو؟
هنا ياخوي في رفت.. كان لفيت يمين ولا شمال بلحقوك اخوك محمد فرح ولو اني شاكي انك تكون محمد فرح ظااااطو..
ياخوانا وراق دا كوز متزن ما زي الكيزان قللات الأدب ديلك..
 
حتي لو كان (جردل) نرحب بقدومه فلن نعرف كسودانيين ان نرد الضيف
ثم لنجعل الكلمه والحوار هو ما سيفرق بيننا فهنا تجمعنا الكلمه والتي في سبيل احقاق حق الشعب السوداني نتمسك بها الي ما لا نهايه .
مرحب بك يا كوز هنا في الراكوبه اولا ...ومن مبدا الديمقراطيه لنا ولسوانا نقول اهلا بك ..
الي ان نري منك ما لا يسرنا ؛؛
فاهلا ببني كوز
 
يا جماعة الكوز مازول ولا شنو?
ياخوى وراق حبابك مليار
 
شكراً كتير للراكوبة التي توفر الضل لي كل السودانيين

وراق ياخوي وهي كذلك ضل لكل سوداني
والانتماء للكيزان اصبح نغمه علي صاحبها
بعد ماوضحت افعالهم للجميع
نرحب بيك في الضل ومابتشوف الرقراق
حللت اهلا......................ونزلت سهلا
 
جاكم كوز سنونو صفر حلب الناقة في الشنقاقة..
أخوكم وراق دا راجل ظريف وفر عليكم البحث والتنقيب والتخمين ومن أولا أداكم عنقرتو..غايتو أنا بعتبر عدد الكيزان العقلانيين زاد في الراكوبة بي وراق بعد خليفة وعوض عباس.وديل ممكن نوصفم بي كيزان غير ضارين بقولوا الحق حتي لو ضدهم..ووراق من ضحايا الصالح العام..
ياوراق مرحب بيك واعتبر عندك حليف لامن تقول الحق..
 
التحية للراكوبة وأهل الراكوبة: طيبين إنتو يا أهلي؟

سعيدة أنا بوجودي بينكم
آمل أن أكون مفيدة
وواثقة أنا من استفادتي من كل الأعضاء ههنا
والتحية والتجلة للحبيب محمد حسن العمدة
فما فتيء يغريني بوصال هذه المنتديات التي أحببتها لما اقتربت منها قارئة نهمة لكل ما يسطر فيها من موضوعات
تعكس الوعي والهم الوطني في عصر أصبح الوطن فيه ممزقاً من الطغمة الجاثمة على صدره
وهذا الموقع الذي يجسد المسئولية العظيمة للقائمين عليه وإدراكهم بعظم الأمانة الملقاة على عواتقهم فحولوا الإعلام لرسالة كما ينبغي له
محبتي وتقديري
لنا مهدي
 
مبرررررررررررررررررروك
وبخيت عليك
وعجبني وسر بالي
 
مبروك ياشباب ..
ونتمني ان نري اسهامتكم هنا ..
واهلا بالجميع...
 
استاذه لنا ...
اهلا بكي هنا...
وامنيات لنا ..
بان يكون المكان واعضائه ..
بقدر التحدي دوما ...
والف مرحب بكي ...
 
شكرا سايمون .. شكرا إدارة الراكوبة !!

الشكر لإدارة منتديات الراكوبة علي فك الحظر عن حسابنا ..
وبالتالي نحن اليوم هنا في العام ..
وما أدراك ما العام ..
حيث البراح ومبضع القلم سلاح ..
ونُبشركم بأنا قد جيشنا الكلمة سلاحاً ..
وحيثما وجدنا الداء فشرف الكلمة الدواء ..
وأنا قد حججنا لهذه الديار لأجل أكل مُخ العظم من هذه الأقلام المُستنيرة من أهل الراكوبة ..
وقد والله أصابنا اليأس ونحن ننتظر الفر ج يأتينا من سماء الإدارة .. فلله الحمد والمنة ..
ولقد أصابتنا كآبة وحسرة كادت أن تقشعر لها الأرض وتغدو لها السماء ..
وكُنت أظن كغيري أن ساعات الكآبة والحسرة التي تلف أقلامنا قد تطول وتطول ولا ندري إلي متي ؟
ولكن الأمل مطية المؤمن فركبنا لُجته وعبرنا بسلام والحمد لله القاهر المنان ...
وبين فضاءات الراكوبة الفسيحة والواسعة سنجد ضالتنا وسنتحفكم بجمال الكلمة وحُب الوطن السودان ..
وعهدنا معكم أنا سندوس علي البيادر الصغيرة دوس جحافل الجيوش والأمم الكبيرة ..
وما ذلك إلا في الحق ومن أجله ..
وإنا في هذا الصباح نتوسد رداء الفرح بدخولنا كأقلام تمتلك صلاحية المحاورة والمناقشة والكتابة ..
فهذا الصرح من صروح صحافة الأسافير وقد ذاع صيته وعلا صوته
ولا نحتاج أكثر من أن نعلف أفئدتنا عشبه وثمره صباح مساء غداءة ورواح ..
ونسأل الله أن تكون هذه المنتديات بذرة صالحة في وادي مورق مُثمر ..
هو بيتنا أنخنا أقلامنا وأفئدتنا عند بابه والعشم أن نجد طيب العيش في رغد الأخوة والمحبة تحت علم الوطن السودان ..

فشكراً سايمون أول المواسين لشخصي وأول الواعدين لنا بالفر ج القريب وشكرا الإدارة ..

ابو اروى - الرياض
2011-02-29
 
أعلى أسفل