بلاد يحكمها الهيبس | منتديات الراكوبة

بلاد يحكمها الهيبس

الموضوع في 'الحوار العام' بواسطة محمد شاروري, بتاريخ ‏مايو 29, 2016.

الوسوم: إضافة وسوم
  1. محمد شاروري

    محمد شاروري كاتب جديد

    إنضم إلينا في:
    ‏مايو 29, 2016
    المشاركات:
    5
    الإعجابات المتلقاة:
    0
    نقاط الجائزة:
    1
    في بلادي،،،وطبعا اي زول عارف بلادي دي قاصد بيها السودان الحالي الكان مليون ميل وهسي ماشي لي انو يبقي بي مساحه كافوري بس،،،،
    المهم البلد دي طبعا غريبه جدا يظهر فيها هيمنه ثقافة،، اللهيبس،، طبعا دا اسم الدلع لي الشماسة في العالم دااااك طبعا قاصد اوربا لانو لفظ دااااااك في العامية السودانية بمعني البعيد..... ولفظ ده .... بعيني القريب،،، اموت واعرف بتجيبو الكلام دا من وين احي العربي و المعرب ذاتو و احي كل اسماء الاشارة،، وعلي ذكر الكلام نلقي اللهيبس او الشماسة وهم من يتلحفون السماء ليلاً و نهارا ويستمتعون بالشمس السودانية،، ملحوظة الشمس في السودان مجانيه لو داير تقيف فيها ما في زول بدفعك اي ضريبة ول ابتخسر ولا دولار،، ذي مابدفعو السياح في شواطئ امريكا الجنوبية،، بي المناسبة حصل كم في ذمتكم اب صلعه الله يجازي اب راسا ذي السفه الكان سبب في طلعتك الطلعتها وما نزلته تاني دي،،، طبعا قاصد بشه،،بتاع القصر الجمهوري ما بتاعنا الفي استاد الجوهرة ،،المهم طبعا اللهيبس في السودان هم السواد الأعظم يعني كتاريييين ودي جمع كتار بصيغة التعظيم او كثر... ان عربك،، والدليل علي هيمنة الشماسة علي الثقافة السودانية وقدرتهم علي استنباط اللغه وتجديدها بل ونجدهم يوجدون لها اشتقاقات لغويه وتكاد تكون نحويه،، طبعا البقرا في الكلام دا بقول ود المصطفي دا بهطرق ساااي وبهطرق من هطرقه مقابله في العاميه السودانية يهترش الهترشه معروفه هي حاله اقرب للجنون ولكن اصل كلمه يهطرق وتحويلها الي يهترش هم الشماسه وحاليا كل السودانيين بستعملو كلمة مهترش عااادي،، لكن ما دا القاصدو،، المهم خلونا في موضوعنا ما ننساهو و الي هو... انو الشماسة وقدرتم علي تحوير اللغه في السودان... ويتم استخدامه عاااادي في المجتمع بعداك من المثقفين ومن قبل رجال الخدمة المدنية ورجالات السياسة،،، وديل البهموني هنا وذي ما متذكرين كلام بشه. حبيب وداد بابكر ااااا مابشه حبيب الملاين الزرقاء،،، في افتتاح سد مروي لمن قال في الخطاب بتاعو، ،،، الناس كانو بقولو سد مروي دا،، ما سوره،، والله سد مروي ما ماسوره،، ركزوا لي مع كلمة ما سوره دي عليك الله وديني لحدي هسي مراسل البي بي سي ماعارف يلقي ليها مرادف،،، عشان يترجمه،، وطبعا لفظ ماسوره لفظ عااادي في المجتمع السوداني ومعروفه دلالتو الاصطلاحية، ، ومعرووووف الزول الماسورة يعني شنو والماعارف ذي الماسورة الركبوها السودانيين من 89 ولحدي هسي،، لكن اساس اللفظ هو مصطلح اولاد شمس ودا بثبت لينا دور الشماسة في بنيه الدولة ككل وسيسلو جيا المجتمع بشكل خاص، لمن بلد رئيسه يستخدم كلام شماسه،، عموما احسن من المثل الضربو الرقاصه في احتفالات عيد الثورة الكم كدا ما عارف وقال،،، ماداير اكون ذي مابقولو في المثل،،،، شكارته دلاكته،، واشكر ليكم الانقاذ،،، الانقاذ دي ياجماعه جابت ليكم الموبايلات،،، ستات الشاي شايلن موبايلات ،، اخخخخخ فضحتنا وشرطة عينا،،وتستمر هيمنه لغه الشماسة وتحولها الي حوارات يوميه نعيش ونتعايش معها كل يوم،، وظهرت الان عدد من المرادفات الجديده لتفسير سلوك الانسان السوداني ذي لفظ وريتونااااا،،،،،،
    [*]فيستخدم لفظ وريتونا الشطف القرد منو
    [*]وريتونا الكحل النمله منو
    [*]وريتونا الطقطق اصابع الباعوض منو
    [*]ويستمر الوري لحدي مانصل لي
    [*]وريتونا الطفى النور منو
    [*]نفسي اعرف الطفي النور دا منو ياخ ماممكن شعب في القرن الواحد وعشرين نورو مطفئ وماعارفي الطفاهو منو لحدي هسي،،،،
    [*]الله يجيبك يا الكهرباء ونعرف الطفى النور منو.
    [*]محمد شاروري
     
  2. Awad alawad

    Awad alawad :: مُـشــــــرِف ::

    إنضم إلينا في:
    ‏سبتمبر 7, 2011
    المشاركات:
    5,072
    الإعجابات المتلقاة:
    13
    نقاط الجائزة:
    38
    رد: بلاد يحكمها الهيبس

    ياخ دا الذ بوست :005: :005:
    ولو عرفت الطفا النور عليك ما تنسى تكلمني لانو دا اهم من الريس بتاع المواسير زاتو
    تحياتي ود شاروري
     
  3. محمد شاروري

    محمد شاروري كاتب جديد

    إنضم إلينا في:
    ‏مايو 29, 2016
    المشاركات:
    5
    الإعجابات المتلقاة:
    0
    نقاط الجائزة:
    1
    رد: بلاد يحكمها الهيبس

    صدق عيني في الفيل ما ضلة
    بس ليهم يوم اولاد الهرمه....
    تسلم يا راقي علي المرور
     

مشاركة هذه الصفحة