ضى القمر
:: كــاتبة نشــطة ::
بـــــعد الغيـــــاب
شِلت الوصِف ...
منى ومشيت لى موطن الذات الزمان
سمح المواعيد والصدف
مشتاق أنا ... ومشتاقه هى ...
نتلاقــــــــى فى نفس المكان
أهلى الغبش
نزلة تحت عند الدغش
عدّيى كريمى ... القهوه .... جيّة كربكان
قطـــــــر الأحد
عمق إلتياع ... دمعات وداع
والشوق بلـــــــد
بالفوده والعوده ا فلان
شلت الوصف .... والزاد حنين
فى الجوف دفين ... من كم سنين
ناهيك عن العشق القديم واللهفه والشوق والحنان
وياها البلد
تستنّى جيّة كل زول
تحزن كتير لو تمّ حُـول
وأنا من زمن غبت و مشيت
وا شــــــــرِّى كم طوّلت طُــــــــول
تميت لِى عقد مـــــــن الزمان
والقهوه كل جيّة قطـــــــر
وهج انتظار لى كل عائد من سفر
ودى بشاره على الفريق ..... شالوها فرحانين بُطان
وشوقــى المسافر ما استراح
وإنجمّ من حـــِرمان طويل
أمى وأبوى .... أختى وأخوى
وكل العُزاز ... اللَّى ملاذ
لا بد كان نتلاقى والإحساس جميل
إحساس نخيل .... طربان يميل
مابين فروع المنقه ... وشدر البرتكان
وســـــــــــلام .... حباب
وحمديل سلامى بعد غياب
حِنّ الدروب ... طيبة القلوب
عنّك توَدِّر كل خوف وتدّيك إحساس بالأمان
وأنا فى البلد
الذكريات ما أخصبا
زمن الطفوله العذبه ... طول الأمنيات
زمن الصِبا
وما كنت بفتكر السنين
وكتين تسوقنى مراكبه
ترسابى فى أقصى البعاد
تدينى غربه أجربه
وترهنِّى لى ليله الطويل وأخسر بعد داك الرهان
ولسه البلد
ياها البلد
ما اتغيرت
والناس كمان ما اتغيرو
زى أوَلِى .... طيبين حُنان
بالرغم من إنو الظروف
ماهى الظروف
ولا المعايش ياها هينى متل زمان
والغربه ما كانت خيار
لى زول يحبك يا بلد
وانا كم بحبك يا بلد
الغربه خوف .... وإنتى الأمان
الغربه خوف وإنتــــــــــــ الأمان ـــــى
وانتى ..الامان.
شِلت الوصِف ...
منى ومشيت لى موطن الذات الزمان
سمح المواعيد والصدف
مشتاق أنا ... ومشتاقه هى ...
نتلاقــــــــى فى نفس المكان
أهلى الغبش
نزلة تحت عند الدغش
عدّيى كريمى ... القهوه .... جيّة كربكان
قطـــــــر الأحد
عمق إلتياع ... دمعات وداع
والشوق بلـــــــد
بالفوده والعوده ا فلان
شلت الوصف .... والزاد حنين
فى الجوف دفين ... من كم سنين
ناهيك عن العشق القديم واللهفه والشوق والحنان
وياها البلد
تستنّى جيّة كل زول
تحزن كتير لو تمّ حُـول
وأنا من زمن غبت و مشيت
وا شــــــــرِّى كم طوّلت طُــــــــول
تميت لِى عقد مـــــــن الزمان
والقهوه كل جيّة قطـــــــر
وهج انتظار لى كل عائد من سفر
ودى بشاره على الفريق ..... شالوها فرحانين بُطان
وشوقــى المسافر ما استراح
وإنجمّ من حـــِرمان طويل
أمى وأبوى .... أختى وأخوى
وكل العُزاز ... اللَّى ملاذ
لا بد كان نتلاقى والإحساس جميل
إحساس نخيل .... طربان يميل
مابين فروع المنقه ... وشدر البرتكان
وســـــــــــلام .... حباب
وحمديل سلامى بعد غياب
حِنّ الدروب ... طيبة القلوب
عنّك توَدِّر كل خوف وتدّيك إحساس بالأمان
وأنا فى البلد
الذكريات ما أخصبا
زمن الطفوله العذبه ... طول الأمنيات
زمن الصِبا
وما كنت بفتكر السنين
وكتين تسوقنى مراكبه
ترسابى فى أقصى البعاد
تدينى غربه أجربه
وترهنِّى لى ليله الطويل وأخسر بعد داك الرهان
ولسه البلد
ياها البلد
ما اتغيرت
والناس كمان ما اتغيرو
زى أوَلِى .... طيبين حُنان
بالرغم من إنو الظروف
ماهى الظروف
ولا المعايش ياها هينى متل زمان
والغربه ما كانت خيار
لى زول يحبك يا بلد
وانا كم بحبك يا بلد
الغربه خوف .... وإنتى الأمان
الغربه خوف وإنتــــــــــــ الأمان ـــــى
وانتى ..الامان.