انا أتهم حزب الهنود الخضر بتهكير الراكوبة( يوجد دليل)

اخترت الهنود لأنهم اذكي من يتعامل مع الحاسوب حسب علمي

وما علاقة الذكاء في التعامل مع الحاسوب بالإجرام
التهكير جريمة وربطه بشعب ما وتحديده بالإسم غير مقبول قطعا

لست محموقا يا ابوالخلد لكنها النصيحة

تقبل احترامي وودي
 

أنت وببؤس توحي ان للخيط محتوى سوى إهانة الهنود واحتقارهم وتجريمهم


أحد هذه السيناريوهات سيزعجك كثيرا لارتباطه بالحزب الشيوعي السوداني
إذا رغبت في استعراضه فسأضع رغبتك في الاعتبار دون شك ودون ان احوجك لاستخدام موقعك كإداري بالمكان
يا خليفة سلامات
يا اخوي انت خليت كل الموضوع مسكت في موضوع الهنود؟؟
طيب يا اخوي انت رائك كدي بي صراحة منو وراء العمل ده؟؟
عشان نحصر نقاشنا في موضوع تهككير الراكوبة ونطلع منك بموقف واضح من فاعلها ومن له مصلحة فيها
بس اتمني
اتمني جد انك تناقش الامر بعقلانية وتحيز كامل كأنحيازك للهنود والدفاع عنهم ؟؟
بعدين عندي بوست تاني عن اضراب الاطباء برضو وهم معتقلين وكدي ومطرودين ومفصولين شايف موضوعهم ما وقفت فيهو كتير قدر وقفتك في الدفاع عن الهنود؟؟؟
السيناريو عن ان الحزب الشيوعي متهم ده سيناريو عجيب جدا ونتمني نسمعه واعتقد انه يميل الي الفيلم الكوميدي منه لقراءة الوقع بشكل عقلاني
تقديري في محلو
 
الحزب الشيوعي حزب عريق في التآمر على الديمقراطية وحرية الرأي بكافة اشكالها، صاحب تاريخ معروف في مقاومة ومحاربة كافة اشكال النقد التي توجه له ولأيديلوجيته ومواقفه وقيادته.
في منتدى الراكوبة إنفتح اكثر من موضوع يوجه نقدا شديدا مركزا للحزب الشيوعي، أذكر منها ما تناول قضية عدم صلاة السيد سكرتير الحزب وقد تناولها الاعضاء بطريقة مركزة تبين فيها الحق من الباطل وكيف ان قيادة هذا الحزب أعلنت ردة واضحة عن الاسلام وفي منبر علني شاهده كل السودانيين، ولم يتمكن احد من كوادر الحزب الشيوعي من مناقشة الموضوع والرد عليه بطريقة مقنعة.
كما فتح احد الاخوة الكرام بوستا يناقش أسس الفكر الشيوعي، ورؤية الاسلام لها، باعثا بندائه للمسلمين من عضوية هذا الحزب، وقد كان نقاشه مركزا وقويا بحيث لا يمكن تجاوزه او القفز على نقاطه، ومرة اخرى فشل الشيوعيين في الرد على الموضوع باي طريقة، مقنعة او غير مقنعة.
وغير ذلك من الموضوعات الكثيرة التي ناقشت موضوعات متصلة بالحزب الشيوعي، والتي لم يتمكن كوادره من مواجهتها والرد عليها،
وبقي بعضها في ارشيف الراكوبة شاهدا على ضعف كوادر هذا الحزب وضعف طرحه، مما شكل ضغطا لا يتحمله الحزب الشيوعي ولا يجيد التعامل معه.
كما أن المشاركة الفاعلة والموضوعية القوية التي قدمها الاسلاميون في الراكوبة كانت مثار سخط وإزعاج شديد لمنسوبي الحزب الشيوعي، ويبدو انهم كانوا يرونها تعديا مباشرة على مكتسباتهم، خاصة انهم كانوا يعتبرون الراكوبة منطقة محررة بالنسبة لهم، كيف ومتى حرروها ... الله اعلم.
وقد عبر احد كوادر الحزب الشيوعي في الراكوبة، وبصورة واضحة عن امتعاضه من هذا الوضع واعتبره احتلالا للراكوبة، والمحزن انه عبر عن ذلك في منتدى آخر غير الراكوبة.
شكل كل هذا مبررا كافيا للعقلية الشيوعية لتعمل على ازالة المنتدى بكامله من الموجود، أملا في عودته بالشكل الذي ترضى عنه، بحيث يخلوا من أي هجوم مباشر على قيادتهم وايديلوجياتهم ومواقفهم.
وما حفزهم اكثر على تنفيذ مخططهم، انهم كانوا على ثقة من ان كل الانظار ستتجه فورا لإدانة طرف حكومي، حيث أنها عادة دارجة في مجتمعاتنا، وهي ان نرمي بكل سلبي في حياتنا على الحكومة، ودون نقاش، خاصة وأن الجو كان لا يسمح بالتفكير سوى في جهة واحدة كمتهم في قضية التهكير، ولم يجدوا بأسا من اضافة بعض بينات الاتهام الاضافية ضد الحكومة بالإيحاء لمالك المنتدى عبر المكالمات والمكاتبات انهم جهة حكومية، وذلك حتى تكتمل الحبكة.
 
طيب يا اخوي انت رائك كدي بي صراحة منو وراء العمل ده؟؟

وضعت السيناريو اعلاه استجابة لرغبة شوشتا الادارية، رغم أنه اقل مقبولية من السيناريو الرائج
والذي اجده اكثر معقولية من منافسيه ، فحسب البينات التي طرحتها الادارة عبر بيانها فالفاعل كما يبدو
جهة محسوبة على الحكومة، وأكثر ما حسم الامر بالنسبة لي كان ما ذكره البيان من ان هناك اموالا دفعت (300 دولار على الاقل)
في سبيل إحداث اكبر تدمير ممكن للموقع والمنتدى، وقبل هذه المعلومة كنت أغلب الظن أن الفاعلين ربما كانوا من الهواة
الذين يهكرون للتسلية لا أكثر، مع الاحتمالات الاخرى، إلا ان الهواة عادة لا يخسرون اموالا في سبيل ممارسة هوايتهم المقيتة هذه.
سيناريو الحزب الشيوعي متماسك وبه من البينات الظرفية ما يكفي، إلا ان سيناريو الجهة الحكومة اكثر تماسكا وتدعمه ايضا بينات ظرفية كثيرة
أما سيناريو الهكر الهواة فقد سقط كما يبدو، لكن السيناريو الاكثر ضعفا فهو سيناريو الهنود الذي تفضلت به، والذي ارجو ان تعمل على نفيه فورا
مالم تقدم بينات أفضل و:ثر تماسكا تدعمه بها،
طبعا انبهك إلى انك اذا كنت مهتما بألوان المهكرين فستجد لونا مناسبا وشهيرا مرتبطا بالشيوعيين، إلا انني ارجو ان لا يكون وجود الالوان دفعك الوحيد لدعم سيناريو الشيوعييين.

بعدين عندي بوست تاني عن اضراب الاطباء برضو وهم معتقلين وكدي ومطرودين ومفصولين شايف موضوعهم ما وقفت فيهو كتير

خليك منصف يا خالد، أنا شاركت في موضوع الاضراب، واعلنت وقوفي مع مطالب الاطباء، ودعوت الحكومة للتجاوب معها، وادنت الاعتقالات، وأدينها في كل وقت، كما انني فتحت بوستا كاملا، يتعلق بالموضوع، ادنت فيه محاولات اختطاف القضية، وتشويهها بنشر الاكاذيب والشائعات، وأعدك ايضا يا خالد (باعتبارك صاحب وجعة) بمواصلة دعم القضية من هذا المنبر، وثق أنك لن تجدني ابدا مع ظلم الاطباء او غيرهم، وستجدني دائما مع اي موقف يدعم الحقوق والحريات، وتبا لأي انتماء يخصم من ضميرك ويعرضك لموقف السوء يوم القيامة.


ولك التحية...
 


والله دي قصة خطيرة خلاص يعني الشيوعيين قالو يقفلوا الراكوبة ؟ وبعد الانتخبات طوالي عشان تتوجة اصابع الاتهام للحكومة؟



وبيكون عندهم امكانيات زي دي ؟؟؟؟؟؟؟

انا في معتقدي الخاص انو مافي جهه عندها امكانيات ودوافع غير المؤتمر الوطني

لانو فضيحة الانتخابات كانت بجلاجل وكبيرة


سبحان الله

السيناريو التاني بتاع الهنود الخضر ده افتكر انو استعارة من خالد لجماعة المؤتمر الوطني لانو اقرب سيناريو للحقيقة وكتبة في شكل تهكم علي نفي المؤتمر الوطني وجماعتة لعملية التهكير

الحكومة هي من كانت خلف حجب موقع الراكوبة

ومرة تانية بتمني انو الناس ماتشجع الهلال والمريخ في كل الحالات ياناس

عندي صحبي بيتكلم معاي في الموضوع وحكيت ليه عن السناريو بتاع الشيوعيين
عارفين قال لي شنو ؟
ناس الحكومة عملوها ظاهرة عديل المرة دي
 
التعديل الأخير:
كيفك يا ابراهيم

انا عن قناعة كما اوضحت بعاليه،اغلب الظن القائل ان الفاعل هو جهة حكومية
وقد بنيت ذلك على معلومة انفاق الاموال في عملية التهكير كما ذكرت أعلاه
أما لو توقفت البينات على ان المتضرر مما ينشر في الراكوبة هو الفاعل
ففي سيناريو الشيوعيين سيتضح لك جليا انهم ايضا قد تضرروا مما كان حادثا في المنتدى
وأن دائرة الاتهام يمكن ان تشملهم ايضا

بالنسبة لموضوع الهنود واتهامهم بالتهكير
فقد كنت اظن الاخ خالد جادا في طرحه
خاصة ان الهنود اذكياء في التعامل مع الحاسوب كما قال بنفسه
وعلى العموم فأنا معترض ايضا على التهكم باستخدام الهنود
دون بقية خلق الله
فالشعب الهندي شعب اصيل وليس بيننا وبينه إلا كل الخير
والآلاف منهم يعيشون بيننا ويحملون جنسبة بلادنا منذ قرن كامل او اكثر


تحياتي واحترامي....
 
، فحسب البينات التي طرحتها الادارة عبر بيانها فالفاعل كما يبدو
جهة محسوبة على الحكومة، وأكثر ما حسم الامر بالنسبة لي كان ما ذكره البيان من ان هناك اموالا دفعت (300 دولار على الاقل)
في سبيل إحداث اكبر تدمير ممكن للموقع والمنتدى، وقبل هذه المعلومة كنت أغلب الظن أن الفاعلين ربما كانوا من الهواة
الذين يهكرون للتسلية لا أكثر، مع الاحتمالات الاخرى، إلا ان الهواة عادة لا يخسرون اموالا في سبيل ممارسة هوايتهم المقيتة هذه.
سيناريو الحزب الشيوعي متماسك وبه من البينات الظرفية ما يكفي، إلا ان سيناريو الجهة الحكومة اكثر تماسكا وتدعمه ايضا بينات ظرفية كثيرة
size]



هذا هو التحليل الذي يتفق مع العقل والواقع
فيا اخي الخليفة ياهو الراكوبة رجعت ولو اتهكرت اليوم ممكن ترجع بكرة او بعده
عن المكتبة التي فقدت انا وانت ممكن نساهم بـ 1% او أكثر في اعادة الممكن وغيرنا سيكمل الباقي
اقصد ان الفعل لم يؤثر كثيرا ولم ينهي تفكير الناس في ان تكون هنالك راكوبة تستوعبنا جميعا لأننا ابناء وطن واحد
ولا شك ان عقلية المؤتمر الوطني التي تريد القضاء على كل اخضر افادت الناس هنا كثيرا

ها قد عادت الراكوبة رغم العقلية الخربة التي يتمتع بها دعاة الدولة الرسالية والتوجه الجضاري

ولكن

هل سيعود الوطن
وكم وطنا ترى سيتفتت اليه السودان طول ما العقلية الاقصائية المجرمة مسيطرة ومستبيحة دماء الشرفاء والعزل
ومستبيحة مال الوطن وتسعى بكل جهد لاذلال المواطن وتحقيره

الراكوبة عادت اقوى ولم يتم تدميرها
فهل يعود الوطن قبل ان يتم تدميره ؟
لا اعتقد يالخليفة

وهنا كما قلت سابقا ورجوت منكم انتم اصحاب القلم بألا تطبلوا الى هؤلاء القتلة والمجرمين
لتطويل عمرهم وتقصير رقبة وقامة الوطن .فليس هنالك مردود سيأتيك ان طبلت للقاتل والمجرم نافع
ولن تخسر شئ ان وقفت في جانب المواطن
بل ستكسب ضميرك.

الغلط غلط والصاح صاح

لك السلام والتقدير​
 
خليفة سلامات
شكلو البوست بقي معاك؟ لكن احيي فيك وقفتك والردود في البوست

كلامك جميل انك مع السناريو الاول؟ بتاع الحكومة

المشكلة وين بالجد ده سؤال للجميع؟
وعلي قول ربيع علي الغلط غلط والصح صح

لكن دي ملاحظة في ناس المؤتمر الوطني؟ نادرا مابيقلوا انو الحكومة غلطت وكان مفروض تعمل كده؟ او انهم بيدينو ماقامت به الحكومة

وانا لو كنت بشجع فريق(حزب) بكون معه لمن يكون بيحقق في حاجات بتخدم مصلح البلد ومن ضمنها مصالحي

ولو ارتكب غلطات او حاد عن الحق بكون اول زول بقيف ليه؟

والا بيبقي السبب شنو من وقوفي ودعمي ليه؟

عدم الوقوف في وجه فريقك بيجعلك مشارك ضمني معاهو في الغلط؟

وما ظنيت انو السياسة فيها تعصب؟ لانو السياسة برامج ورؤي وافكار تتم ترجتمتها علي ارض الواقع
وان لم تحصل بالطريقة الصحيحة فعليها السلام
ولن نشجع هذا الفريق مرة اخري؟

ومافي زول بيملي علي زول يشجع منو او يحب منو؟

ومرة تانية برجع لي كلام ربيع انو في النهاية الموضوع بين الشخص وروحة (ضميرة) او قلبة
والدين واضح وبه امثلة كثيرة؟ سيدنا عمر ابن الخطاب (رضي الله عنه) ومقولتة الشهيرة؟​
 

أنت وببؤس توحي ان للخيط محتوى سوى إهانة الهنود واحتقارهم وتجريمهم


أحد هذه السيناريوهات سيزعجك كثيرا لارتباطه بالحزب الشيوعي السوداني
إذا رغبت في استعراضه فسأضع رغبتك في الاعتبار دون شك ودون ان احوجك لاستخدام موقعك كإداري بالمكان

انت رجل لا تحترم المكان الذي فتح لك ابوابه واحترمك خيارك في الطرح لتكافئه بهذه السيناريوهات الغير عقلانية لتضليل القارئ والاعضاء..
ساعود اليك لاحقاً واتمنى قبل ذلك ان ترجع ببصرك كرتين إلى بيان إدارة الموقع ..
 
الحزب الشيوعي حزب عريق في التآمر على الديمقراطية وحرية الرأي بكافة اشكالها، صاحب تاريخ معروف في مقاومة ومحاربة كافة اشكال النقد التي توجه له ولأيديلوجيته ومواقفه وقيادته.
في منتدى الراكوبة إنفتح اكثر من موضوع يوجه نقدا شديدا مركزا للحزب الشيوعي، أذكر منها ما تناول قضية عدم صلاة السيد سكرتير الحزب وقد تناولها الاعضاء بطريقة مركزة تبين فيها الحق من الباطل وكيف ان قيادة هذا الحزب أعلنت ردة واضحة عن الاسلام وفي منبر علني شاهده كل السودانيين، ولم يتمكن احد من كوادر الحزب الشيوعي من مناقشة الموضوع والرد عليه بطريقة مقنعة.
كما فتح احد الاخوة الكرام بوستا يناقش أسس الفكر الشيوعي، ورؤية الاسلام لها، باعثا بندائه للمسلمين من عضوية هذا الحزب، وقد كان نقاشه مركزا وقويا بحيث لا يمكن تجاوزه او القفز على نقاطه، ومرة اخرى فشل الشيوعيين في الرد على الموضوع باي طريقة، مقنعة او غير مقنعة.
وغير ذلك من الموضوعات الكثيرة التي ناقشت موضوعات متصلة بالحزب الشيوعي، والتي لم يتمكن كوادره من مواجهتها والرد عليها،
وبقي بعضها في ارشيف الراكوبة شاهدا على ضعف كوادر هذا الحزب وضعف طرحه، مما شكل ضغطا لا يتحمله الحزب الشيوعي ولا يجيد التعامل معه.
الاخ خليفة
سلامات
مالي اري تقلب وجهك بين قبلة الحق المسنودة بشواهد لا يخطئها عقل وبين باطل الانتماء الذي يجمل ليك سيناريوهات هي اقرب للضحك علي الذقون والعقول؟؟؟
فلنولينك قبلة ترضاها ان كنت تبحث عن يقين فتعال معي الي هذا:
جاء في بيان التهكير من قبل الاخ المسؤل عن المنتدي الاتي:

وفي مرحلة أخرى أوضح أحد المنتدبيين لتلك الجهة بأنه سيجعل الإمور صعبة في اعادة الموقع حيث زعم بأنه ضليع بأمن المعلومات، وأشار الى أن ملفات الفيديو الخاصة بتزوير الإنتخابات والتي قامت الصحيفة بنشرها تثير الفوضى حسب زعمه وليس لها علاقة بالحقيقة. وطلب من إدارة الراكوبة الاتصال به، لإملاء بعض الشروط على الموقع في شأن ما ينشر وما لا ينشر في صحيفة الراكوبة، وكانوا يعتقدون بأنه يمكن للراكوبة أن تعقد صفقة معهم يتم بموجبها إعادة الملفات الاحتياطية والتي أشار إلى أنه تم نقلها أيضاً إلى احد سيرفراتهم
اقرأ هذا جيدا وبتمعن واخلع عنك نظاراة المؤتمر الوطني التي لن تزيدك الا عشا وضبابية وقل لي هل ينطبق هذا علي الحزب الشيوعي؟؟
وهل الشيوعيون هم من يحكمون السودان
وهم من قاموا بتزوير الانتخابات
وهم من منعوا الراكوبة من السودان بعد ظهور الفيديو مباشرة
وهل هم بعد ذلك من قاموا بضرب الراكوبة لان بها بوستا عن الحزب الشيوعي؟؟
واذا افترضنا ان منطقك هذا صحيحا في ان البوست الذي يكتب عن حزب محدد هو مبرر موضوعي لضرب اي منتدي فبربك اسالك كم هي البوستات التي كتبت تفضح وتعري المؤتمر الوطني في الراكوبة وهل نال اي حزب او كل الاحزاب مجتمعة حظا اكثر مما ناله المؤتمر الوطني في النقد والفضح؟؟
اذن وبمنطقك نفسه فأنت تدين المؤتمر الوطني اكثر من غيره ان كان ما قلته مبررا؟؟
اخي خليفة ما زلت احترم فيك الموضوعية ولكنك تجافيها تماما في طرحك هذا الذي يشبه الي حد ما الطرفة التي تسأل احدهم:
ما هو الحيوان الذي يمشي علي اربع وبضبحوه في الضحية وبقول باااااااااااااع؟؟؟
وكانت اجابتهم (الكديس)
لك التحية وأعد البصر كرتين والقلب كرة واحدة لقول ما يمليه عليك عقلك فقط
تحياتي
 


وضعت السيناريو اعلاه استجابة لرغبة شوشتا الادارية، رغم أنه اقل مقبولية من السيناريو الرائج
والذي اجده اكثر معقولية من منافسيه ، فحسب البينات التي طرحتها الادارة عبر بيانها فالفاعل كما يبدو
جهة محسوبة على الحكومة، وأكثر ما حسم الامر بالنسبة لي كان ما ذكره البيان من ان هناك اموالا دفعت (300 دولار على الاقل)
في سبيل إحداث اكبر تدمير ممكن للموقع والمنتدى، وقبل هذه المعلومة كنت أغلب الظن أن الفاعلين ربما كانوا من الهواة
الذين يهكرون للتسلية لا أكثر، مع الاحتمالات الاخرى، إلا ان الهواة عادة لا يخسرون اموالا في سبيل ممارسة هوايتهم المقيتة هذه.
سيناريو الحزب الشيوعي متماسك وبه من البينات الظرفية ما يكفي، إلا ان سيناريو الجهة الحكومة اكثر تماسكا وتدعمه ايضا بينات ظرفية كثيرة
أما سيناريو الهكر الهواة فقد سقط كما يبدو، لكن السيناريو الاكثر ضعفا فهو سيناريو الهنود الذي تفضلت به، والذي ارجو ان تعمل على نفيه فورا
مالم تقدم بينات أفضل و:ثر تماسكا تدعمه بها،
طبعا انبهك إلى انك اذا كنت مهتما بألوان المهكرين فستجد لونا مناسبا وشهيرا مرتبطا بالشيوعيين، إلا انني ارجو ان لا يكون وجود الالوان دفعك الوحيد لدعم سيناريو الشيوعييين.



خليك منصف يا خالد، أنا شاركت في موضوع الاضراب، واعلنت وقوفي مع مطالب الاطباء، ودعوت الحكومة للتجاوب معها، وادنت الاعتقالات، وأدينها في كل وقت، كما انني فتحت بوستا كاملا، يتعلق بالموضوع، ادنت فيه محاولات اختطاف القضية، وتشويهها بنشر الاكاذيب والشائعات، وأعدك ايضا يا خالد (باعتبارك صاحب وجعة) بمواصلة دعم القضية من هذا المنبر، وثق أنك لن تجدني ابدا مع ظلم الاطباء او غيرهم، وستجدني دائما مع اي موقف يدعم الحقوق والحريات، وتبا لأي انتماء يخصم من ضميرك ويعرضك لموقف السوء يوم القيامة.


ولك التحية...
انت عارف الخليفه
كلامك منطقى جدا
بالذات 0بعد اجتماع؟؟
نقد وكرزاى وبن لادان فى توتى؟
طبعا ماننسى مشاركة0او كامبو 0عبر الاقمار الصناعيه؟؟
والاجتماع مخصص ؟لتدمير الراكوبة
؟؟؟الله يجازى الشيوعيون
:022::022::022::022:
 
أخي ربيع

اتفق معك في بعض ما قلته واختلف مع البعض الآخر
مع احترامي لرأيك
 
شكلو البوست بقي معاك؟

شكلو كده يا ابراهيم
الله يفكني بأقل الخسائر الممكنة
فأحدهم بدأ في ارسال اشارات التهديد المبطنة

أتفق مع مداخلتك بالكامل

احترامي وتقديري
 
الاخ خليفة
سلامات
مالي اري تقلب وجهك بين قبلة الحق المسنودة بشواهد لا يخطئها عقل وبين باطل الانتماء الذي يجمل ليك سيناريوهات هي اقرب للضحك علي الذقون والعقول؟؟؟
فلنولينك قبلة ترضاها ان كنت تبحث عن يقين فتعال معي الي هذا:
جاء في بيان التهكير من قبل الاخ المسؤل عن المنتدي الاتي:

رجاء تفضل بقراءة مداخلتي التالية لما اقتبسته، ففيها توضيح لرايي، وما فعلته ليس اكثر من استعراض السيناريوهات المحتلمة وترك الخيار للقاري الكريم، فربما لا يقنعه السيناريو الذي اخترته لنفسي عن قناعة، اقصد سيناريو (جهة حكومية منفلتة قامت بالتهكير).

احترامي لرأيك...
 
انت عارف الخليفه
كلامك منطقى جدا
بالذات 0بعد اجتماع؟؟
نقد وكرزاى وبن لادان فى توتى؟
طبعا ماننسى مشاركة0او كامبو 0عبر الاقمار الصناعيه؟؟
والاجتماع مخصص ؟لتدمير الراكوبة
؟؟؟الله يجازى الشيوعيون

أمسك عندك يا خالد
معاوية عبيد يدعم منطقية سيناريو الشيوعيين

العزيز معاوية
هل فهمتك بطريقة صحيحة
أم انك تتهكم فقط من ما ورد بالسيناريو الشيوعي
على العموم اتفق معك في الدعاء على الشيوعيين

تحياتي وتقديري...
 
التركيز على نقطة أن الجهة المتضررة مما ينشر بموقعنا هي التي قامت بالتهكير خطأ
فهذه النقطة ضعيفة وتؤدي لفتح الباب للكثير من السيناريوهات، وتضطرنا لمراجعة ارشيف ما قبل التهكير، اعتمادا على الذاكرة على الاقل
للبحث عن كل المتضررين من ما نشر واعتبارهم داخل دائرة الاتهام
النقطة التي علينا ان نركز عليها هي نقطة أنفاق الاموال خلال تفاصيل وإجراءات هذه العملية القذرة
وأفضل ما في هذه النقطة هو انها يمكن تتبعها تقنيا، فمثل هذه الامور تتم عبر قنوات بنكية، وهذا ما سيسهل الملاحقة القانونية للجناة
إذا رغب المسئولون عن المنتدى في ذلك.
 
التركيز على نقطة أن الجهة المتضررة مما ينشر بموقعنا هي التي قامت بالتهكير خطأ
فهذه النقطة ضعيفة وتؤدي لفتح الباب للكثير من السيناريوهات، وتضطرنا لمراجعة ارشيف ما قبل التهكير، اعتمادا على الذاكرة على الاقل
للبحث عن كل المتضررين من ما نشر واعتبارهم داخل دائرة الاتهام
النقطة التي علينا ان نركز عليها هي نقطة أنفاق الاموال خلال تفاصيل وإجراءات هذه العملية القذرة
وأفضل ما في هذه النقطة هو انها يمكن تتبعها تقنيا، فمثل هذه الامور تتم عبر قنوات بنكية، وهذا ما سيسهل الملاحقة القانونية للجناة
إذا رغب المسئولون عن المنتدى في ذلك.


وكأنك تحاور هنا اطفال في روضتك ..
وبما إنني المعنى بصاحب الإشارات .. خليني اخت ليك الكلام بكل وضوح دون دسدسة ..
يا خليفة دورنا في المقام الأول الحفاظ على هذا المكان من كل الذين يحاولون تخريبه او تضليل منتسبيه وان وجدتك كذلك لا مانع لدي مع ان انبهك او اشير لذلك وربما أذهب إلى اكثر من ذلك .... لدينا القرائن والدلائل وفضلنا الصمت وسنصمت لان رسالتنا للشارع السوداني لا تعتمد على الهتافية .. اما عن الملاحقة القضائية للجناة .. انت والأعزاء القراء ان يتأملوا ثم يقارنوا ما بين حجم الجرائم التي ارتكتب في حق الانسان السوداني وما حدث للمكان ..
اطمئنك اننا كإدارة وأعضاء لن نفوت لهم فعلتهم ولكننا نؤمن بأن الحقوق لا تؤخذ بالاقساط وان شاء الله بناخد حقنا مع حقوق وليداتنا في دارفور وكجبار ومع الحقوق المسلوبة والمسروقة للشعب السوداني ...
فقط أود أن اشير اننا برغم ما حدث نؤمن بحرية الطرح ..
 
التعديل الأخير:
طيب..سلام كلكم ومتجمعين عند النبي ( صلى الله عليه وسلم..)

بدون دسدسة وبدون دهنسة وكلام بتاع احزاب وبعيدا عن اي شي..

الخليفه اللي شغال فيهو شوشتا نفخ ده..لو لم يكن يحترم هذا المكان لما عاد اليه وهو اكثر عضو نشاطا اليوم ..دي نقطة..

ولو كان الخليفه فرحا أو يحاول الدفاع عن جهة معينه لما أدان منذ اليوم الأول التهكير وليس هناكـ مايجبره على فعل ذلكـ وبالمناسبة الخليفه كان على اتصال بالكثير من الاعضاء والإداريين بمن فيهم ( سيد الحوش ) وكان يطمئن بين الحين والآخر على اجراءات اعادة المنبر..

يبقى كونوا يا الشفيع تقول للخليفه كلامكـ الفوق ده وانو يدنس ويدسدس..ياخوي ماعندكـ فيهو حق..

النقطة الأهم..

من الذي هكر الموقع..؟؟

كل الفرضيات المذكورة اعلاه وارده ولكل مصلحته في ايقاف الموقع ..وياريت نتكلم بشفافيه ..

الحكومة ليها مصلحه في التهكير..

ثانيا أحزاب أخرى كذلكـ ليها مصلحه والشيوعي الي ذكره اخونا الخليفه برضو ليهو مصلحه..

ثالثا / الفرضية الأهم ليه مايكون المهكر موقع منافس لينا في الراكوبة..

قد يقول قائل ..وماذا عن التهديدات التي وردت لبعض الاعضاء والاداريين والمساومات...!!

بهدوء كده وبنفس عميق..نفكر ونحلل..

أنا الليلة كـ ( هكــر) وعندي المقدرة على تدمير الموقع تماما..أساومكـ ليه وأنا عارف مبادءك اصلا ما بتتفق ولا حتقتنع بمساومتي ..!!؟؟

يبقى الأجدر إنو أدمر الموقع ولا اساومك ولاا اتعب نفسي ..صح..؟؟

هذا ليس لتبرئة عمارة الكمبيوتر المتهمه ..ولكن..

مش ممكن يكون اللي هكر الموقع ( جماعه) ..واللي اتصلو تلفونات جماعه أخرى استغلت الموقف..؟؟

كل الفرضيات ممكنه ..لاتنفعلو ولا تلقوا بالكلام في غير موضعه..

اعضاء المؤتمر الوطني يحبون ويحترمون هذا الموقع واتمنى الا يحاول البعض نفي هذا الشيء ورميهم بما ليس فيهم..
 
طيب..سلام كلكم ومتجمعين عند النبي ( صلى الله عليه وسلم..)

بدون دسدسة وبدون دهنسة وكلام بتاع احزاب وبعيدا عن اي شي..

الخليفه اللي شغال فيهو شوشتا نفخ ده..لو لم يكن يحترم هذا المكان لما عاد اليه وهو اكثر عضو نشاطا اليوم ..دي نقطة..

ولو كان الخليفه فرحا أو يحاول الدفاع عن جهة معينه لما أدان منذ اليوم الأول التهكير وليس هناكـ مايجبره على فعل ذلكـ وبالمناسبة الخليفه كان على اتصال بالكثير من الاعضاء والإداريين بمن فيهم ( سيد الحوش ) وكان يطمئن بين الحين والآخر على اجراءات اعادة المنبر..

يبقى كونوا يا الشفيع تقول للخليفه كلامكـ الفوق ده وانو يدنس ويدسدس..ياخوي ماعندكـ فيهو حق..

النقطة الأهم..

من الذي هكر الموقع..؟؟

كل الفرضيات المذكورة اعلاه وارده ولكل مصلحته في ايقاف الموقع ..وياريت نتكلم بشفافيه ..

الحكومة ليها مصلحه في التهكير..

ثانيا أحزاب أخرى كذلكـ ليها مصلحه والشيوعي الي ذكره اخونا الخليفه برضو ليهو مصلحه..

ثالثا / الفرضية الأهم ليه مايكون المهكر موقع منافس لينا في الراكوبة..

قد يقول قائل ..وماذا عن التهديدات التي وردت لبعض الاعضاء والاداريين والمساومات...!!

بهدوء كده وبنفس عميق..نفكر ونحلل..

أنا الليلة كـ ( هكــر) وعندي المقدرة على تدمير الموقع تماما..أساومكـ ليه وأنا عارف مبادءك اصلا ما بتتفق ولا حتقتنع بمساومتي ..!!؟؟

يبقى الأجدر إنو أدمر الموقع ولا اساومك ولاا اتعب نفسي ..صح..؟؟

هذا ليس لتبرئة عمارة الكمبيوتر المتهمه ..ولكن..

مش ممكن يكون اللي هكر الموقع ( جماعه) ..واللي اتصلو تلفونات جماعه أخرى استغلت الموقف..؟؟

كل الفرضيات ممكنه ..لاتنفعلو ولا تلقوا بالكلام في غير موضعه..

اعضاء المؤتمر الوطني يحبون ويحترمون هذا الموقع واتمنى الا يحاول البعض نفي هذا الشيء ورميهم بما ليس فيهم..


يا عطية ما انت الزول البوريني مواقيت وأزمنة وامكنة الكتابة وشنو الضروري ومع منو وهكذا اشياء ..
وثم البوستات والمنتديات ما المكان المناسب للحديث عن امور التهكير لأن ما حدث أكبر من الحديث حوله في الابواب المفتوحه وعليك ان تضع ذلك في الحسبان جيداً ..
كون خليفة يتصل في صاحب الحوش وللا العائلة المالكة وللا إداري المكان مع احترامي الكبير لهم وله لا يعني لي كشوشتا شيئاً وبرضو خت الكلام ده في ذهنك عشان ما تلعب لي على الوتر ده نفخ شديد ...وبالمناسبة هنا مافي صاحب حوش ولا ملكي (الكلام ده هناك) .. هنا كل الاعضاء اصحاب حق وهذا المكان ملك لكل ابناء الشعب السوداني من الشرفاء ..
المنتظر منا كأعضاء في هذا المكان دور كبير (جداُ) لذا علينا ان نلتفت إلى ما هو افيد وخلونا نفتح بلاغ ضد مجهول .. ايّا كان كان يسكن هذا المجهول في العمارة وللا في السفارة ..
 
يا عطية ما انت الزول البوريني مواقيت وأزمنة وامكنة الكتابة لي كشوشتا شيئاً وبرضو خت الكلام ده في ذهنك عشان ما تلعب لي على الوتر ده نفخ شديد ...وبالمناسبة هنا مافي صاحب حوش ولا ملكي (الكلام ده هناك) .. هنا كل الاعضاء اصحاب حق وهذا المكان ملك لكل ابناء الشعب السوداني من الشرفاء ..
..

لو لم تقل هذا لظننتكـ شفيعا آخر ..

يا اخي أنزل من برجكـ العاجي هذا وتخاطب مع الناس بلغة فيها شيء من النقاء ..

قصة مافي اداريين واعضاء دي مفروض تقولها لنفسك يا الشفيع ..لأنو أكثر من عضو يشتكي من سوء تعاملكـ وأنا شخصيا كعطية لا أشعر أنني اخاطب إداري إلا حينما اصطدم بكـ في بوست وحوار ..

بالله احسب كم مرة أنت تخاطب الناس وتقول لهم ( بصفتي شوشتا الاداري)..وتحشر صفتك الادارية في اي حوار ولو كان عن المنكير وتفتيح البشره..

يا الشفيع ..والذي نفسي بيده انتمائي لهذا المكان لاتحدده انت ولاتعرفه مقداره أنت..

رجائي ياخ أن تنزل من برجكـ العاجي الذي صنعته لنفسكـ وحواركـ في البوستات ياريت يكون بنفس طيبة ورايقه ياخ الدنيا دي والله تافهه ومافيها شي ولاتستاهل البتعلمو ده كلو..
 
أعلى أسفل