الوضع السياسي الراهن في مثل سوداني ..!!

الوضع السياسي الراهن في المثل السوداني ..
ــــــــــــــــــــــــــــ

ليست المصيبه ان توقع الاحزاب المعارضة مع النظام
وتقوم بتجريب المجرب رغما عن مثلنا السوداني (البجرب المجرب ندمان)
الكارثة ان يكون غير الموقعين بلا (رؤية بديلة) وبلا فعل
وماسمعوا بالمثل السوداني البقول (البتغطي بالايام عريان)..
الحركات المسلحة ( المبعرف شيلك بملخك)
الشعب السوداني ( هدية القرفان ليمونه)
الشباب السوداني ( ام الكلب بعشوم)
امريكا ( النسابة عين شمس)

 

رد: الوضع السياسي الراهن في مثل سوداني ..!!

قلة الممانعين لخارطة الطريق( أهدوني وأطلقوني )
قصة المثل :
يحكي ان امرأة اعتادت دخول بيوت النساء الاخريات أثناء غيابهن لتسرق أيما شيئ تجده أمامها من المرود إلى فتيل الريحة...الناس بيوعظوا فيها يوم البتسوي فوقو لا ماصاح وماعارف ايه...بعد انتهى الوعظ قالت ليهم انتهيتو؟. اهدوني واطلقوني دييييك واحدة مرقت من بيتها انا ...ماشة عليه...
قلة الممانعين للسلام كمان فهمهم زي المره دي بالظبط ..السودانيين بهدو فوقا والافارقة بهدوا فوقا والخواجات بهدوا فوقا....وهي بتقول ليهم اهدوني واطلقوني ..داااك تمرد أنا ماشة بسويه.

 

رد: الوضع السياسي الراهن في مثل سوداني ..!!

فعلا .. اهدوني واطلقوني

 

رد: الوضع السياسي الراهن في مثل سوداني ..!!

بوست دسم لي عودة ..