الوسيلة محمد «يا أريج»

يوسف عوض الباري

:: كـاتب نشــط ::

يا أريج

يا أريج كل الازاهر

يا نغم دوزن قلوبنا

طرّز النجمات مشاعر

رقتك نبض الطفولة

وطرفك النعسان وفاتر

العيون مليانه طيبه

والوجه بالحسن ذاخر

ابتساماتك شموس

تسعد الريف والبنادر

قبل القاك كنت بحلم

وكنت مستنيك حائر

وفجاءة في رفقة مسافر

بنتي طيبتي الخواطر

لحظة اللقيا الجميلة

كان سلاحك جوز عيونك

وكنت مستنيك حاسر

ما الفؤاد فنان ومرهف

والجمال فتان وآسر

وضحكة من قاع العيون

اوقدت كل المجامر

تهدي ليك في

قليبي مسكن

وتهدي ليك الروح

أساور

وجد بتعرفي يا ازاهر

أني في دروبك مسافر

وأني بحلم بوجودك

نور بعم كل البنادر

ضحكة بتغسل الكآبة

ونسمة بتريح الخواطر

بسهر الليلات واناجي

واحكي..

لي طيفك وأسامر

وجد بحبك وبيك بفرح

وهسي لعيونك مسافر

 
أعلى أسفل