الوسيلة محمد «رشة غيمة»

يوسف عوض الباري

:: كـاتب نشــط ::

رشة غيمة

زي رشة غيمة
في عز الصيف
زي لحن جميل
ورقيق ولطيف
زي صبحي الابيض
غطى الكون
ومحاهو الزيف
نبض الصوت
الجاي علي منك
بالجد هو دعاش
وخريف
نغمات طمبور
من كف مسرور
طربان وحريف
ما انتي النور
وجمال الحور
والنيل السابح
بين القيف
وبديت ارجع
واعيد ريدك
ارجوك ما تطلبي
مني اقيف
احساسي جميل
وكأني امير
ما عارف كيف
ما قلبي حنين
ومعبى انين
مرسم فنان
وبلون الطيف
يا ومضة نور
جدول وزهور
تسعدني دهور
يا أجمل طيف
 
أعلى أسفل