الودار | منتديات الراكوبة

الودار

الموضوع في 'الشعر' بواسطة ابو نمر, بتاريخ ‏مايو 1, 2017.

الوسوم: إضافة وسوم
  1. ابو نمر

    ابو نمر :: المشــرف العــام ::

    إنضم إلينا في:
    ‏يونيو 3, 2010
    المشاركات:
    6,543
    الإعجابات المتلقاة:
    37
    نقاط الجائزة:
    48
    خلاص باكر تروح
    وتسيبني وحدي أنا في الودار
    سايلة الدموع أبكي وأنوح
    ما بفرز الليل من نهار
    وأنا صبري كيف قولي دحين
    بعدك خلاص جفت ديار
    كان ليها زيف ورشة خريف
    وأزهار منورة في الخدار
    ضلاً وريف وأغصان تميل
    فوقه الكنار داعب هزار
    آه يا لطيف ويا حليل حليل
    داك الزمان جا الليلة جار
    كت ناوي أجيك فجرا صباح
    وأوصل معاك حتى المطار
    وأنظر وشيك وأنسى الجراح
    لكنو آه في جوفي غار
    آه يا زمن آه آه أحيّ
    في النار دوام وتزيدني نار
    بكيت عيني مالك علي
    متل التقول بيناتنا تار
    جف الشدر كنكش يبس
    قمريهو خل عشيشو طار
    لجناحو فر يدقس دقس
    في تيه غبار وهبوب عصار
    ضهبان ودر تب ماب يشوف
    غطت عيونو دموع حسار
    مسكين غمر بي شوق ولوف
    ولليلة في نص المسار
    غلبو الصبر فوق نار جمر
    موقودة زادت في الأوار
    عاد ليهو حق كان مات شهق
    صح دة الصبر والله حار
    عاش بي أمل يمشي ويصل
    لحبو يصبح في الجوار
    لكنو آه روّح أفل
    نجمو وبعيد في سماهو غار
    وأصبح كسير مجهول مصير
    ما أظنو رفّ جناحو طار
    مسكين ينين بي شوق دفين
    ودّر عميرو متل كتار
     
  2. ابو نمر

    ابو نمر :: المشــرف العــام ::

    إنضم إلينا في:
    ‏يونيو 3, 2010
    المشاركات:
    6,543
    الإعجابات المتلقاة:
    37
    نقاط الجائزة:
    48
    رد: الودار

    من الكلمات القويه والجميلة وللاسف الشديد لا اعرف شاعرها ولكن تغني بها الرائع محمد كرم الله
     

مشاركة هذه الصفحة