ود سنترها
:: كاتب نشـــط::
تعتبر الجالية السودانية في مصر من اكبر الجاليات السودانية في الخارج، تضاربت الارقام حول اعداد السودانيين المقيمين في مصر بصورة ثابتة ودائمة، هناك احصائية (غير رسمية) ان عددهم فاق ال3 ملايين وهي اكبر جالية اجنبية في مصر بينهم فقط نحو مليون يقيمون بصورة دائمة، احصائية ثانية افادت ان عددهم يزيد عن ال4 مليون.
ثانيآ:
هناك ظاهرة لم تعد تلفت الانظار وهي، ان اعداد كبيرة من اسر المغتربين قد اتخذوا من مصر وطن ثاني لهم بعد ان عاشوا طويلآ في الغربة وعملوا فيها حتي سن المعاش، بعدها فضلوا الاغتراب الثاني في مصر بسبب سهولة الحياة فيها وامكانية الحصول علي شقق ومساكن ومدارس لاطفالهم، اغلب هذه الاسر السودانية رفضت السفر والاقامة في السودان لااسباب كثيرة اولها عدم امكانية الحصول علي سكن، وثانيآ غلاء المعيشة والضنك اليومي.
ثالثآ:
قرب مصر من السودان وسهولة السفر بامان، التي اصبحت تتم حتي بالبصات ومنها بالبواخر. هناك بالطبع سبب اخر وهام، انه بالرغم من الحرب الباردة التي اشتعلت بين الخرطوم والقاهرة، فان السوداني في مصر لم يجد مضايقات او معانأة في الحياة في امان، وهناك مساعي جادة بين الحكومتين لانزال (الاتفاقيات الاربعة) الي حيز الوجود.
(ج)-
هجرة السودانيين الي مصر زادت في الفترة الاخيرة بصورة كبيرة سببها ان المساكن والشقق السكنية قد انخفضت اسعارها كثيرآ، خصوصآ بعد ان الحكومة المصرية قد اصدرت قانون يسمح للسودانيين حق تملك العقارات.
(د)-
سبب اخر هام جعل بعض الاسر السودانية تفضل الحياة في مصر، فالمعروف ان رسوم الجامعات المصرية ارخص بكثير من الرسوم الجامعية في السودان، بجانب ان اغلب الجامعات في السودانية مازال يدور حولها لغط كثير بسبب عدم وضوح هويتها ان كانت جامعات معترف بها ام لا؟!!
(ه)-
بعض ارباب المعاشات في السودان وبعد نزولهم للمعاش، سافروا الي مصر واقاموا فيها لان ما يقبضونه من مال لا يكفي لاسبوع، والحياة في مصر (سترة حال).
منقول
ثانيآ:
هناك ظاهرة لم تعد تلفت الانظار وهي، ان اعداد كبيرة من اسر المغتربين قد اتخذوا من مصر وطن ثاني لهم بعد ان عاشوا طويلآ في الغربة وعملوا فيها حتي سن المعاش، بعدها فضلوا الاغتراب الثاني في مصر بسبب سهولة الحياة فيها وامكانية الحصول علي شقق ومساكن ومدارس لاطفالهم، اغلب هذه الاسر السودانية رفضت السفر والاقامة في السودان لااسباب كثيرة اولها عدم امكانية الحصول علي سكن، وثانيآ غلاء المعيشة والضنك اليومي.
ثالثآ:
قرب مصر من السودان وسهولة السفر بامان، التي اصبحت تتم حتي بالبصات ومنها بالبواخر. هناك بالطبع سبب اخر وهام، انه بالرغم من الحرب الباردة التي اشتعلت بين الخرطوم والقاهرة، فان السوداني في مصر لم يجد مضايقات او معانأة في الحياة في امان، وهناك مساعي جادة بين الحكومتين لانزال (الاتفاقيات الاربعة) الي حيز الوجود.
(ج)-
هجرة السودانيين الي مصر زادت في الفترة الاخيرة بصورة كبيرة سببها ان المساكن والشقق السكنية قد انخفضت اسعارها كثيرآ، خصوصآ بعد ان الحكومة المصرية قد اصدرت قانون يسمح للسودانيين حق تملك العقارات.
(د)-
سبب اخر هام جعل بعض الاسر السودانية تفضل الحياة في مصر، فالمعروف ان رسوم الجامعات المصرية ارخص بكثير من الرسوم الجامعية في السودان، بجانب ان اغلب الجامعات في السودانية مازال يدور حولها لغط كثير بسبب عدم وضوح هويتها ان كانت جامعات معترف بها ام لا؟!!
(ه)-
بعض ارباب المعاشات في السودان وبعد نزولهم للمعاش، سافروا الي مصر واقاموا فيها لان ما يقبضونه من مال لا يكفي لاسبوع، والحياة في مصر (سترة حال).
منقول
ود سنترها
:: كاتب نشـــط::
البلد اصبحت طاردة لدرجة كبيرة جدا وبعيدا عن العواطف والهتافيات الجوفاء التى لا تسمن ولا تغني من جوع من حق اى مواطن مسحوق ومكبوت ان يبحث عن المكان الافضل له ولعياله .
كسرة
الهجرة حتى الى اسرائيل اصبحت حلما يراود الكثير والاحصائيات الرسمية وغير الرسمية تؤكد ذلك
كسرة تانية
اتا يا مننا طشيت سنة كم هههههههه وتانى بتجى ههههههههه
ود سنترها
:: كاتب نشـــط::
مؤكد أن مفهوم الوطن يختلف بين الذين يعيشون تحت خط الفقر ولا يقدرون حتى على تأمين قوت يومهم، عن الذين يعيشون في مجتمعاتٍ تتحمل فيه الحكومةُ مسؤولية مستوى المعيشة وتطبّق فيها نظام الرفاهية الذي يقوم على المساواة في توزيع الموارد
إقرأ المزيد على موضوع.كوم: https://mawdoo3.com/ما_هو_الوطن
إقرأ المزيد على موضوع.كوم: https://mawdoo3.com/ما_هو_الوطن
ود سنترها
:: كاتب نشـــط::
ود الشريف
:: كاتب نشـــط::
هسع كدي قول مشيت نهائي من غربتك الما معروف نهايتا للسودان
1- من المطار يستقبلوك اخوانك ناس الجمارك والعتالة
ده لو ما سير العفش فتش عفشك وشال ما خف حمله وغلا ثمنه
2 - أهلك وأصحابك الزمان كنت متكفل بيهم ما تستغرب جفاهم (الناس مغوليات)
3 - الملاريا والتيفويد والضبان والناموس وكل الفاتك ايام الغربة حيكونوا اصحابك
لا حيعيشوا معاك في نفس البيت (بيكونوا مشتاقين ليك شوق !!)
4 - الدكاترة (زي عباس الرضي ) وهلما حيشفوطوا (مش الدهون) لا الفي جيبك
وما بعيد يعاملوك بالدولار (مش كنت مغترب)
6 - أي مشوار عزاء ولا سماية بعدها لابد من زيارة (الطبيب) إنت قايل فيك حيل
للمشاور ومساسكة المواصلات ده لو ما رجعت كدر
7 - نقة الولية الفي الغربة كانت بتسكت بزيارة ودية حبية (للمول) هنا النقة علي
اصولا البندول ما بحلك ده لو ما جاتك جلطة .
8 - الدين ممنوع (كاش ) ممكن تعمل ليك دفتر جرورة من دكان (الصادق) لكن كاش
لو تحلم ما في زول بيدينك لكن ممكن تتعلم بيع (خلاط العصير او شاشة بلازمة
9 - يعني بعد المعانة دي لو عشت نص سنة بعد الرجوع تحمد الله وتتوسد
ده لو إنت أنسان عادي مش مصادم ,, لو مصادم ما بديك أسبوع يا حماقة لخيت
ليك واحد بونيه ولا من المغسة جاتك الجلطة يرموك أهلك في أقرب زقاق كنتا عامله
لتربية الدواجن في بيت المستقبل
للمعلومة هذا الامر لكل الأعمار
ود سنترها
:: كاتب نشـــط::
الحياة فى مصر كما وصف لى احد الاصدقاء ( زميل دراسة وجار ) هاجر بمعية اسرته الى مصر نهائيا . بسيطة جدا لو قارناها بالسودان . الاسعار فى متناول الجميع ماكل ومشرب وفواكه وعلاج وتعليم وحتى ايجار او شراء عقار وبيت جالوص متواضع ايل للسقوط فى احد احياء امدرمان ممكن تشترى بسعرو تلاتة اربعة شقق ديلوكس فى قلب القاهرة تسكن انت وعيالك فى واحدة وتعيش احسن عيشة من ريع ايجارات بقية الشقق وهذا ما فعله صديقى
كسرة
رغم المشاكسات تبقى مصر ام الدنيا وتتفوق علينا فى كافة المجالات وتسبق جميع الدول العربية بمائة عام على اقل تقدير
كسرة تانية
الكيزان المعزبننا تلاتين سنة ديل الشعب المصرى خلال اقل من سنة وداهم الخور
ود سنترها
:: كاتب نشـــط::
ما تقطع قلب الراجل يا حبيبنا
كسرة
كلامك مع انو كلو واقع وحقيقة بث كان تديهو ليهو فى شكل جرعات خفيفة واحدة واحدة هههههه
ود الشريف
:: كاتب نشـــط::
ههههه ههاا ,,,,, إنت قالني دكتور (أورام )
عشان ما قلنا :
1 - تجي مارق من صباح الرحمن (بالأمجاد ) تلقي الشارع مقفول
بموية المطرة
2 - ترجع تقرش (الأمجاد) تدخل البيت تلقي وليدك الصغير (محموم)
تسوق الأمجاد رغم المطر بعد مترين تقع في حفرة تكسر ضراعات
3 - تنتهي من الموضوع بخيرا وشرها ترجع البيت
أ) كهربا قاطعه وطبعن معها الموية
ب) عيش مافي حتي القرقوش
ج) بتك الكبيرة في الجامعة وتأخرت والشبكة طااااااااااااشة
وشبكتك البيلوجية طاااااااااااشة
ومرتك طااااااااشة
وجارك طااااااااشي
والمحلية طاااااااااشة
والمعتمد طااااااااشي
والوالي طااااااااااشي
وريسكم وصل لحل للطششان قال أشعريون قال
الناس بتقول المصريون وهو يقول الأشعريون
Nabil :: nabsho
:: الإدارة ::
والشباب ركبوا قوارب الموت المتجهة الي اوربا السودانيين اغلبية في هذة القوارب منهم من وصل ومن مات غرقا بعد عشرة سنه السودان حيفضي نهائيا بعد هذة الهجرات خلي الكيزان يحكموا الذباب والباعوض بشبههم
ود سنترها
:: كاتب نشـــط::
رضينا بالهم والهم ما راضى تعرف شغلانية الامجاد دى مع ا رتفاع اسعار الاسبيرات والزيوت بقت ما جايبة حقها تلاتة ارباع البتدخلو بتاكلو منك العربية وقود وصيانة وغيار زيوت ومصافى جوز اللساتك الصينية عامل تلاتة مليون والبطارية اربعين امبير مليون وتمنمية البنشر الهين ده لو داير ترقع ليك لستك بى خمسين جنيه الاسبوع الفات مغير زيت ومصفى بسبعمية وخمسين والاسبوع الجايى ما معروف وارد يحصل مليون . عمرة المكنة بتكلف سبعة مليون والاسبيرات مضروبة وكل ستة سبعة شهور بتحتاج عمرة
كسرة
قلبتا على المواجع يا صديق والوجع رااااااااقد
ود سنترها
:: كاتب نشـــط::
البلد للاسف بقت ما بتنقعد ومن لم يهاجر تحدثه نفسه بالهجرة لانو القعاد فيها اصبح موت بالبطئ
كسرة
مسطول سالوهو عن حال البلد قال ليهم زى اللحمة المعلقة فى مكنة الشاورما النار من خلفها والسكين قدامها وراكبة فى ماسورة
ود سنترها
:: كاتب نشـــط::
sayrejkoof
كاتب جديد
عندما نهاجر من الوطن نكون كشفنا ظهره للكيزان ليفعلوا به ما يردون
ود سنترها
:: كاتب نشـــط::
حبابك عشرة نورتا المنتدى والبوست
كسرة
عذبت امراءة فى هرة حبستها حتى ماتت لا اطعمتها ولا تركتها تاكل من خشاش الارض . الناس دى طاشة كايسة للخشاش خشية الموت