النيل سمح !!!!!!!!!!!!!

دكتور / عباس الرضى

:: كاتب نشـــط::
النيل بنعرفوا من زمان

والموت بنعرفوا من زمان

والمركب غرقت امس

حضرت عرس ست الحسان

لا يوم وقف مجدافا (ضاع )

لا يوم نزف فوقنا الشراع

لكن امس

لمن (معاك ) خربت بلد

وغابت الشمس

لا نيلنا هداهو (العويل )

لا موتنا (دنقر ) من

(صداع )

والمركب (الصابر )

فتر

لمن ( وقود ) الكسرة

اصبح زي خبر

كيفن نلوم النيل

لو مركبنا (صنقر )

فوق حجر

النيل بنعرفوا من زمان

والموت بنعرفوا من زمان

عل الحرامية بجونا مع السحور

وبيأكلوا من شعفنا حتحات الفطور

وبشيلوا دهب اماتنا لو زاروا القبور

ما بنعرفن !!!

ما بندري من وين هم ( جوا )

لبلدنا كيف (جهجهوا )

قالولنا جايين ينقذوا

الليلة ( روحكم ) انقذو

النيل سمح

والموت قدر

عل الكعب

كتل البشر

سرقة لقيمات الصغار

والله ( الغريب )

وكتين وسط ناسنا

انحشر

النيل سمح

والموت قدر

عل الكعب

معروف وحايم في

الفريق

في السرقة ما بعرف رفيق

من شفنا ما فارقنا

ضيق



النيل سمح

والموت قدر

والزارعو الله على الجبال

بصبح شدر

وبلدنا بعد الحال

بكون

ثورة

وزهر

وتشوفوا

كيف نبني

الجسور

لو الله

اداكم عمر



%D8%AD%D9%84%D9%8A%D9%85%D8%A9.jpg
 
يا راكب المركب ..
جيب لي معاك الروح ..
والروح مروقا صعب ..
شفعنا تحت الطوب
شفعنا تحت الموج ..
موت الجماعة عرس ..
والزين ختانا وفات ..
الزين ممغس مات ..
ياراكب المركب ..
موتك رخيس وكعب ..
جيب لي معاك تصريح ..
شان اطلع الشارع ...
الشارع الغرقان ..
ومسيرة معطونة ..
بي كافة الاحزان ..
خلونا ننعى بلد ..
راح في مهب الريح ..
ياراكب الاحزان..
الفاتحة في السودان
 
*دموع الفجيعة*

البحر ولا بتلام
مادام بفيض
كل عام
رغم الحرب والموت
بين موجو والهدام
ومركب النواتة
جارين ولا قدام

الا الوزير يتلام
الشيد الخزان
الغرق الشفع
الهجر الانسان
الأعمى وين يسمع
الشافع الغرقان
ماسكلو قشاي
لا امو لا اخوان
يقلع حلاوة الروح
قبال يروح في كان

كم شابا لايدك
تلفاهو قبل الان
تبنيلو كبري عبور
زي ما بنت خزان
الا المنايا حتوف
والدمع سال هتان

بكن الجروف بالدم
حتى التمر زعلان
مغسة المقد بوص
وكل الخدير ضبلان
والحوض عبرتو تسد
والنقحة والتكان

يا ربي يا رحمن
يا قاهر الانسان
جيب تارنا حار الان
من فاسدا تلفان
الشيد الخزان
والهجر الانسان
وغرق بطانا كمان

ع. المنعم حضيري
قتباس من سودانيات / الخلود لخالد الحاج )
 
حارة شديد انك تفقد كل اطفالك الخمسة دفعة واحدة ربنا يصبرهم ويتولاهم
 
عاشة ما عاست
لملاحها ماسوت
شان الرغيف موجود
واحمد عشا البايتات
بوظيفة كان موعود
شان خالو (جادالحق )
كان عسكري
ومرفود
وناس الحكومة
الجو
بعد ماشغلوا البابور
ورسموا الارض
بالعود
واتلموا (شفعنا )
والعمدة (ضبحو )
عتود
قاللوا يا احمد
صبحكم
معانا سعود

واحمد عشا البايتات
عاش الحلم بالزود
مرات بشوف
عشة (رقدالة ) في برشين

ومتوسدة القمرة
وحليمة بت ام زين
بعد العرس
حملت
ناسا يقولوا ولد
واحمد يقول بنتين
شان شافوا (كرعانة )
ما بتمسك الحنة
والله العجب
وحمها (مابياهو )
اكل (الطين )
واحمد (عشا البايتات )
بين انتظار
ويقين
كملوا (جوز ) نعلات
لا كلمهو تعال
لا تاني نادوهو
لا حصنوا بتمرات
عشرين سنة وفاتن
وبعد (السنين )
تسعات
واحمد ( دوام )
بسعل
ما شفوتولكو
(زولن )
فات
شايلوا
كم
ورقات
زولن كلامو (حلو )
قال لمسيلمة ( زح )

بس كان في (كضب ) وغلات
 
عشرين سنة وفاتن
وبعد (السنين )
تسعات
لوحة زمنية تعد بأصابع اليدين والرجلين وتضاف اليها تسعاتك
أهملنا الوقت وكان أجدي من (واحد ) ان نصنع من طمي
البحر تمثالاً عسي أن ينفخ الله فيه الروح ليخلصنا من هذا الصنم
الأدمي , أو نتركه هكذا بدون روح لنقارن من هو الأجدي .
لكم الله يا أطفال بلادي لن تجدو الحماية من آباءكم ولا من مولاكم
 
لوحة زمنية تعد بأصابع اليدين والرجلين وتضاف اليها تسعاتك
أهملنا الوقت وكان أجدي من (واحد ) ان نصنع من طمي
البحر تمثالاً عسي أن ينفخ الله فيه الروح ليخلصنا من هذا الصنم
الأدمي , أو نتركه هكذا بدون روح لنقارن من هو الأجدي .
لكم الله يا أطفال بلادي لن تجدو الحماية من آباءكم ولا من مولاكم
ودالشريف
شكرا على المرور المبرور
 
أعلى أسفل