النظرية و التجريب

ود الشريف

:: كاتب نشـــط::
هيكل الباص.jpg

الهيكل العام كويس . برضوعايزه هيكلة
الدفرنش كويس .. بس عايزه تجربة
المكنة .... زي ما إنتا شايف
الجربكس .. والله مش عارف
الأشجار والحشائش الطفيلية عايزة مكافحة شديدة
يعني لابد من هيكلة .. الله يرحم حسنين هيكل
الباقي شنو !!!!!
 
وممكن نستجلب التجربة الدنماركية
البشير نحن نمر بظروف إعادة هيكلة الاقتصاد السوداني
الرئيس البشير في خطابه إن بلاده ستعمل على مواجهة التحديات الاقتصادية من خلال إعادة هيكلة الجهاز التنفيذي على مستوى رئاسة الجمهورية،
وأضاف أن الخرطوم ستعمل على إعادة هيكلة التمثيل الخارجي لخفض مستوى العمل الخارجي

البشير يصدر قرارا بإعادة هيكلة التمثيل الخارجى للسودان
 

بالتجربة الدنماركية برضو
سمكرة الهيكل بعدها معجون تقيل عشان الحديد قديم
وما بيستحمل اللحام
بعد كام سنة ننتهي من هيكلة الهيكل ويتم تجربته عشان
ما يخر موية من السقف والجوانب
نرفع الهيكل عشان نشوف الشاصي وده مهم جداً
ولو الشاصي فيهو عوجة ولا ضربة تكون هيكلة الهيكل
طلع فشوش . وما تقولوا لينا نقص الشاصي لأنو
قبل كده قصينا من ورا المرة دي نقص من قدام مثلاً .
المهم لو الشاصي معووج ولا مفتول ولا مضروب
ما مهم هي أصلاً ما بتمشي ولا مشت بتمشي ورا
طيب إنتهينا من هيكلة الهيكل نجي لعجل الحديد
واللاساتك تكون اكبر من القديم عشان الطين وكده
حتي لو اللستك كبير وحك في الهيكل ما مهم
قلنا هي اصلاً واقفة
المكنة يا دي المكنة لوإتعمرت كويس ممكن تديك صوت
جميل وتقسيمة زي ونسة نملتين , لو ضغتنا عليها ممكن
تقطع وش وتخلط زيت وموية زي كل مرة ,
الدفرنش يكون كبير عشان الركاب ويستحمل الطلوع والنزول
الجربكس مش ولا بد أصلاً 30 سنة ماشية بنمرة واحد ومرات
بالخلف , الطبلون عداد السرعة وامبير الجاز وعداد الكيلومتر
مش مهم 30سنة مافي زول شافهم ولا حسبهم
وأخيراً المقاعد يتم هيكلة كل المقاعد ونزعهم وإستبدالهم ببرش
كبير يتم خياطة أطرافه عشان الناس ما تنزلق دي لو إتحركت
مقعد السواق ده تخيلكم إنتم (القراء) مش المهيكلين .
ملحوظة مهمة : الدركسون مش مهم وجوده يمين شمال مع
السائق مع الراكب , هي ماشه اصلاً بالبركة .





 
ود الشريف سلام..
والعفش علي مسئولية منو..


عفش شنو !!!!
بنقول ليك برش ,, فارشين برش كل راكب ينوم علي البرش
بالجنبة البتريحو . حسع نحن في الهيكلة بعد الهيكلة والسمكرة
لو دورت نخت البرش تمشي ما تمشي ده مش شغل (المهيكلين)
أهم حاجة (تتهيكل ) نعدي اليومين القدامنا ديل وت
 
مشاهدة المرفق 2143

الهيكل العام كويس . برضوعايزه هيكلة
الدفرنش كويس .. بس عايزه تجربة
المكنة .... زي ما إنتا شايف
الجربكس .. والله مش عارف
الأشجار والحشائش الطفيلية عايزة مكافحة شديدة
يعني لابد من هيكلة .. الله يرحم حسنين هيكل
الباقي شنو !!!!!

زي ما كنا متوقعين (النظرية ) ثم (التجريب)
وبدلاً من التجربة الدنماركية تمت الموافقة علي
نظرية وطنية غير مستوردة لا من الدنمارك
ولا السويد ولا حتي من بوركينا فاسو ولذا ننوه
بتعديل بسيط في هيكلة (التجريب) ويقال إن هذه النظرية
يا نجحت ولا ودتك مقابر شرفي ذاتا
بالأمس نبهني مساعد مساعد الميكانكي بالصدام
لم أعره إنتباه إذ بهذا الإعلان :
نظرية الصدمة

معتز موسى يعلن تنفيذ برنامج الصدمة لإنهاء الأزمة الاقتصادية
 
نظرية الصدمة

طبعاً البوست في بداياته كانت عبارة عن إحتمالية النهوض بالعربة
المتهالكة وبأي نظرية من (تنظيراتهم ) الفطير ولكن خاب ظني كثيراً
وكما العادة منذ مجئ هذه الطقمة لم نري منهم أي مجهود فكري
(الناس دي ما قرأت مدارس ) ولا حتي الخلاوي ما عندهم أي موهبة
في أي حاجة .
طيب نقول جانا زول عندو موهبة وجاي ببرنامج واضح وسماهو
وضبح ليهو سماية كاااربة نشوف

(برنامج الصدمة لإنهاء الأزمة الاقتصادية)
حتي دي ملطوشة :
عقيدة الصدمة: صعود رأسمالية الكوارث
كتاب للمؤلفة الكندية ناعومي كلاين
دي أحسن منها فنيلة ميسي

 
  • عنوان الكتاب: عقيدة الصدمة
  • المؤلف: نعومي كلاين
  • حالة الفهرسة: مفهرس فهرسة كاملة
  • سنة النشر: 2011
  • عدد المجلدات: 1
  • رقم الطبعة: 3
  • عدد الصفحات: 657
  • نبذة عن الكتاب: أفضل كتاب إقتصادي سياسي بحسب النقاد العالميين
  • صعود رأسمالية الكوارث
غايتو لو ما نفذ كل ورد ذكره في الكتاب ومش حيقدر
قولو
لبلادنا ... سلااام
لنيل بلادنا ... سلااام
لشباب بلادنا سلااام
 
الجماعة ديل الشغلانية دى غلبتهم عدييييل وما دايرين يتفكقكوا ويبقوا مارقين
كسرة
يعنى انتا كنتا مفتكر انو الخردة الجبتا صورتها دى ممكن تدور تانى ؟ والله دى تانى ناس جنرال موتورز ما يقوموها من وفعتها الشايفاها عينى دى .
 
https://archive.org/download/0000-0002/books4arab0002.pdf

واحد يساعدني في تحميل الكتاب
_____________________________
الفراغ الجميل
ثلاثة عقود من تدمير العالم وإعادة بنائه
هكذا جاءت مقدمة كتاب (الصدمة )

جل الكتاب من أفكار فريدمان وهو من مفكري "مدرسة شيكاغو"
Chicago school of economics
ومن افكاره أن زيادة الكتلة النقدية هي المسبب الوحيد في ارتفاع الأسعار،
وهو من رواد الخصخصة ويعرج الكتاب من صدمة اعصار نيو اورلينز وخصخصة المدارس الي صدمة سونامي سيرلانكا
ثم يعرج الي صدمة ساحة تيانانمين في الصين ثم تحول الصين الي الاصلاحات والرأس مالية وتحول مسؤولي الحزب الي رجال اعمال بعد إستحواذ عدد كبير منهم بشكل غير قانوني علي الاملاك التي كانوا يديرونها .
يمكن خلاصة افكار الصدمة (المعتزية) خصخصة ما تبقي من مؤسسات حكومية ووزارات

ومدارس جامعات مستشفيات ويمكن أن تمتد يد الخصخصة الي ابعد من ذلك حتي تصل
الصدمة الي عمق المجتمع رضي من رضي وأبي من أبي او الانتحار الجماعي عند الإنهيار
العظيم .
 
الجماعة ديل الشغلانية دى غلبتهم عدييييل وما دايرين يتفكقكوا ويبقوا مارقين
كسرة
يعنى انتا كنتا مفتكر انو الخردة الجبتا صورتها دى ممكن تدور تانى ؟ والله دى تانى ناس جنرال موتورز ما يقوموها من وفعتها الشايفاها عينى دى .
ود السنتر توجد سيارات أقدم من هذه وتعتبر سيارات كلاسيك وهذه
صورة تعبيرية عن البلد وما وصل بها الحال دون صيانة ودون رعاية
ثم بعد ثلاثون عام او يزيد يأتي من يريد إصلاحها بعد الإهمال ,
 
البشير أن "الأزمة الاقتصادية الله سوف يحلها"، موضحا أن "الناس في عهد الصحابة أكلت ورق الشجر"،

: تنظير

بشبش.jpgبشبش.jpg
 
أعلى أسفل