الفرحة ما سايعانى يا فرد

ود سنترها

:: كاتب نشـــط::
بحمد الله تعالى وفضله رزقنا بداعشى صغير اشاع جوا من الغبطة والحبور خاصة وانه اتى خلف امورتين
كسرة
جارية المشاورات لاختيار الاسم ويا ريت تساعدونا
كسرة تانية
عندى صاحبى شليق جنو شية وام فتفت قال لى مفروض تضبح تور ولد بعد بنتين وكدة طبعا طممت ليك بطنو نهائ وقلت ليهو السماية بليلة قال لى البنات تضبح ليهم يجيك الولد تسويها بليلة ده كلام شنو قلنا ليهو الولد ده سيد المال ولازم نحافظ ليو عليهو شفتوا كيف هههههههه
 
رد: الفرحة ما سايعانى يا فرد

الف مبروك ويتربي في عزكم

سميهو محمود
 
رد: الفرحة ما سايعانى يا فرد

الف الف مبروك المولود ود سنترها
يتربى بعزك ودلالك
وحمدلله ع سلامة المدام
سميه عمر
 
رد: الفرحة ما سايعانى يا فرد

الف مليون ترليون مبروك
يتربى في عزك وعافيتك
سميه ساير ههههههههههههههههه
 
رد: الفرحة ما سايعانى يا فرد

الف مبروك يا ود سنترها
يتربى فى عزك
الاسم طبعا
سنترها على اسم الجد طبعا
 
التعديل الأخير:
رد: الفرحة ما سايعانى يا فرد

ود سنترها حفظك الله ووالدته وجعله من النشاما الميامين ويتربى في عزكم.
 
رد: الفرحة ما سايعانى يا فرد

بحمد الله تعالى وفضله رزقنا بداعشى صغير اشاع جوا من الغبطة والحبور خاصة وانه اتى خلف امورتين
كسرة
جارية المشاورات لاختيار الاسم ويا ريت تساعدونا
كسرة تانية
عندى صاحبى شليق جنو شية وام فتفت قال لى مفروض تضبح تور ولد بعد بنتين وكدة طبعا طممت ليك بطنو نهائ وقلت ليهو السماية بليلة قال لى البنات تضبح ليهم يجيك الولد تسويها بليلة ده كلام شنو قلنا ليهو الولد ده سيد المال ولازم نحافظ ليو عليهو شفتوا كيف هههههههه

مبروك يا صاحب
حمدلله علي سلامة الولية الإتحلت ، وعقبال يجيب أخوانو .
سمه أحمد إن لم يكن اسمك أحمد ،وإن كان كذلك فسمه محمداً ، أو سمه عبدالرحمن .
أما عن السماية أوعك من الخراف البلدية ، عليك بالحمري فهو أسلم صحة وأنقي إمعاءً ( أسأل مجرب ) ، بعدين ما تنسانا من عيزومة السماية رغم أني شايل فاتحة ما قاعدين ناكل لحم السماية ، بس جايبانا الونسة وطق الحنك، تصدق والله سماية أولادي ما قاعد آكلها ، عمك من زمن حفرو البحر وزمن عرس الكورة .
 
رد: الفرحة ما سايعانى يا فرد

بحمد الله تعالى وفضله رزقنا بداعشى صغير اشاع جوا من الغبطة والحبور خاصة وانه اتى خلف امورتين
كسرة
جارية المشاورات لاختيار الاسم ويا ريت تساعدونا
كسرة تانية
عندى صاحبى شليق جنو شية وام فتفت قال لى مفروض تضبح تور ولد بعد بنتين وكدة طبعا طممت ليك بطنو نهائ وقلت ليهو السماية بليلة قال لى البنات تضبح ليهم يجيك الولد تسويها بليلة ده كلام شنو قلنا ليهو الولد ده سيد المال ولازم نحافظ ليو عليهو شفتوا كيف هههههههه

ود سنترها
الف مبروك تانى واعمل حسابك من غيرة الامورتين الصغار يقوموا يقرصوه ليك .. دا لو ماجابت ليها كفوف
ربنا يخليهم ليك ويتربوا فى عزكم وتشوفهم يارب كبار وفى احسن المراتب
 
رد: الفرحة ما سايعانى يا فرد

مبارك عليكم وجعله الله من الصالحين ياحبيب
 
رد: الفرحة ما سايعانى يا فرد

تعرف يا ود سنترها ، والله من النسوان خلن سوات مديدة الحلبة وشراب الحرجل والمحريب والحزا واكل التمر والفول السوداني الولادة بقت كيف كيف مش عارف . يمين بالله نحن زمان بس بالشم سااااااي نعرف البيت الفيهو وليةً نفساء ، وحتي كمان زمان النفساء 40 صباح ما تطلع من أوضتها ، زمن القصريات ، لمن بيت النفساء أصبح مضرب مثل .. يقول ليك البيت دة ريحتو نفساء نفساء ، والبيت هنا يعني الأوضة ، هسي والله الواحدة في تالتها تقوم تطبخ براها .
كسرة : عندنا واحدة في الحلة ولدت بعملية قيصرية .. أها أمها جات تولدها .. يووووووم اربعينها بنتها شالت السراير دخلتن جوة الأوضة من الحوش .. أمها قالت لها يا بتي دة طرد عدييييييل ، لكن نصيحتي ليك خافي علي جرحك دة وبعد 9 شهور تاني ما تجيبيني راجعة .:happy:
علي الجنبة : كمان ما يسمعنا وزير الدفاع ويجيبوا لينا اندغامة جديدة ويقولوا ( الدفاعات بالشم ) .. أبو الحاويات ذااااااااااااتو ياخ.
 
رد: الفرحة ما سايعانى يا فرد

تعرف يا ود سنترها ، والله من النسوان خلن سوات مديدة الحلبة وشراب الحرجل والمحريب والحزا واكل التمر والفول السوداني الولادة بقت كيف كيف مش عارف . يمين بالله نحن زمان بس بالشم سااااااي نعرف البيت الفيهو وليةً نفساء ، وحتي كمان زمان النفساء 40 صباح ما تطلع من أوضتها ، زمن القصريات ، لمن بيت النفساء أصبح مضرب مثل .. يقول ليك البيت دة ريحتو نفساء نفساء ، والبيت هنا يعني الأوضة ، هسي والله الواحدة في تالتها تقوم تطبخ براها .
كسرة : عندنا واحدة في الحلة ولدت بعملية قيصرية .. أها أمها جات تولدها .. يووووووم اربعينها بنتها شالت السراير دخلتن جوة الأوضة من الحوش .. أمها قالت لها يا بتي دة طرد عدييييييل ، لكن نصيحتي ليك خافي علي جرحك دة وبعد 9 شهور تاني ما تجيبيني راجعة .:happy:

علي الجنبة : كمان ما يسمعنا وزير الدفاع ويجيبوا لينا اندغامة جديدة ويقولوا ( الدفاعات بالشم ) .. أبو الحاويات ذااااااااااااتو ياخ.
ههههه انا غايتو ما قدرك والكلام ده ما حضرناهو ( ولدونا فى الدايات وقرينا فى الراهبات وحبينا فى البلاط ) لكن سمعنا بيهو من حبوباتنا شكلك كدة من زمن الكجرة والسحارة ههههه الكجرة دى ما تترجمها خليها تحير ناس الشهادة العربية
كسرة
غايتو فى زمنا ده بلد الراجل ما المرة ( كاشات وسلخ وكدة ) يا راجل الداية الجات بشرتنا بالولد فى الدايات خمسين جنيه بشارة داقة جرس ولاوية بوزها وقالت الا يذيدوها ليها وبعد تحانيس وجرسة قبلت بالمية وعلى مضض كمان ههههههه
 
رد: الفرحة ما سايعانى يا فرد

ود سنترها
الف مبروك تانى واعمل حسابك من غيرة الامورتين الصغار يقوموا يقرصوه ليك .. دا لو ماجابت ليها كفوف
ربنا يخليهم ليك ويتربوا فى عزكم وتشوفهم يارب كبار وفى احسن المراتب

تسلمى يا ليالى تعرفى البنيات فرحانات بيه فرحة شديدة خلاص وطبعا اخوك تحسبا من الغيرة قلت ليهم الود ده نحن دايرين نرجعوا المستشفى يبدلوه لينا بى بت حليونة زيكم كده قالوا اصلو ما ممكن بتاتا قلت ليهم خلاص لكن كان واحدة فيكم هبشتو بنرجعوا طوالى وعملت معاهم اتفاقية
كسرة
اها من ديك عاملين شخيت واقفين بعيد فاصبحت احداهن تذكر الاخرى متى ما اقتربت لالالالالالا بابا برجعو المستشفى مشكلتنا هسع بقت انو يتواصلوا معاه ويقربو منو كييييييييييف ههههههههه
 
رد: الفرحة ما سايعانى يا فرد


مبروك يا صاحب
حمدلله علي سلامة الولية الإتحلت ، وعقبال يجيب أخوانو .
سمه أحمد إن لم يكن اسمك أحمد ،وإن كان كذلك فسمه محمداً ، أو سمه عبدالرحمن .
أما عن السماية أوعك من الخراف البلدية ، عليك بالحمري فهو أسلم صحة وأنقي إمعاءً ( أسأل مجرب ) ، بعدين ما تنسانا من عيزومة السماية رغم أني شايل فاتحة ما قاعدين ناكل لحم السماية ، بس جايبانا الونسة وطق الحنك، تصدق والله سماية أولادي ما قاعد آكلها ، عمك من زمن حفرو البحر وزمن عرس الكورة .
يتباركن ايامك حبيبنا ابحمد وعقبال تفرح بجديد اولادك
كسرة
على الرحب والسعة وان ما شالتك الواطة نشيلك فوق راسنا . اسم محمد اولوية ولكنه كثير جدا فى الاسرة وبعدين فى حديث كدة سمعتو ما عارفو صاح ولا غلط ( اذا سميتم محمدا فلا تحرموه ولا تضربوه ) الضرب ده مقدور عليهو الحرمان ده نسوى معاه شنو هههه
 
رد: الفرحة ما سايعانى يا فرد

ألف مبروك وعقبالك بدستة بنات زيادة
 
رد: الفرحة ما سايعانى يا فرد

الف مليون ترليون مبروك
يتربى في عزك وعافيتك
سميه ساير ههههههههههههههههه
هههههه حبيب البى سمعة عقبال نفرح باولادك
كسرة
اتا يا سمعة داير شفع الحلة يطاردوه ( الليلة ساير لى بت القبايل ) ولا يلقبوه لينا ( العجبنا لييييه ) ههههههه
 
أعلى أسفل