الفاتح حمدتو «معنى الغربة»

يوسف عوض الباري

:: كـاتب نشــط ::
لغُربة ما بُعد المسافة
ولا السفر آخر مطافا
الغُربة فى الضيق البعاند
وفى السحاب الطشَّ جافا
****
الغُربة
في الموية البتجرى
وتطرُد الناس من ضفافا
تدفر الخير المِسافر
والنفوس راضية بكفافا
الغُربة فى البتْ البتنزل
دمعة فى ليلة زفافا
فى ولد حيران بيسأل
عن وطن راقي ومُعافى
****
الغُربة
فى ذِلة عزيز
غم عزَّتو مدَّ ايدو
بسأل الناس عن بلادو
يا حليل بلدو البريدو
يا حليل الدنيا كانت
جنة للناس البريدو
واصبحت رقصة سلالم
لا التِحت لا الفوقنا شافا
****
الغربة
فى جُوَّانا نحنا
فى العيون شلناها دمعة
فى النفوس عشناها محنة
زى سفر ما بعدو رَجعة
يا الأمل لسه بنقاوم
فى القُلوب قدْناكَ شمعة
لى متين نفضل نهادن
لا الزمن لا الدهر صافا
 
أعلى أسفل