الفاتح حمدتو «لمسة شوق»

يوسف عوض الباري

:: كـاتب نشــط ::
بلمسة شوق وطيب خاطر
يا حلاوة الريدة الفي الاخر
تظلل بالسماح الفيك
عيون الدنيا يا ساحر

عشان حبك بهاجر ليك
واردد كل يوم غنوة
اسافر في رحاب عينيك
وادخل في المحال عنوة
اقابلك بالمحنة واجيك
تفرح قلبي دا الحابيك
ونشوف الدنيا يا ساحر

زمان قالوا المحبة عذاب
ونار اللوعة بتحرق
ظروف بتجمع الاحباب
وتقسى عليهم وتفرق
كل الإلفة بتبقى سراب
والناس تتلاقى زي اغراب
دا حال الدنيا يا ساحر

تعال نبداهو من أول
طريق بالريدة كان عامر
نحاول نمشي للاجمل
ويبقى املنا في باكر
ظروفنا المرة تتبدل
وطعم الريدة يبقى عسل
وتحلو الدنيا يا ساحر

تعال وتعال وتعال وتعال
تعال يا حبيبي يا راحة البال
 
أعلى أسفل