الفاتح حمدتو «سماح»

يوسف عوض الباري

:: كـاتب نشــط ::
#1
سماح
الفاتح حمدتو

سماح يا ريدنا لو هبَّت
رياح الفرقة بيناتنا
سماح لو جارت الدنيا
وفقدنا مع الزمن ذاتنا
****
سماح لو نحنا فارقنا
ومشينا طوينا راياتنا
نسافر من بلد لى بلاد
نغيِّر فى هويَّاتنا
نعاند والدربْ مقفول
ونبقى مطيَّة للمجهول
نهاجر والليالى تطول
تتوه فى الغربة غنواتنا
****
سماح ما إنتَ بتسامح
سماحَك ديمة غاياتنا
وكان نحنا الغِلِطنا معاك
بتقدر تنسى غلطاتنا
نفارق ونمشى ما معقول
يضيع جُوَّانا سمح القول
ونحنا العِشنا عرْضِ وطول
نقالْدَ النسمة لو جاتنا
****
سماح يا أروع الحلوين
عَفوكَ بضَوِّى دنياتنا
بنرجع ليكَ مشتاقين
نسامحْ نلحق الفاتنا
ومهما الغيبة بينَّا تطول
بنهتف يا المعزَّة نقول
أكيد الجفوة بُكرة تزول
وتملا الدنيا ضحكاتنا

****
الفاتح حمدتو - لوس انجلوس 18 مايو 2004
 
أعلى أسفل