الـدمعـة لـو بتـعيـن | منتديات الراكوبة

الـدمعـة لـو بتـعيـن

الموضوع في 'الشعر' بواسطة ابو نمر, بتاريخ ‏ماي 16, 2017.

الوسوم: إضافة وسوم
  1. ابو نمر

    ابو نمر :: المشــرف العــام ::

    إنضم إلينا في:
    ‏جوان 3, 2010
    المشاركات:
    5,426
    الإعجابات المتلقاة:
    0
    نقاط الجائزة:
    36
    كلمات: بربر حسـن بربر

    الليل اساهرو حزين ونهاري كلو انيين
    اذرف دموع ودموع املابن العينين
    تصبح دموعي مداد اكتبو للعاشقين
    لحظات فرحنا قلال اخدو الفرح في الحين
    الدمعة لو بتعين كان بدري عانتني
    ماخلت الايام آلامه صابتني
    انا راضي بالمقسوم مهما يكون قاسي
    واذكر حبيبي دوام لو لي صبح ناسي
    مركب هواي التاه بلقالو رواسي
    يوصلبو شاطي الريد تختى الهموم راسي
    طاوعيني يا ايام وديني للماضي
    ماضي الغرام والريد الفيهو كت قاضي
    لو يبقي كلو عذاب انا بيه اكون راضي
    مستقبلي المجهول جييت في زمن فاضي
    ياما بكيت وبكيت ياما ذرفت دموع
    كل ما تطوف بالبال ذِكرة وصال مقطوع
    ذِكرة شريك الريد الفي الفواد مطبوع
    ايام لقانا الفات ماظنو ليها رجوع
    الماضي ولّي خلاص انساه ياقلبي
    لا تعيدو في الايام تملا الصعاب دربي
    تتمدد الآلام من شرقي لي غربي
    تتباعد الاحلام مابيني بين حبي
     

مشاركة هذه الصفحة