العنقريباب سلام

البسبراوي

:: كاتب نشـــط::
وكذا العنقريبيات
داخل الوطن وخارجه
داخله الساكتين بالحاره وضايقين المره قابضين الجمره وحيلهم اتهد
والبره الوطن - الضاربين الكندشة وتحملوا في الثقالات ويرسلوا في الكنجالات كلما دعى الداعي
عسالكم كلكم - جميعكم بخير
وفي فترة الغياب الإجباري ....وماحدث خلالها من أحداث
الحمد لله أن المناضل وليد تنسم عبير الحرية
رحم الله من مات من الأقارب
مبروك لكل حدث سعيد
أها
وانتو يا انتو
قلوب مليانه حب وحنين
تدي العشره والإلفه
تمرح فــــــىِ حنايا الـــــــرُّوحْ
تغسل في شقى الأيام
تداوي الخاطر المجروح
تشيل لجج الهموم في الحين
 
رد: العنقريباب سلام

حباب ود باسبار بالله كيف البسابير واهلها ..انا طبعا من منطقة قريبة جدا منها وبينا ترابط اسري واجتماعي ...الشوق للبلد وناسها الحنان ...نورت ياخوي ...اقعد اشربلك كباية جبنة لامن الناس يجوا عليك
 
رد: العنقريباب سلام

حباب كدراوي الفنجري ... وسعيد باطلالتك عبر العنقريب ....وحبابك تاني كجار وأهل
وجبنتك ماباباها بكري وتني
ممتن جدا لك ... وساتاواصل معك للمزيد
 
رد: العنقريباب سلام

الا حول الجماعة ديل لسة قاعدين ....
جينا بعد الرجيم واللزي منو
 
رد: العنقريباب سلام

كدراوي وبسبر والعبد الله يا ليكم وحشة ويلا ندور تاني ....
 
رد: العنقريباب سلام

مرحب بسبرا
وكدراوى
العبدالله
محقر
وكل الغائبين والعائدين
محبتى واحترامى
 
رد: العنقريباب سلام

أول مرة اسمع بالبسبراوي دفعه جديده ولا قديمه المهم اتشرف.
 
رد: العنقريباب سلام

مرحب بسبرا
وكدراوى
العبدالله
محقر
وكل الغائبين والعائدين
محبتى واحترامى

ليالي يا ليالي ..ليالي عودي تاني ....حبابك دقشمية ودقداقة ...كامل تحياتي ومودتي
 
رد: العنقريباب سلام

ليه يا ليالي والله أول مرة اتعرف عليهو اقصد البسبراوي ومرحبتين بيهو.
 
رد: العنقريباب سلام

ي ام عيون اخبار باقي الحمام شنو

كداروي
العبد لله
ليلوه
السر الخزين
ود محقر
ان شاء الله كمان دائما تامين

ود الخزين بسبرا من حفروا البحر
غبته في الزمن الكعب زمن المرارات والتعب
 
رد: العنقريباب سلام

العبد لله
ود محقر
ود الخزين

ماتتطولوا الغيبه
عبد الله انت الانسايد ..ود المحقر السيردباك ده لو غاب بتنبهل
ود الخزين تسجلني وين يازول ...ماتكتب اسمي أنا محمول هههه
ود الخزين ماحضر زمن الحمام يا عبد الله ..فك الشفره
 
رد: العنقريباب سلام

أشباوي وين آناس
سرسر ماشايفو
أبوروضه فاكيها بي هناك
ود البراري بيفسكب بس
شذوووويه قالو رطبتي
دنيتنا زاتا طشاش طشاش
 
أعلى أسفل