ضى القمر
:: كــاتبة نشــطة ::
حكاية ملام
اخت اللوم على نفسي
و لا اتحسر على عمري
ولا اكوس مكانى الراح
مع الغائبين فضل يجرى..
اخت اللوم على نفسي
و ارجع اقول انا الغلطان
ما شفنا الندامة تفيد
تفيد زولا رجع ندماان
رجعت اكوس مكانى الفات
لقيت جا عصار غشا البلدات
و عاد كيفن الاحق الفات
و الاحق الريح وقت يجري.
حكايتى مع الملام طالت
و ديمة اعيدا اتأسف
فاقد محبوب على مكتوب
اقش فى دمعى ما اتجفف
متين يا غيمة ترمى الضل..؟
و افر البسمة زى الكل
تهل البهجة فوقى تطل
و اكون نوال جزيل صبرى
يا ريت اللوم يرجعني
و يرجع حالى لى حالو
و الم الباقى من عمري
و اجيب البال من الشالو
و اخت احزانى و اتريّح
اصلو البى ما ريّح
و احش مشوارى من بدري
و اقول لعمرى ما تجرى..
اخت اللوم على نفسي
و لا اتحسر على عمري
اخت اللوم على نفسي
و لا اتحسر على عمري
ولا اكوس مكانى الراح
مع الغائبين فضل يجرى..
اخت اللوم على نفسي
و ارجع اقول انا الغلطان
ما شفنا الندامة تفيد
تفيد زولا رجع ندماان
رجعت اكوس مكانى الفات
لقيت جا عصار غشا البلدات
و عاد كيفن الاحق الفات
و الاحق الريح وقت يجري.
حكايتى مع الملام طالت
و ديمة اعيدا اتأسف
فاقد محبوب على مكتوب
اقش فى دمعى ما اتجفف
متين يا غيمة ترمى الضل..؟
و افر البسمة زى الكل
تهل البهجة فوقى تطل
و اكون نوال جزيل صبرى
يا ريت اللوم يرجعني
و يرجع حالى لى حالو
و الم الباقى من عمري
و اجيب البال من الشالو
و اخت احزانى و اتريّح
اصلو البى ما ريّح
و احش مشوارى من بدري
و اقول لعمرى ما تجرى..
اخت اللوم على نفسي
و لا اتحسر على عمري