السر عثمان الطيب «يا سحابة»

[ابو نمر]

متين القى حنك ..
متين يا سحابة ؟
مواسم جفافى ..
تشيل تروى منك
بقيت فى انتظارك ..
اسائل النسايم
متين يوم وصولك ..
مواعيد مزارك
تقول لى انك ..
تطلينى باكر
اشيل الليالى ..
والاقيك مساهر
يطول بى غيابك ..
تطول المسافة
ويطول شوقى ليهن ..
تباشير ايابك
فرح يوم هطولك ..
يخلينى اهتف
واقولك حلاتك ..
حليلك حليلك
متين يا سحابة ..
تمسكينى صحرا
وتسوينى منك ..
حقول ولا غابة
زمانى المقسم ..
جراحات وآهة
مكانى الموسم ..
دريبات متاهة
فؤادى المهندم ..
تباريحو عاهة
رجنك دهوراً ..
مطول مداها
صباحاتى ليلا ..
بلاك يا سحابة
بتحرد تصابح
زهور الخميلة
بلاك برضو تابا
تسالم تقالد
شعاع الشميسى
العلى طالعى دابا
أماسيا دونك
يخلن عيونى
يشيلن يكبن
يحاكن عيونك
بروقن صبابة
رعودن نغيماً
يموت فى غيابك
وسط جوف ربابة
امانى الطفولة
التشابى وتتاتى
صغيرة وغريرة
بريئة وجميلة
تباريك تتابعك
تحوم كايسى دنِك
بدون فيض منابعك
تعيش مستحيلة
كتلنى اشتياقك
وسط نارفراقك
ممدد موسد
رماد احتراقى
لعل التلاقى
يكون يوم حقيقة
يزيد عمرى لحظة
اكان فيهو باقى​