الدكتور محمد حسن «لما الكلام راح وانعدم»

ضى القمر

:: كــاتبة نشــطة ::
لـمـا الــكــلام راح وانـعـــدم ...

حرق قلبي الكلام لما انكتب

لا ليه مثيل

بين الصحائف

او بين وريقات الكتب

كتبتو من عمق الشجن

وشيتو بي كل الحنين

مليان ادب

وسجعت زي قمري الخريف


ورجعت مليان اشتها

زي المطر وكتين يصب

زي السحاب

شايل نداه وكل دميعاتو

وسرب

كتبتو يا زول للعيون

الفيها برتاح من تعب

دفقتو بين الاسافير

والفضا

مرقتو..

وا شري واسايا

من جوف العصب.

اه يا مسادير السفر

يا نمة في ليل السهر

يا قمرة بين ستاير الليل
وبين

ومضة الفجر الشهق

آه يا قلب

شلت الكلام

جواك نغم

لا فترت من طول المسافة

ولا الحبيب ليك اقترب
 
أعلى أسفل