الحياة الكريمة هي حق التعليم المجاني الصحة توفير الفرص الامن | منتديات الراكوبة

الحياة الكريمة هي حق التعليم المجاني الصحة توفير الفرص الامن

الموضوع في 'الحوار العام' بواسطة شيت, بتاريخ ‏يوليو 30, 2016.

الوسوم: إضافة وسوم
  1. شيت

    شيت :: كاتب نشـــط::

    إنضم إلينا في:
    ‏مايو 10, 2015
    المشاركات:
    127
    الإعجابات المتلقاة:
    0
    نقاط الجائزة:
    16
    كل هذه المفردات في هذا المقال ليست لها اي علاقة بالسياسية انها حقوق على الحكومة ان تعترف بها وتعمل لايجادها
    هي الحياة الكريمة للمواطن السوداني الذي يعاني منذ عقود طويلة
    التنمية وتوفير الحياة الكريمة
    توفير الغذاء توفير الضروريات الحياتية
    سبل العيش الاستقرار المعيشي
    العيش الكريم العيش الطبيعي
    توفير فرص العمل الامن

    التعليم المجاني
    تحسين الخدمة المدنية
    دعم الانتاج
    مشروع الجزيرة
    الغذاء الجيد الصحة الجيد

    هل هذه المفردات لها علاقة بالسياسية ؟؟؟؟؟

    يعني اذا كان هنالك حوارا

    بين اي اتنين ليس هذا ايضا مرتبط بمفردات السياسية
    الحوارات بين المواطنين في الحافلة وبيوت البكا وفي عقد القران وفي الضللة وفي الجزارة وفي الموقف وفي المكاتب وفي الحدائق وفي الشوارع وفي موقف اللواري وفي محلات السراميك وفي الفرن وفي المنطقة وفي الحواشة
    الى مضابط مفردات الحوار:
    كيف الحال
    انشاالله تمام
    كيف الاحوال
    والله كنا في المستشفى مع فلان عندو سرطان في
    والله مشينا نستلم الجثة من المشرحة ولد حاج الطاهر كتلوا في احداث الجامعة ........
    والله الخدار بقا غالي كليو الاسود بقا 50 الطماطم 60 الف والله تصدق واحد قال لي اشترى ليهو بتيخة ب 120 الف
    والله اللحمة بقت ب90 الف جنية
    والله ربع الكيلو
    والله نص ربع رطل اللبن
    والله زيت ب 10 جنيه بقا شوية خلاس
    والله كنا في مدني المواصلات زي الزفت وغالية ونشلوني
    والله مشينا في الشارع يخي الحفر وموية المجاري مالية الحتة
    والبلد يخي بقت وسخانة
    والله الموية بقت عكرانة وريحتها معفنة
    يخي الحاصل شنو الكهرباء دي قاطعة طوالي
    ولله الحوادث يا زول بقت كتيرة خلاس الشوراع منتهية وضيقة
    والله جوني ناس الضرايب شمعو المحل
    يخي ست الشاي الكانت بتقعد تحت الشجرة طردوها وولدها عفصوا كارو مشينا ليهم في المستشفي تصدق ما في دكاترة غير الطلبة بتاعين الطب
    يخي الطب بقا يخشوا اي زول
    بقروشك تبقى دكتور وده السبب الخلى الدكاترة كتار وما نافعين
    يخي والله مشينا مستشفى فضيل عشان نقابل الاخصائي صدق الكشف بس ب زززوزززز مليون
    التاني : يعني كم؟؟؟ معقول المبلغ ده في كشف بس غير الاشعة المحشية والرنين والتصوير الطبغرافي وحاجات كتير يا زول اسكت ساكت
    وين امس ما شفتك .... والله مشيت لي محجوب طمبل في السجن ماسكينو في شيك .بكم كده مليار
    كم يعني ؟
    ما علينا يا زول بس لقيت ليك هناك عالم تاني السجن مستف مليارات اقصد بتاعين شيكات
    يخي ود ناس حاج سعيد التقول جاتو ليلة القدر فجاة كده راكبلوا عربية توسان اخر موديل قالوا اشتغل في منظمة المبشرين بالشنو كده ما بعرفو ...
    و قالوا بهله بهلة جد على اخوانو
    هناي داك بتعرفو صاحبنا يخي
    اها مالو قالو اعتقلو؟
    اعتلقلو ؟؟؟!!!!
    يا زول قوم امشي من هنا ما بعرفو و لا بعرفك انت ذاتك يلا شتت يا عمك!
    مرتي مشت مستشفى جاهزون قالوا سوسن الحلبية اتقلبت بها ركشة
    يخي الغريبة الزول ده كان معانا كويس بس حس بالم في راسو ودهوا مصر اداهو كيموي يخي جابو ملجن منتهي
    الله يشفهو انشاءالله
    يخي حضرت الكورة امس شفت المستوى التعبان دة
    ده بالله منتخب قومي
    يخي يخي كورة تعبان شديد
    والله مشيت شارع النيل شفت ليك حاجات عجيييييييبة يا مان
    يخي كل حاجة في و عينك يا تاجر كمان
    والله امس حضرنا ربه بسمية الصالحة
    يخي المرة ده جات لابس توب كل حاجة ظاهره العجب الدهب اللابسوهو شي عجيب
    والله يخي مشينا لقينا ورق الواطة الاشترينها مزور وبايعنها لاربع مغتربين قبالنا
    والله يا زول هناي داك مثبت ليهو حبشية شديدة شدة
    يا زول والله عمك ده طلعت عليهو اشاعة قالوا هو بتاع .... استغر الله العظيم
    معقول دي يخي
    يخي والله البلد دي بقوا الناس فيها ما بتخجل يخي
    شوف جنس
    البت الماشة ديك
    عليك الله ده لبس تلبسوا وشوف الحركات البتسويها في الشارع دي
    عليك عاين الراجل الكبير المابخجل ده مصاحب ليهو وحده اصغر منو ب33 سنة معقولة بس
    يخي الرغيفة مالها بقت صغيرة كده
    والله قالوا قبضوا ناس مشهورين وواحدين كمان شعراوفنانين و في الحكومة في شقق مفروشة مع طالبات الجامعة
    والله يا عمك تمشي اي مصلحة حكومية بخلوا جيبك نضيف
    فلان كان في السعودية كشوا والله
    جا حالتو تحنن غايتو بتو الكبيرة نافعهم بتطلع الصباح وبتجي اخر الليل
    طيب شغالة شنو
    ههههههه يعني حتكون شغالة شنو يعني
    والله يخي اللحمة اليومين دي مامضمونة
    انا تعرف ما بخاف من أي لحمه كلب حمار ضب

    بس المهم مايكون فطيس
    والخدار ذاتو بقا كلو كيمويات
    يخي قالو الدولار بقا بكم كده ما عارف؟
    يخي انتا مالك ومال الدولار
    خليك عليك الله في بيع الصعود بتاعك ده
    هههههه يعني حتبيع لينا التمباك بالدولار ولاشنو
    والله عمك ده شمشارة وبتاع بوبار
    قال دولار قال
    قوم لف؟

    أن الحق في التنمية تنمية الانسان السوداني


    بتعليمه وتدريبه وعلاجه والاهتمام به من واجب الحكومة

    سواءان كانت هذه الحكومة انقلابا على نظام شرعي او حكومة جاءت عن طريق التزوير او حكومة تقوم على البطش ونهب ثروات البلاد او حتى حكومة احتلال
    علي هذه الحكومة
    تنمية الارض وتنمية الموارد و الاهتمام بالبنى التحتية و الاهتمام بكل ما يتعلق بهموم الشعب لان
    الحكومة هي من اجل الشعب
    ليس بناء الاجهزة الامنية والمخابراتية لتدمير شخصية الفرد السوداني ليصيح من اولاوياته الهروب والهجرة
    تتضمن الاتفاقيات الدولية حقوقا يجب ان تكفلها الحكومات لمواطنيها كالحق في العمل اللائق وليس مجرد العمل ,والحماية وحقوق الاسرة وتحسين الظروف المعيشية عموما وتأمين وضمان الصحة والتعليم للجميع وحق السكن اللائق ,والمشاركة في الحياة الثقافية بحريّة.


    كما ان الاسلام الذي نؤمن به وتؤمن به الحكومة

    يتيح ان يشاع العدل فينا والا اننا نخلص الى نتيجة مفادها ان احدانا هو ليس في الطريق الصحيح

    وبقية الديانات الموجودة على الارض السودانية لها الحق ان تمارس تفاصيل طقوسها

    الفكرة هي ان اذا تواصل العهد الديمقراطي بممارساته العقيمة هل ستكون نتيجة هذه الممارسات هي ان نخرج بتجارب قوية وراسخة تؤهلنا الى نخلق ديمقراطية قوية ومستقرة وصحية
    هل الانقلاب العسكري عطل التطور الطبيعي للديمقراطية الوليدة في السودان
    وهل هنالك كانت اسباب موضوعية للاستيلاء على السلطة اما انها كانت اهداف مبيتة كما اتضح لاحقا من تصريحات الاب الروحي لهذا الانقلاب الدكتور الترابي
    ولماذا اراد الاخوان الحكم في السودان هل هو في منهجهم بانهم قوم يريدون السلطة باي وسيلة وتحت اي ذريعة كانت وهل هم راضوان الان عن ما وصل اليه الوضع الان وما هي مساهمات معارضي النظام من باطنه المساهمات الفعلية ولماذا لم تنجح وما هي الفائده من هذه المساهمات للشعب السوداني وما هي اهداف اطياف الحركة الاسلامية الاخري من معارضة نظامهم السياسية هل هي بدافع بناء مؤسسات جديدة تتفادى الاخطاء السابقة وتبدا في تنفيذ مشاريع اخرى

    اما نظرية انه لابد ان يكون البديل للسلطة الحالية جاهزا وحاضرا في حالة الثورة والتغيير على افتراضات نجاحها بطريقة امنة وسليمة ودون دماء او حروب او صوملة
    ما هي السيناريوهات المحتملة
    سيكون هنالك نظام ديمقراطيا وليدا وثم يبدا حراك سياسي واجتماعي لسنوات طويلة وتتكون لدينا صورة عن ديمقراطية صحيحة هذه هي الصورة المثالية
    ولكن دعونا نتحدث عن الجوانب السالبة الاخرى باعتبار ان الاحزاب الحالية هي احزاب وتنظيمات ممزقة مهترئة نفعية غير منظمة ضعيفة ليس لديها اي بنية ولا اي مشروع سياسي اجتماعي للبناء او للتنمية او للعمل او لاي شي
    احزاب مبنية على الطائفية والشخوص واجترار الماضي احزاب كانت وما زالت تساهم في ترسيخ الحكم الشمولي العسكري بمشاركتها الباهتة في كثير من الصفقات مع الحكومة بغرض مصالح شخصية ومناصب للمحاسيب وترضيات
    احزاب شاركت في معارضة اضعف ما تكون المعارضة في مسوقاتها السياسية التي لم تكن يوما واحدا قادارة على اقناع الشعب السودانية بجدوى الاستماع اليها ناهيك عن اتباعها في ايا من مشاريعها المربوطة بمشاريع عمالة ودعم خارجي وهذا ليس حديث سياسي ولكنه موجود ومتوفر بكثرة بالادلة والوثائق والاختلافات التي بين افراد المعارضة انفسهم


     
  2. Awad alawad

    Awad alawad :: مُـشــــــرِف ::

    إنضم إلينا في:
    ‏سبتمبر 7, 2011
    المشاركات:
    5,043
    الإعجابات المتلقاة:
    6
    نقاط الجائزة:
    38
    رد: الحياة الكريمة هي حق التعليم المجاني الصحة توفير الفرص الامن

    س : البديل منو ؟
    ج: البديل نظام ديموقراطي يصلح نفسه كل دورة جديدة في ظل حريات
     
  3. شيت

    شيت :: كاتب نشـــط::

    إنضم إلينا في:
    ‏مايو 10, 2015
    المشاركات:
    127
    الإعجابات المتلقاة:
    0
    نقاط الجائزة:
    16
    رد: الحياة الكريمة هي حق التعليم المجاني الصحة توفير الفرص الامن

    الديمقراطية كفكرة نظرية شي جميل ولكن

    كلمة أصبحت لا وجود لها في دول العالم المتأخر منذ نيل الاستقلال المشكوك في امره انه استقلال
    نحن جماهير الشعب السوداني نتحدث فقط عن حياة كريمة وهواء نضيف وموية ما عكرانة ومسؤولين ما حرامية
    جات الديمقراطية قبل كدة وجات معاها كل البلاوي المذكورة اعلاة
    وجاء الانقلاب في 30 يونيو وجات معاهو كل البلاوي المذكورة
    لازم يكون في بديل
    غير الجبهة والإسلامية والحزب الشيوعي وحزب الامة والحزب الديمقراطي والحركات العنصرية المسلحة

    البديل هو أجيال مليئة بالحيوية من شباب السودان المبدع المخترع المنفتح المتعلم الذي لا يعطى فرصة ابدا لان الترابي لهث خلف الحكم حتى مات ومازال الصادق والميرغني وعمر البشير وديناصورات الحزب الشيوعي الذي لا اعلم لماذا هو موجود كحزب الى الان ؟؟؟؟؟؟؟
    لازم يكون في دماء جديدة وكلمة جديدة وناس جديدة

    بس كيف ؟ لازم الناس تفتح حوارات ولازم تطرح أسئلة ولازم ترمي بكل تاريخ تقديس الأشخاص وتضخيم الذات الى المزبلة
    لازم يكون في إعادة كتابة التاريخ الصحيح
    لازم يحاسب كل الذين ساهموا في تدمير البلاد وقتل وتعذيب الاخرين وسرقة المال العام وكافة الجرائم بالقانون والعدالة
    لابد في النهاية ا ان يتصافى الجميع لان الانتقام والتشفي يولد مزيد من الاقصاء والاستقطاب والنقسامات والتمزق
     
  4. Mandela

    Mandela :: كاتب نشـــط::

    إنضم إلينا في:
    ‏نوفمبر 22, 2012
    المشاركات:
    168
    الإعجابات المتلقاة:
    0
    نقاط الجائزة:
    16
    رد: الحياة الكريمة هي حق التعليم المجاني الصحة توفير الفرص الامن

    سيد شيت اذا كنت تعارض الديمقراطية كاسلوب حكم لم يعطي الوقت الكافي لتطبيقه في السودان فهؤلاء الشباب بأي نظام يديرون دفة الحكم؟.
     
  5. شيت

    شيت :: كاتب نشـــط::

    إنضم إلينا في:
    ‏مايو 10, 2015
    المشاركات:
    127
    الإعجابات المتلقاة:
    0
    نقاط الجائزة:
    16
    رد: الحياة الكريمة هي حق التعليم المجاني الصحة توفير الفرص الامن

    انا اتحدث عن الديمقراطية التي تمارس في السودان واذا قدر الله لهذا النظام ان يذهب ستمارس نفس هذه الديمقراطية والتي من سماتها :
    1- هي دائما تمهيد لحكم عسكري شمولي طويل الاجل
    2- يكون الانتخاب فيها عشوائيا يقوم على مصالح طائفية مصالح شخصية ترضيات ممارسات قبلية
    3- تنعدم فيها البرامج والمشروعات التنموية والبنى الاقتصادية والنهضة الاجتماعية
    4- يحدث فيها دوما انحطاط ثقافي واجتماعي وقد يكون اكثر مما نشاهده الان
    5- الديمقراطية بوجها العبثي االممارس يكون هنالك انفلاتا امنيا في كل بقاع السودان
    6- الديمقراطية السودانية الممارسة في الفترات السابقة كانت مليئىة بالمؤامرات والمكايدات الحزبية والذي يحرك كل ذلك هو الحزب الشيوعي والاتجاه الإسلامي
    7- الديمقراطية السودانية كانت مناخا لعدم الاستقرار ومتاخا للعمالة والاستعانة بالخارج من بعض الجهات الحزبية في تقوية مواقفها على الاخر
    نحن مع النظام الديمقراطي ولكن لا يمكننا ان يمارس فينا العبث الذي ماسه الحزب الشيوعي وحزب االامة والحزب الاتحادي والاخوان المسلمون مرة أخرى
    نحن نعمل جميعنا بان ينهض الجميع لانىالسودان ليس ملكا لهذه الطوائف وهذه الشليليات ونتحدث في كل المنابر
    وسياتي يوما ويكون هولاء الشباب هم من يضعون القواعد الصحيحة للديمقراطية
    كيف تاتي لاحد ان ينتمي للإخوان المسلمون و تتوقع منه ان يؤمن بالديمقراطية وهو يخطط للانقلاب على السلطة
    وكذلك الحزب الشيوعي الذي لايؤمن الا بنظام شمولي يطبقه في داخل تنظيمه بان السكرتير العام يظل حتى الموت الحزب الشيوعي يتحدث فقط عن شخوص
    اما الأحزاب الطائفية فحدث ولا حرج ليس لديهم أي علاقة بالديمقراطية لا من قريب ولا من بعيد
    سيد مانديلا
    ونحن لسنا ضد الأشخاص ولكن ضد الممارسات والسلوك السياسي الشاذ ضد ان يهدر وقت وموارد الامة في مسميات افرغت من مضامينها واستغلت للعبث
    لذا فليمارس أيا من كان نشاطه السياسي ولكن بقواعد النزاهة والمسؤلية والا فان الامر يصبح عبثيا
     

مشاركة هذه الصفحة