الحكاية شنو ؟؟؟؟

نسمة الصباح

:: مشرفة سابقة ::
كل يوم والتاني نسمع عن عريس طلق العروس يوم الزفاف
مرة بسبب الفنان
مرة بسبب الفستان
مرة بسبب الرقيص
الحكاية بقت موضة وماشة
وين حرمة الزواج وقدسية عقد الزواج
هل شبابنا أصبح غير مسؤول لهذه الدرجة ؟؟؟؟
والعصمة لماذا جعلها الله في يد الرجل ؟؟؟ مش عشان هو أقدر على الحكم على الامور بعقله بعيدا عن العاطفة
يعني معقول واحد مع اول مشكلة تواجهه في ليلة زفافه يطلق
واتساءل انسان زي دا بواجه المشاكل في الحياة كيف ؟؟؟
بصراحة لم أجد تفسير لمثل هذا التصرف لو عندكم تفسير منطقي اسعفوني بيهو
 
لكن يا نسمة الحاجات البعملنها البنات الايام دي تخلي الواحد يطلع من طورو

شنو يعني تقيبف جنب الفنان الحفلة كلها؟

وفعلا المشكلة من الرجل لانو ما عرف يختار كويس
 
مرة بسبب الفنان
مرة بسبب الفستان
مرة بسبب الرقيص

لأن صراحةً هذا (( الثالوث )) الذى ذكرتيه ، اصبح الاهتمام به الان اهم من المأذون نفسه ،..
إنتى يا نسمة من زمن دق الحنة بمدق النحاس ؟، والحطب البكسِّروهو بالفاس ؟، والشيلة البشيلوها فى الراس ؟! ..


تحياتى ليك ، بوست موفق والله ..
 
لكن يا نسمة الحاجات البعملنها البنات الايام دي تخلي الواحد يطلع من طورو

شنو يعني تقيبف جنب الفنان الحفلة كلها؟

وفعلا المشكلة من الرجل لانو ما عرف يختار كويس

محمد نعيم كيفنك
نعم البنات غلطانات ثم غلطانات وانا ما ببرؤهم لكن هل يجوز انو الغلط يتعالج بي غلط أكبر منه ؟؟؟
يا خي والكاظمين الغيظ والعافين عن الناس
انا ما بقول انو يتجاوز عن خطأها لكن أكيد البنت دي عندها وليان يشاوروهم ويرجعوا ليهم يعني معقول الواحد يتصرف تصرف
طايش وفردي زي دا بدون ما يرجع للأهل
 
لأن صراحةً هذا (( الثالوث )) الذى ذكرتيه ، اصبح الاهتمام به الان اهم من المأذون نفسه ،..
إنتى يا نسمة من زمن دق الحنة بمدق النحاس ؟، والحطب البكسِّروهو بالفاس ؟، والشيلة البشيلوها فى الراس ؟! ..


تحياتى ليك ، بوست موفق والله ..

الفكي والله كان بقى الثالوث دا هو الهاجس يبقى عليه العوض ومنو العوض

باين يا خوي راحت علينا وبقينا دقة قديمة والله يستر من الجاي

شكرا لك أخي الفاضل ولك مني عاطر التحايا
 
محمد نعيم كيفنك
نعم البنات غلطانات ثم غلطانات وانا ما ببرؤهم لكن هل يجوز انو الغلط يتعالج بي غلط أكبر منه ؟؟؟
يا خي والكاظمين الغيظ والعافين عن الناس
انا ما بقول انو يتجاوز عن خطأها لكن أكيد البنت دي عندها وليان يشاوروهم ويرجعوا ليهم يعني معقول الواحد يتصرف تصرف
طايش وفردي زي دا بدون ما يرجع للأهل

نسوم ..سلامات..

اعتقد انو الراجل او خلينا نقول الشاب ..في هذا العصر اصبح يبحث عن اسباب الخروج من مأزق الزواج اللي بيرى انو وضع فيهو نفسو وضغوطات الحياة اصبحت اكبر من ان يتحمله اي شاب متهور لا يراعي قدسية الحياة الزوجية والميثاق الغليظ اللي بينهم..

كدي احكي ليكـ حاجة حصلت معاي قبل اقل من شهر ونرجع للكلام ونناقش الاسباب اللي أدت للي بيحصل ده..

دُعيت لزواج أحد الزملاء قبل اقل من شهر تقريبا ..والعريس تقريبا عمره في بداية التلاتينات.. ( وهو فنان ) لاحظي يعني للحتة المهمة دي ..والحفل ماشي تمام وآخر هجيج ورقيص وبهجة فإذا بالعريس وشو يقلب وفجأة لقيت اخوانو بيمسكوهو يازول اهدا لالا عيب ياعريس ياااخ.. خلاص انسى الموضوع يازول....

قربت منهم واستفسرت تحت تحت..سمعت العريس بيقول ..طلعو الزول ده براااا برااا من هنا..!!! واخذ يسألأ عروسه انتي عزمتي الزول ده وليه وفي شنو؟؟
استغربت ..عريس يطرد أحد معازيمه.؟!!
بعد العرس بفترة استفسرت عن الموضوع فقالو لي ..العريس لقى واحد كان مرتبط بالعروس قبل ماهو يتقدم ليها..وهاااج ومااااج..!!
 
الفنان ...الفستان ...الرقيص.. ( دي كلها بلاوي هذا العصر)...

ويمكن الحمد لله نحنا في السودان لسه شوية في حببببة حياء..ما وصلنا لدرجة ماوصل اليه البعض من ( تقبيل تامر حسني وحماقي وساموزين) على المسارح..

لكن ابشرك يانسمة الوضع في الطريق الى ذلكـ..

البنات بطبيعتهم اشد تأثرا من الشباب ..في السلب والايجاب..واعتقد انو نحن تركيبتنا كرجال سودانيين صعب ان نتقبل اي نوع من تلك الانحناءات والتقديس الذي تمارسه حواء العرب وغزَت به حواء السودان اللي تاثرت بيهو بسرعه جدا وهو مانشهده يُمارس مع صباحي وطه واحمد الصادق وغيرهم يعني..

الاختيار الخاطيء من البداية كذلك يلعب دور كبير جدا ..إذ إنه لا يستقيم عقلا ان ارتبط بـ ( فتاة من تحت الساون) وانتزعها انتزاعا من بين احضان اشرطة صباحي وثم اطلب منها ان تجهض هذا الارتباط الذي بينها وبين هذا العالم..

نسووم وهو بيني وبينكـ كده فن الزمن ده زااتو مهبب ومنيل ب60 نيلة ..وفنانات بيقولو : (جلست معاه تحت الشجر..وحصل الحصل) والله لانرجو منهم الا طلاق واغتصاب اطفال وزنا وغيرو وغيرو..

بوست موفق جدا يا نسوم
 
=باين يا خوي راحت علينا وبقينا دقة قديمة والله يستر من الجاي

دقه قديمة ساي يا ( خالتو)..:004:

ـــــــــــــــ

مايُروى غايتو من الزمن داكـ ..إنو عقد وفطور ..والبيمشي شهر عسل ( كسلا )..ماخلى شي..

ويُقال ( والعهده على الراوي)..إنو فستان الزفاف كان ( اسود).!! وفستان واحد يوم بيكون في مدني ويوم بكون عند عروس تانية في دنقلا ..!!

ـــــــــــ

طلب خااص..أرغب في دفتر مأذون عقودات أنكحة يعود للعام 1960م - نشوف نسبة الطلاق الزمن دااااكـ وهسه..
 
الحكاية جهل متبادل من الاتنين
الزوج والزوجة
المفروض يا نسمة يضيفو للمنهج الدراسى
مادة يفهمو فيها الاولاد ديل يعنى شنو زواج ؟؟
من الاساس لحدى الجامعة
ولما الواحد يكون عاوز يتزوج اول شئ يكون جايب تقدير
جيد جداً فى المادة (بدون تزوير وشف وبخرات )
وبعدين نشوف البيحصل شنو
 
نسمة صباحك خيــر


ومشكورة على الطرح الجميل

كتير من المفاهيم في بلدنا إتغيــرت

وإتغير فهم الناس ونظرتهم للأمور

 


نسوم ..سلامات..

اعتقد انو الراجل او خلينا نقول الشاب ..في هذا العصر اصبح يبحث عن اسباب الخروج من مأزق الزواج اللي بيرى انو وضع فيهو نفسو وضغوطات الحياة اصبحت اكبر من ان يتحمله اي شاب متهور لا يراعي قدسية الحياة الزوجية والميثاق الغليظ اللي بينهم..

كدي احكي ليكـ حاجة حصلت معاي قبل اقل من شهر ونرجع للكلام ونناقش الاسباب اللي أدت للي بيحصل ده..

دُعيت لزواج أحد الزملاء قبل اقل من شهر تقريبا ..والعريس تقريبا عمره في بداية التلاتينات.. ( وهو فنان ) لاحظي يعني للحتة المهمة دي ..والحفل ماشي تمام وآخر هجيج ورقيص وبهجة فإذا بالعريس وشو يقلب وفجأة لقيت اخوانو بيمسكوهو يازول اهدا لالا عيب ياعريس ياااخ.. خلاص انسى الموضوع يازول....

قربت منهم واستفسرت تحت تحت..سمعت العريس بيقول ..طلعو الزول ده براااا برااا من هنا..!!! واخذ يسألأ عروسه انتي عزمتي الزول ده وليه وفي شنو؟؟
استغربت ..عريس يطرد أحد معازيمه.؟!!
بعد العرس بفترة استفسرت عن الموضوع فقالو لي ..العريس لقى واحد كان مرتبط بالعروس قبل ماهو يتقدم ليها..وهاااج ومااااج..!!

المحسي تحياتي
قصتك يا المحسي هي أحدى القصص التي سمعناها لكن الحمد لله ما انتهت زي الحكايات التانية وتدخل اخوان العريس منع كارثة محققة
يا محسي يا أخي انا في رأيي ان الرجل في مجتمعنا دائما حتى لو ظلم ببقى اسمو رجل والعيبة حتى لو ما كانت من المرأة في مواقف زي دي
ببقوها فيها فيا رجال التروي ثم التروي قبل القيام بمثل هذه التصرفات وتحري الحقائق لأن الظلم ظلمات يوم القيامة
يعني ناخد موقف صاحبك دا كمثال
هل هو تأكد من أن هذه العروس هي من قامت بعزومة هذا الرجل
وواضح جدا ان هذا الشخص جاء كنوع من المكايدة لهذا العريس وعشان يخوض في الماء العكر
لاحظ معاي ضيق الافق في تصرف العريس
يعني لو العريس كان عندو بعد نظر ممكن يكتم الكلام دا لغاية ما المناسبة تنتهي والناس ينصرفوا وبعد داك ممكن يتفاهم مع
زوجتو بعيدا عن الانظار وفي الحالة دي بكون أخذ الفضل عليها وقطع الشك باليقين وما ظلمها وأعطاها فرصتها الكاملة في الدفاع عن
نفسها وأعطى نفسه ايضا الفرصة للتقدير والحكم الصحيح
 
التعديل الأخير:
الفنان ...الفستان ...الرقيص.. ( دي كلها بلاوي هذا العصر)...

ويمكن الحمد لله نحنا في السودان لسه شوية في حببببة حياء..ما وصلنا لدرجة ماوصل اليه البعض من ( تقبيل تامر حسني وحماقي وساموزين) على المسارح..

لكن ابشرك يانسمة الوضع في الطريق الى ذلكـ..

البنات بطبيعتهم اشد تأثرا من الشباب ..في السلب والايجاب..واعتقد انو نحن تركيبتنا كرجال سودانيين صعب ان نتقبل اي نوع من تلك الانحناءات والتقديس الذي تمارسه حواء العرب وغزَت به حواء السودان اللي تاثرت بيهو بسرعه جدا وهو مانشهده يُمارس مع صباحي وطه واحمد الصادق وغيرهم يعني..

الاختيار الخاطيء من البداية كذلك يلعب دور كبير جدا ..إذ إنه لا يستقيم عقلا ان ارتبط بـ ( فتاة من تحت الساون) وانتزعها انتزاعا من بين احضان اشرطة صباحي وثم اطلب منها ان تجهض هذا الارتباط الذي بينها وبين هذا العالم..

نسووم وهو بيني وبينكـ كده فن الزمن ده زااتو مهبب ومنيل ب60 نيلة ..وفنانات بيقولو : (جلست معاه تحت الشجر..وحصل الحصل) والله لانرجو منهم الا طلاق واغتصاب اطفال وزنا وغيرو وغيرو..

بوست موفق جدا يا نسوم

يا محسي مرحب بيك مرة تانية
والله دي مصيبة من مصايب العصر
انا بأيدك في حكاية ان الاختيار الصحيح يلعب دور اكيد في منع مثل هذه الكوارث
ان تقف عروس بجانب الفنان وترفض لفرط إعجابها به ان ترقص مع عريسها في ليلة العمر هو شيء يدعو للضحك من شدة البلاء والبلاهة
وأقول بالفعل ان هذا العريس سيشعر بالاستصغار والنيل من كرامته امام الجميع لكن بتصرفه هو زاد الطين بلة وتم الناقصة وخربها وقعد على تلها
انا بالطبع لا أدعو لأن يكون الرجل ديوس ولا يشعر بالغيرة لكن بتمنى ان يكون الرجل حكيم ومتزن وقادر على التغلب على أقوى الضغوطات
مدام انت اخترت فيجب ان تكون قادر على تحمل تبعات اختيارك ولا تتملص وتنسحب مع ظهور اول تبعة والتقويم لا يكون باللجوء لآخر الحلول الممكنة
 
نسمة سلامات
في الاول والله عنوان البوست بتاعك؟مابيوري الحاصل جوة شنو؟ اتاريهو مولع عديل والموضوع اكتر من شيق؟
قصة العرس في الزمن ده زي ماقالت اماني محتاجة تدريس ومفهوم الاسرة محتاج من الاباء انو يقعدوا مع اولادهم شويه ويفهموهم الاسرة ودورها واختيار الشريك

انا بقول انو المشكلة في الاساس هي التربية؟ لانو التربية هي البتقودك للاختيار السليم؟

المجتمع ليه دور كبير خالص في المشكلة دي لانو في الوقت الراهن بتلاقي انو في ناس بتعرس عشان تعرس لا غير؟ وبتجاري الناس في تفاصيل العرس؟ وهنا بنلاقي انو البنات (وده ماتحيز) بيفرضوا شروط كتيرة قبال العرس بتخلي العريس يفكر مليون مرة في الورطة الوقع فيها؟

وانا عندي قصة وما من بعيد لا قريب خالص؟ انو العريس اتقدم للبنيه واهلها قبلوا وحددوا مواعيد العرس؟ العروس طلباتها كترت كتير الراجل ماعرف يعمل شنو؟ والله احتار من الحاجة دي لانو الطلبات زادت والتقول بتتشهي فيه؟ يعني الشيلة والدهب والمصاريف؟ الراجل هسي بيفكر يرفع يده من الموضوع ويتخارج؟

عدم المعرفة بيلعب دور؟ يعني فطمة بتكون زول مهذبة في الحلة وسمعتها كويسة؟ والناس شايفاها ماشه الجامعة لابسة كويس وعيونها من الارض مابترفعها؟ يلاقيها محمد يتونس معاها تعاين ليه تخجل وتقول ليه لو عندك حاجة تعال لي ابوي؟ ومايكذب محمد يجي البيت يلاقي ابوها؟ ويقروا الفاتحة؟

يوم العرس يلاقي الفستان مفتوح ونص الجسم بره؟ ياربي دي فاطمة المحجبة والطرحة ما بتنزل من راسها الحصل شنو الشعر برة والصدر مكشوف والاكمام تكاد تكون مافي؟ يتفاجأء وهو لابس البدلة من تغير حال فاطمة؟

او فاطمة الما بتتكلم مع الاولاد في الحلة والمابتعاين للناس يوم العرس يجو اصحابها وصحباتها من الجامعة؟ لابسين المشخلع وهاك يارقيص مع الاولاد وسلام بالاحضان ومبروك واحتمال تجيب زي تامر حسني علي قول المحسي؟ محمد يمشي وين اليوم داك؟

اها تقوم فاطمه تمشي للفنان ولانها بتحب الفنان ده خالص واصرت عليه يوم العرس رغم انو غالي ومحمد دفع دم قلبه عشان يجيبة وماتنسي انو بيكون سامع قصص عن الفنان مخ خلال التلفون مع فاطمة واصراها انها تجيب الفنان ده؟ يوم العرس فاطمة تلصق في الفنان وماتتزحزح من قدامة؟ والعريس دايرها تجامل اهله وترقص مع اصحابه واهلها لكن هي لا الا الفنان ده لاصقة فيه؟ بتتخلوا محمد يسوي شنو اليوم داك؟

ده مابينفي انو ثقافة محمد او وعيه كان من المفروض يخلوه يعرف الحاجات دي قبال العرس؟ بس هو بيكون مابيعرف فاطمة؟ بيعرف الشكل الخارجي بس؟ وبيشوفها في مناسبات الاهل والشارع؟ ومشاء الله عليها هنا بتكون هادية ورزينة وعاقلة؟
 
أعلى أسفل