التسجيل في الراكوبة ... نوع ما مثيرللريبة .. انتو ما مرتابين ...؟!

هل كمية المعلموات المطلوية عند التسجيل في الموقع اثارت ريبتك


  • مجموع المصوتين
    5

Dr.Pain

كاتب جديد
السلام عليكم و رحمة الله و بركاته
أخواني , اخواتي الاعزاء
السلام عليكم
المفترض البوست دا يكون بوست سلام للكل بما اني جديد في الراكوبة
لكن حيرتي اثناء تسجيلي في الموقع
خلتني ارتاب
ف قلت اجمعهم الاتنين سوا
يكون اول موضوع لي و سلام
ومنو نفهم القصه شنو
ف سلام من الله عليكم
اخوكم Dr.Pain
اتمني ان اكون اضافة و لو قليلة الي الراكوبة رداً لجميلها و جميل اعضائها بالاضافة الدائمة للسودان و السودانيين

اتمني تقبلوني اخاً بينكم

شكراً ليكم

الحاجه التانية
انا الحقيقة ممكن اكون في حياتي ما قريت Term و conditions حق منتدى خلال ال 10 او 15 سنة الفاتت
الشروط و القوانين حقت المواقع بقت زي تصريحات المسؤلين السودانيين


لكن اليوم لقيت لقيت نفسي مظطر اقرى صفحة الخدمة و القوانين خقت الراكوبة قبل ما اقول اني وافقت عليها
لانو استوقفني كمية البينات الشخصية الي بتطلبها الراكوبة عشان الزول يسجل
يعني اول حاجه الايميل مافيو اي اعتراض و بيكفي جدا للتسجيل في اغلب المنتديات
لكن
كمية البينات البيطلبها الموقع منك لمن تجي تسجل
و كلها تحت بند *مطلوب
يعني ما اختياري
يعني لو ما كتبت اسمك الحقيقي و اسم ابوك و سكنك و رقمين تلفون و الاقامة الحالية و شغال شنو
ما ممكن تجل ....!
انا ما اشكك ابداً في مصداقية اخوانا في الراكوبة و سياستهم
لكن كمية البينات الشخصية الي بيجمعها الموقع عن اي زول فيو
الصراحة مخيفة جدا
حقلين بس من الحقول المطلوبة دي الي هي رقم الجوال و الاسم الحقيقي ممكن يودوك في 60 دهية
كل المعلموات دي ممكن تستخدم ضدكم
ممكن تستخدم ضدك بطرق كثييرة شديد
و الاخوان الخبراء في مجال المعلوماتية و السايبر سيكيورتيي بيعرفو انا بقصد شنو
يا اخوان دي معلومات في اشد الاهمية و معلومات حساساة جدا زي شغلك وين و شغال شنو و ساكن و ين و التفاصيل الشخصية الدقيقة دي
ما بتطلب من الزول بالساهل
ف انا بنصح انك ما تكت تفاصيل كتيرة عن نفسك
و اعملو حسابك
و انا داير افهم ليه
كل المعلومات دي بتطلب
و لو انو مافي اي مببر ممكن يبرر لي شخصيا
لكن عشان على الاقل اعضائكم يعرفو يا اخوانا
و بكرر انا ما بشكك في مصداقية او نوايا صاحب او اصحاب الموقع
لكن وجب الاستفهام
شكراً ليكم
و بتمنى اكون عند حسن ظنكم

 
التعديل الأخير:
اضفت التصويت للموضوع
عشان تتضح لينا اراء الاعضاء اكثر
 
التعديل الأخير:
لك التحية dr pain ومرحب بيك في المنتدى
اولا الاجراءات دي حاجة طبيعية جدا متبعة تقريبا في كل المنتديات وموقع الراكوبة لأنو عندو خصوصية لازم يكون الاجراء بالشكل دا واتأكد ان منتدى الراكوبة فقط يهدف لسلامة الاعضاء زي ما العضو بهدف لسلامة نفسو والشي دا طبيعي جدا وهناك منتديات اخرى بتطلب صورة من البطاقة وتزكية من عضو نشط ما بتقبل طلبات عضوية من انسان ما بتعرفو
هنا الموضوع اسهل بكتير
الحاجة التانية المعلومات الانت بتنزلها خاصة بالادارة فقط وما متاحة للاعضاء لأنو امان العضو عندنا اهم حاجة ولا يتم استخدامها الا للضرورة القصوى للتواصل مع العضو او التأكد من هويتو اذا لزم الامر
الحاجة التالتة
من حق العضو يسجل باسم رمزي وصورة رمزية
حفاظا على خصوصيتو وما حصل في تاريخ المنتدى انو تم الافصاح عن هوية شخص ابدا او اطلاع الاعضاء الاخرين على اي معلومة
يعني اطمن تماما من الناحية دي
تحياتي
 
لك التحية يا دكتور..
والسلام عليكم ورحمة الله وبركاته.

قبل ما نسمع رأى أخوانا فى الراكوبة .. لدى كلمة بسيطة... سبق كان لدى بوست طويل فى هذا الصدد بداية تسجيلى فى الراكوبة كمواطن سودانى وجدت فى الراكوبة نافذه لإيصال صوتى وغيرها من مواقع التواصل ليس حكراً على الراكوبة فحسب وهى وسائل عصرية للتعبير الصادق والرأى الخاص والمحائد بين المكونات السياسية، والمنحاز فى آن للحق والمواطن والتراب...

وكنت على ما أذكر فى ذلك البوست أشرت إلى كتابة الأسماء الحقيقية مع كامل بياناتك وليس هناك سبب واحد يجعل أحدنا يتخفى وراء اسم مستعار والسبب بسيط إذ أنك ليست مجرماً ولا مشبوه أنت مواطن حر، ولا تسىء لأحد تطرح رأيك ورؤيتك فى الشأن العام وهذا أمر أعتقد مفيد للجميع معارضة وحكومة ومواطنيين وحق تعبير مكفول بالدستور الوطنى لتقليب الآراء ، حيث تقول الحقيقة المطلقة : ( نصف رأيك عند أخيك)...

بالطبع يكون ذلك مع سلامة حسن النية والبحث فى الإصلاح بقدر ما استطاع الناس هى اهداف مشروعة ومكفولة لكل مواطن، والإلتزام بالأخلاق، والعرف الإعلامى، ومصداقية الكلمة، والرغبة العارمة فى المساهمة فى الإصلاح والنقد، والتشجيع أيضا دون الإساءة والتجريح والسب واللعن ...

ولا ننسى أن البلد والشأن العام ملك للجميع ولنا قاعدة فى تناول أى موضوع واعتقد هذه القاعدة كثير من الناس متبعنها وهى : الموضوعية فى التناول والبحث بعقل وقلب مفتوح فى شتى مصاير الناس دون التعريض بأشخاص أو تقديم إساءة أو تجريح مهما ما كان حدة الإختلاف ..وقال تعالى: ﴿وَلَوْ شَاءَ رَبُّكَ لَجَعَلَ النَّاسَ أُمَّةً وَاحِدَةً وَلَا يَزَالُونَ مُخْتَلِفِينَ (118) إِلَّا مَنْ رَحِمَ رَبُّكَ وَلِذَلِكَ خَلَقَهُمْ وَتَمَّتْ كَلِمَةُ رَبِّكَ لَأَمْلَأَنَّ جَهَنَّمَ مِنَ الْجِنَّةِ وَالنَّاسِ أَجْمَعِينَ (119) ﴾ سورة هود..

كما أن هنالك صحفيين محترفين ومتخصصين فيما يتعلق بالتحقيقات الصحفية وجمع المعلومات الدامغة لأى قضية اجتماعية، او سياسية، أو اقتصادية وهناك جهات مؤسسات فى الدولة بسلطاتها المختلفة تتعامل وتتعاون مع هؤلاء الصحفيين المحققين ومساعدتهم لسد منافذ الجريمة بمختلف أشكالها السياسية، والإقتصادية، وقضايا المجتمع الأخرى وكذلك القصور الإدارى فى مرافق الدولة، وحتما عامة القراء والكتاب وعامة المواطنيين يكون لديهم تحليلاتهم ورؤيتهم حسب خبراتهم فى المشاركة بآراء صادقة ومساعدة فى كل ما يتعلق بالشأن العام.

ولا ننسى أهم قاعدة : الكلمة أمانة محاسبين عليها فى الآخرة ونرجو بها وجه الله قبل الناس ونحسب أن تكتب لنا بها حسنة حيث لا ينفع مال ولا بنون ونريد اًلإصلاح ما استطعنا وكله بتوفيق من الله..

فلا أعتقد هناك تحرج بكتابة كافة معلوماتك فى أى موقع كان وهذا أول أبواب براءة موقفك ووضوحك أمام الله أولاً وثم أمام الجميع من الناس، و ليس وراك شىء تخفيه أو تخاف عليه طالما الهدف وطن مشترك يهم الجميع وعلى الجميع واجب السعى لحل جميع قضاينا لنسعد بوطن آمن مستقر مزدهر متطور متعايش نعيش فيه جميعاً بطمأنينة وراحة بال.
 
اكيد الادارة عندها فهم وده من حقها انو تستوثق من عضويتها منعا للاختراق مع انو وارد وموجود كمان ( الجداد الالكترونى ) الناس دى شغالة تحاحى وتساسك فيهم على مدار الساعة وبرضو غازيين عودهم
كسرة
على المستوى الشخصى انا مع فتح الابواب مشرعة والحشاش يملاء شبكتو اقل شى نتفشى فى بنى كوز ونزعمطهم
 
عنوان البوست غير موفق .
وكأن الراكوبة ستستخدم بيانات اعضائها ..
هذه طريقة التسجيل في الراكوبة وكما تفضل الاخ عوض واستفاض في الشرح منتديات اخري تطالب بارسال صورة من البطاقة الشخصية ..
ماذا تقصد باثارة ريبتك فهذا تشكيك في مقاصد الراكوبة ..
الراكوبة ليست جهة امنية ..
نرجوا منك تعديل عنوان الموضوع وارسال لاي مشرف لتعديل الاسم ..
 
عنوان البوست غير موفق .
وكأن الراكوبة ستستخدم بيانات اعضائها ..
هذه طريقة التسجيل في الراكوبة وكما تفضل الاخ عوض واستفاض في الشرح منتديات اخري تطالب بارسال صورة من البطاقة الشخصية ..
ماذا تقصد باثارة ريبتك فهذا تشكيك في مقاصد الراكوبة ..
الراكوبة ليست جهة امنية ..
نرجوا منك تعديل عنوان الموضوع وارسال لاي مشرف لتعديل الاسم ..
السؤال البفرض نفسو العناكب الما عرفنا قصتهم ديل ممكن يبركتوا معلوماتنا ويلحقونا طه ههههههه امات طه بقت دقة قديمة اليومين دى طه زاتو طالع فى الكفر

كسرة
صورة من البطاقة الشخشية عديييييل ديل دايرين يقتحوا ليك حساب فى بنك
 
ود صنترها ارسال صورة من البطاقة الشخصية من شروط التسجيل في سودانيز اون لاين..
العناكب غير مضرين...
المضرين هؤلاء الكيزان الكلاب..
 
التعديل الأخير:
ال
ود صنترها ارسال صورة من البطاقة الشخصية من شروط التسجيل في سودانيز اون لاين..
العناكب غير مضرين...
المضرين هؤلاء الكيزان الكلاب..
مشكلة انو ترسل ليهم صورة البطاقة وبرضو ما يقبلوك
كسرة
تقول مقدم الكلية الحربية
 
السلام عليكم و رحمة الله و بركاته
أخواني , اخواتي الاعزاء
السلام عليكم
المفترض البوست دا يكون بوست سلام للكل بما اني جديد في الراكوبة
لكن حيرتي اثناء تسجيلي في الموقع
خلتني ارتاب
ف قلت اجمعهم الاتنين سوا
يكون اول موضوع لي و سلام
ومنو نفهم القصه شنو
ف سلام من الله عليكم
اخوكم Dr.Pain
اتمني ان اكون اضافة و لو قليلة الي الراكوبة رداً لجميلها و جميل اعضائها بالاضافة الدائمة للسودان و السودانيين

اتمني تقبلوني اخاً بينكم

شكراً ليكم

الحاجه التانية
انا الحقيقة ممكن اكون في حياتي ما قريت Term و conditions حق منتدى خلال ال 10 او 15 سنة الفاتت
الشروط و القوانين حقت المواقع بقت زي تصريحات المسؤلين السودانيين


لكن اليوم لقيت لقيت نفسي مظطر اقرى صفحة الخدمة و القوانين خقت الراكوبة قبل ما اقول اني وافقت عليها
لانو استوقفني كمية البينات الشخصية الي بتطلبها الراكوبة عشان الزول يسجل
يعني اول حاجه الايميل مافيو اي اعتراض و بيكفي جدا للتسجيل في اغلب المنتديات
لكن
كمية البينات البيطلبها الموقع منك لمن تجي تسجل
و كلها تحت بند *مطلوب
يعني ما اختياري
يعني لو ما كتبت اسمك الحقيقي و اسم ابوك و سكنك و رقمين تلفون و الاقامة الحالية و شغال شنو
ما ممكن تجل ....!
انا ما اشكك ابداً في مصداقية اخوانا في الراكوبة و سياستهم
لكن كمية البينات الشخصية الي بيجمعها الموقع عن اي زول فيو
الصراحة مخيفة جدا
حقلين بس من الحقول المطلوبة دي الي هي رقم الجوال و الاسم الحقيقي ممكن يودوك في 60 دهية
كل المعلموات دي ممكن تستخدم ضدكم
ممكن تستخدم ضدك بطرق كثييرة شديد
و الاخوان الخبراء في مجال المعلوماتية و السايبر سيكيورتيي بيعرفو انا بقصد شنو
يا اخوان دي معلومات في اشد الاهمية و معلومات حساساة جدا زي شغلك وين و شغال شنو و ساكن و ين و التفاصيل الشخصية الدقيقة دي
ما بتطلب من الزول بالساهل
ف انا بنصح انك ما تكت تفاصيل كتيرة عن نفسك
و اعملو حسابك
و انا داير افهم ليه
كل المعلومات دي بتطلب
و لو انو مافي اي مببر ممكن يبرر لي شخصيا
لكن عشان على الاقل اعضائكم يعرفو يا اخوانا
و بكرر انا ما بشكك في مصداقية او نوايا صاحب او اصحاب الموقع
لكن وجب الاستفهام
شكراً ليكم
و بتمنى اكون عند حسن ظنكم

شكرا ليك د.pain هو فعلا نحنا همنا اننا نشارك باراءنا عبر منبر حر وهو الراكوبة لذلك لم نتوقع ان تستخدم هذه المعلومات ضدنا ونتمنى ان لا تتزعزع ثقتنا في اهل الراكوبة وتكون ظليلة ما رقراق
 
أعلى أسفل