التخلي عن الشعب ..مسلسل المعارضة والجماهير. | منتديات الراكوبة

التخلي عن الشعب ..مسلسل المعارضة والجماهير.

الموضوع في 'الحوار العام' بواسطة في الضواحي, بتاريخ ‏يوليو 19, 2016.

الوسوم: إضافة وسوم
  1. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    في كلما انتخابات (دبرتها حكومة الإنقاذ) تنسحب المعارضة كبيرها وصغيرها من جراء أسباب (منطقيا) مقنعه للمقاطعه إذا كنا في دولة غير السودان ومجتمع غير السودان ..المقاطعه في دولة ومجتمع غير السودان قد تؤتي أكلها وتمثل ورقة ضغط على الحكومة الناتجة من انتخابات (قاطعها المتنافسون) ..لكن في السودان لا يتورع الكيزان بالاحتفال بفوزهم في الانتخابات التي تجري ويقيم جودتها مراقبون دوليون ....لا يمكن إلقاء اللوم على الكيزان لأنهم بطريقة ما يحصلون على أصوات كثيرة كانت أو قليلة لن يؤثر ذلك فهم وحدهم ومن سابق وحده سبق ..الملام كله على المعارضة..ومن غير المعقول الا تدرك المعارضة ان المجتمع السوداني لاديموقراطي في الأساس ..أن وجد ديموقراطية مارسها وأن لم يجد صندوق الاقتراع أمامه لايطلبه حثيثا..ثانيا من حجج المقاطعه حدوث تزوير في الانتخابات رغم أن الانسحاب يتم قبل التزوير يعني وكأنهم يعلمون الغيب (مع أنه أصبح ماغيب شي معلوم حدوث تزوير في انتخابات السودان) لكن هذه الحجه وااااهية فالتزوير من طرف الخصوم لايخيف المنافس صاحب الثقل الجماهيري ..ولكن المعارضة كبيرها وصغيرها لادراكها أنها بوزن الريشة مجتمعيا ولابرنامج مقنع تقدمه سوى (الحرية) والحرية لا تمثل أولوية لدى مجتمع قبلي محافظ ..
    سبب آخر يمنع المعارضة من الانسحاب من خوض الاستحقاق الانتخابي (المزور والفاقد للشفافية) هو أحداث اختراق في الدولة فبعض الحضور خير من الغياب وياليتها تفهم المعارضة ان بعض الوجود خير من الغياب
     
  2. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    رد: التخلي عن الشعب ..مسلسل المعارضة والجماهير.

    تجارب المعارضة مع الجماهير ضعيفة للغاية ..فكل الدعوات التي قدمتها أحزاب المعارضة للجماهير للنزول للشارع باءت بالفشل وربما تشعر بالخجل حيال دعوات مماثلة في دول قريبة حيث تظاهر الملايين في مصر وامتلأت ميادين ..وأمثالهم في تونس قبلهم وآخرون في ليبيا و سوريا واليمن ..وليس السودان بأقل تعاسة من اليمنيين ولا أكثر رفاهية من السوريين والليبيين والمصريين .
    الشعوب دي مع الاعتذار مظاهراتهم مجرد قلت أدب فلا الليبيين ولا التوانسة ولا السوريين يحتاجون مظاهرات ولايعانون بطاله ولا يعانون اقتصاد ضعيف وعملة منهارة ولا تقسمت بلدانهم ولا رؤساءهم مطلوبون في الجنائية الدولية ولا عندهم فساد ولا المطر بكسر شوارعهم والمياه الاسنه معذباهم ولا الكهربا بتقطع عندهم (مجدولة) ولابستنوا في المواصلات يوميا ثلاثة ساعات ولااسطوانة الغاز عندهم سعرها مئة جنيه ولا الجو مسخن عندهم وأخلاقهم في نخترهم..طيب معارضة لا تستطيع رمي حجر في هذه البركه دا سببه شنو؟ الكلام دا مفروض تأخذه المعارضة كنقد ذاتي بدون زعل
     
  3. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    رد: التخلي عن الشعب ..مسلسل المعارضة والجماهير.

    وصل بي الاستيآس من المعارضة السودانية ان اعتقد أنهم لن يقيموا مظاهرة من خمسين ألف شخص ولو اجتمعوا لها ولو تموها موية .
     
  4. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    رد: التخلي عن الشعب ..مسلسل المعارضة والجماهير.

    بالمناسبة ..الكيزان الكوادر ألفي السودان أقل من 10000 ياهم نفس العدد الاعتقلهم اردوغان بعد محاولة الانقلاب الفاشله ..يعني المعارضة لو كان عندها ثقل شعبي اجتماعي عادي جدا تلقط الكيزان طماطم وتفجغهم في سجن كوبر ..لكن المعارضة عارفة مابتقدر تعمل كدا ولابتقدر تقوم مظاهرة أكثر من خمسة ألف نفر تستمر يومين .
     
  5. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    رد: التخلي عن الشعب ..مسلسل المعارضة والجماهير.

    أوثق حلقات تخلى المعارضة السودانية عن الشعب السوداني ..تأييد المعارضة للعقوبات المالية والتقنية الأمريكية المفروضة على السودان وتركيز المعارضة وتسليط كل سهامها على أن الكيزان (وهم أقلية لا تزيد عن بضعة آلاف )سبب فرض العقوبات ويتناسون تماما أن هذه العقوبات لايتضرر منها الكيزان بل يتضرر منها الشعب السوداني (ثلاثين مليونا) .وتستمر المعارضة في لعب دافوري سياسي لا يعجب الجماهير بل لايرقي لاعارتهم الانتباه ويستمر الشعب خلف قفة ملاحه وتستمر المعارضة في شليت الكورة في مرمى الحكومة وناسين انو الغلب مابوجع الحارس ..بوجع الجماهير
     
  6. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    رد: التخلي عن الشعب ..مسلسل المعارضة والجماهير.

    المعارضات في العالم بتشتغل ..بتعمل كيانات موازية تزعج الحكومات الدكتاتورية ...مناسبة الكيانات الموازية داخل الدولة ديل ناس على مستوى ..قضاة معلمين ضباط رتب عليا ومتوسطة معلمين شركات خاصة بنوك خاصة ..وزن كامل الدسم داخل الدولة من جهه بخدم الناس المواطنين لأنه المعلم بعلم المصرف فوقو حسابات مواطنين الطيارين بحموا (الدولة) المعلمين بعلموا الشركات الخاصة بتوظف ...دولة داخل دولة ..من الغباء تفويت فرصة المعارضة في دخول الدولة عبر (حوار الوثبة العايفنو دا ) من جهة تخدم الدولة والمواطنين وتوفر وظائف وقطاع خاص وتضع خططها للتنمية (باسمها طبعا . وزير معارض كويس ومحبوب مابحسبو على الكيزان طبعا بحسبوا على حزبو ...شركة خاصة عاملة توظيف عاملة نقلة نوعية في منتجاتها الناس ما بتحسبها على الكيزان طبعا بتحسبها على انتماء مديرها الحزبي شنو..والله الشركة دي كويسة كل سنة بتتوسع بتوفر مئة وظيفة ..وغيرها بدل الشركة ألف وكلها بتتوسع مقدراتها وكل سنة بتوظف خريجين ..دا بعييد عن الشغل السياسي والتمكين عبر السنين طبعا ...
    بقولو ابو قدح بعرف بعضي اخو وين ..انقلاب 89ماهو الاضر بالدولة لأ كان مجرد انقلاب على الحكومة..الضرر بالجد سياسة التمكين الصالح العام وغيرها ...الآن الوضع اختلف مفروض التمكين يبقا عكسي وما بالضرورة بين لية وضحاها أو سنة أو سنتين أو عشرة ...
    كلام جميل لكن البياخد بيهو منو ...لو سمعت مطالب المعارضة في مفاوضات خارطة الطريق لوضعت يدا على الأخرى من العجب ..ليس من ذكر اطلاقا للمواطن ولا هموم المواطن بل المكاسب السياسية تطغى وتريدها مكاسب سرييييعه وهذا غير واقعي
     
  7. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    رد: التخلي عن الشعب ..مسلسل المعارضة والجماهير.

    أنا لو من محل المعارضة بالذات الممانعه للحوار بفكر ..ياخ الناس ديل جارين وراي كدا لييه (واجاوب نفسي ) عشان يطيلو عمرهم وبقاءهم في السلطة ...بستنتج: طيب انا كمعارضة مانعت أو وافقت البحصل شنو ..بستنتج تاني : هو الناس ديل يعني ماطولو عشان يطولو تاني اكتر؟! بستنتج ثالث أنا كمعارضة استفيد من اللعبة البلعبوها الجماعه ديل كيف؟! طيب انا اوافق بشروط !
    أفكر: زي شنو الشروط دي
    أرتب: أولويات: وقف الحرب نهائيا في كل السودان (دا مكسب سياسي) اها وتاني؟ أزيد مكسب سياسي واللا شعبي أحسن ؟! أحسن شعبي طيب دايرين نسبة التعليم في الميزانية الجاية 20%..أو ..دايرين السنة الجاية ميزانية الصحة 20% ..ماعجبنا التعليم والصحه ..ممكن طيب الطرق الكملت الناس بالموت دي دايرين تتوفر ليها ميزانية كل الطرق القومية تبقا مسارين في شارعين ...ماعجبنا المطلب دا نشوف السكة الحديد
     
  8. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    رد: التخلي عن الشعب ..مسلسل المعارضة والجماهير.

    بماذا ساهمت المعارضة بكل كياناتها كهنوتييها/لبرالييها/متمرديها ..بما اسهموا في تثقيف الإنسان السوداني في غرس مفاهيم الديموقراطية في الذهنية العامة السودانيين ...طوال 28سنة من حكم انقلاب الإنقاذ بماذا تخاطب المعارضة الشعب السوداني ؟! تخاطبه بإسقاط النظام وهو همها الوحيد ..طيب عملتو شنو يخدم الناس يطمنهم إذا اسقطوا النظام بلقوا حكم رشيد وناس واعيين يحكموا السودان ويسلموهم أمور البلاد والعباد ؟!
    الليلة انت كلما تكلمني وتخاطبني تتحدث إلى في الجانب الذي يخصك في الاتفاق ..طيب والجانب البخصني انا الشعب حاتطرق ليهو متين يعني ليك 28سنة واسقاط النظام حلم يراودك ولايفارق لسانك ...داير تسقطوا بثورة شعبية ..اسم مركب من مقطعين ثورة/شعبية ..ما ممكن 28سنة تهضرب بالثورة وتخلي الشعبية منسية واذا بالغلط جبت طاري الشعبية فقط لتلفت الانتباه إلى المقطع الأول (ثورة) ...
    طيب والشعبية؟ معناتا انت داير تصل للسلطة والثروة فقط لأغير ..واذا مسكت حكم الدولة البتسويها أفظع من الكيزان أنفسهم ..
     
  9. ود الشريف

    ود الشريف :: كاتب نشـــط::

    إنضم إلينا في:
    ‏يونيو 23, 2012
    المشاركات:
    1,127
    الإعجابات المتلقاة:
    11
    نقاط الجائزة:
    38
    رد: التخلي عن الشعب ..مسلسل المعارضة والجماهير.

    الابن (من الضواحي ) يوم بعد يوم اصبح طرحك مفيد للمتلقي
    بعض الشي وبه كثير من الثقوب (المعرفية ) كونك من مواليد
    بعد الانقاذ بشهادتك سابقاً
    لن اطيل وارجوك واصل حتي تأتينا بالحل وكما قيل (الشباب)
    عماد المستقبل وانتم من نركن لهم في قيادة البلد حتي بأفكاركم
    هنا او هناك كنا في ما مضي من ذاك الزمان (نعارض) بالخروج او
    نمتطي الاركان لكي تصل الفكرة لعدد مقدر .وها انتم لكم منابركم
    علي الاسافير دونكم الحجر او البتر او الاسكات .
    وهكذا تفكرون (معارضة ) واحزاب انت ادري بالأحزاب التي حبلت وولدت
    في بيت (الانقاذ ) واجزم بأن الانقاذ هو من عاشرها بالحرام وتناسلت
    واليك مستولدات الاحزاب وبالحرام فلا تركن اليها ولا يركن اليها جل الشعب :
    حزب الميرغني
    حزب الدقير
    الوطني الإتحادي
    الاتحادي الموحد
    الحركة الاتحادية
    "الاتحاديين الاحرار"
    الحزب الديمقراطي الاصل
    حزب الامة القومي
    حزب الأمة الوطني
    حزب الامة القيادة الجماعية
    حزب الأمة للإصلاح والتنمية
    حزب الأمة للإصلاح والتجديد
    اكتب ثم اكتب لكي اعرف ما هو مستقبل ابني .
     
  10. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    رد: التخلي عن الشعب ..مسلسل المعارضة والجماهير.

    لك الشكر ودي شهادة أعتز بيها انو المتلقي يستفيد ..
    لكن بعضهم سيكرهك لانك تضطره لمراجعة قناعاته ..
    الجميع بحاجه للتفكير مرة واحدة على الأقل دوريا في مراجعة قناعاته عشان نبعد التطرف وما مكافحة التطرف إلا عنوااااان عرييييييض للحل.
    وما هو التطرف ..هو الولاء من أجل الانتماء دا تعريفي الخاص ولك ترفضه أو تأخذ به عزيزي القارئ..
    التعريف الفرعي للتطرف المعارض .هو المعارضة من أجل المعارضة وعكسه تعريف التطرف الموالي ..الموالاة من أجل الموالاة .

    كسر هذا الجليد بين الولاء والانتماء في داخل قناعاتنا الراسخه يخلق نوع من الإيجابية ...إيجابية معدومة في السودان ل28سنة ولا علم لي أن كانت قبلها حتي..
    المعارض يخاف ان لم يعارض وكان داخل منظومة الدولة ماذا سيفعل ؟ لقد خلق معارضا كالسمك في الماء هذه بيئته معارض لا يمكن أن يتحاور لا يمكن أن يدخل منظومة الدولة ..يضع الشروط التعجيزية ..ويرفضها الآخر لأنها ببساطة تعجيزية ليس لكي يحققها الآخر في الحكومة ..بل لكي يرفضها ويتنفس المعارض الصعداء داخل حوض الماء .
    والموالي يستمر في موالاته والمعارض في معارضته ...كالسمك في الماء ..فلا المعارض يجيد سوى ما يفعله ولا الموالي يجيد غير ما يفعله.
     
  11. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    رد: التخلي عن الشعب ..مسلسل المعارضة والجماهير.

    طبعا الإنقاذ لعبت في المعارضة لعب مدهش صراحة
    استيلاد كم هائل من أطفال انابيب الأحزاب المعارضة ...حقيقة الأحزاب تلد ولا تبيض ..وتلد ولادة طبيعية عبر ديموقراطية داخلية ومؤسسية حزبية متعارف عليها داخل الحزب..وكل فترة الحزب بيرجع كما ولدته امه بالذموقراطية طبعا ..
    لكن ديموقراطية ما في خصوبة ما في ..الأحزاب تشيخ..نقطة ضعف كهذه اذا ما استغلتها الإنقاذ تبقا مغفلة ..والنتيجة أطفال انابيب خدج وولادة قصيرية كمان ..شفت التعب دا كيف؟
    السؤال المنطقي دي معارضة بتمسك دولة ؟
     
  12. ود الشريف

    ود الشريف :: كاتب نشـــط::

    إنضم إلينا في:
    ‏يونيو 23, 2012
    المشاركات:
    1,127
    الإعجابات المتلقاة:
    11
    نقاط الجائزة:
    38
    رد: التخلي عن الشعب ..مسلسل المعارضة والجماهير.

    يا ابني مش عشان قلت ليك المتلقي يستفيد تقوم تتبظ العين الكويسة فيك
    اولاً لا انت ولا انا بقادر حجر الآخر عن ما اقتنع به حتي لو كان قانع (بالانقاذ )
    وليه انت عايز تشوه (المعارضة) وقلنا ليك معارضة (احزاب ) دي ما بتهم
    الشعب العريض وليه انت عايز تخير الشعب يا الاحزاب يا الانقاذ الشارع
    ما عندو رأي ولا شنو ! بعيدن الولاء والانتماء دي مفصلة لجسم الانقاذ(فقط)
    امسح المعلومة دي لأنها قديمة من زمن حسن البنا وكده بيزعلوا منك (الاخوان)
    والدليل يا ابني مستولدات الاحزاب النزلتها ليك دي
    وللمرة الاخيرة لو عايز اقرانك يستفيدو من طرحك سيب الوصايا وخليك محايد
    وما تخير الناس ما بين اثنين . ولو عايز تجمَل الانقاذ بتشويه المعاعرضة المتلقي
    حيضحك عليك وخاصتاً الانقازيين .

     
  13. ود الشريف

    ود الشريف :: كاتب نشـــط::

    إنضم إلينا في:
    ‏يونيو 23, 2012
    المشاركات:
    1,127
    الإعجابات المتلقاة:
    11
    نقاط الجائزة:
    38
    رد: التخلي عن الشعب ..مسلسل المعارضة والجماهير.

    نسيت ارد علي العنوان (التخلي عن الشعب ..مسلسل المعارضة والجماهير.)
    العنوان رائع جداً ويمثل حالة (الشعب الان )
    التخلي عن الشعب .. مسلسل حكومة الانقاذ )
    التعليم
    الصحة
    الامن
    الخدمة العامة
    وعيييييييييييييييييك
    يا ابني كلها مقدر عليها بالعون الذاتي إلا (الامن )وهذا ما يضغط عليها الانقاذيون
    وقيل :من يعش في خوف لن يكون حراً أبدا ( هوراس )​
     
  14. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    رد: التخلي عن الشعب ..مسلسل المعارضة والجماهير.

    بالنسبة للمعلومة الابت تلقا محل في خاطرك من القائل (خذ الحكمة من أفواه المجانين) الحكمة حتى من الإخوان تؤخذ وقد تغير قناعاتنا ..والاجبار ليس بالقوة ..بل بالمنطق
    ....ليس النقد تشويها المعارضة لم تجد حظها من النقد ...نقد الحكومة مستمر منذ الانقلاب ولازال ..ولا أثر بشي ..عندما تنتقد تريد لفت انتباه ولايحصل ذلك اللفت.تتحول خياراتك إلى مناهضة وليس نقد فقط ...المناهضة خيار جميل جدا في نوعيته وليس في كميته ....زيادة المناهضة تتحول إلى تمرد مسلح ...المناهضة الشعبية بأي وسيلة سلمية كانت سياسية ثورية سلمية تحتاج سند شعبي ..من هنا ينطلق النقد للمعارضة .
    اصلا نقد الحكومة جلدها تخين لو كان بتتحسن كان تحسنت في 28سنة الماضية من عمرها ..
     
  15. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    رد: التخلي عن الشعب ..مسلسل المعارضة والجماهير.

    في خبر غريب مصور ..شاهدت على قنوات التلفزة الإخبارية مظاهرات قدر تعداد من شارك فيها عشرات الآلاف ..وكانت أحزاب معارضة في تركيا قد دعت لهذه التظاهرات رفضا للانقلاب
    ...
    بعد وديت وجبت ورفعت وختيت وضربت وجمعت ..وصلت لمقارنه اسميتها (التساوي في المساوي) الجانب الايمن. من معادلة التساوي تركي والجانب الأيسر هو السودان ..
    لا معايير مقيدة لهذة المعادلة لكنها افتراضية تقبل 1+1=3
    وقد تم الأخذ بآخر تحديث مؤثر لكل طرف.
    الإخوان=الكيزان
    المعارضة=المعارضة
    الانقلاب=العقوبات الاقتصادية .
    واذا حولت المعادلة اللفظية إلى رمزية (حسب قراءتي ورأي الشخصي تصبح كالتالى
    +=_
    +=_
    _=_
    .
    ولكم ان تفكروا فيها براحتكم ..وتقرؤا ماذا تعني علامة =في كل مرة وربط ذلك بالأحداث كل مرة.
     
  16. عادل البراري

    عادل البراري :: مُـشــــــرِف ::

    إنضم إلينا في:
    ‏فبراير 5, 2011
    المشاركات:
    6,512
    الإعجابات المتلقاة:
    1
    نقاط الجائزة:
    38
    رد: التخلي عن الشعب ..مسلسل المعارضة والجماهير.

    وماذا بعد العقوبات ما تذوب ما هو الطرح ما هو الجديد لماذا تبشر ؟
    نترك العقوبات جانباً بعيد جداً
    كم من المليارات التى دخلت السودان في ظل هذا النظام كان من صندوق التنمية العربية كويتي او الي الآخر القائمة او من بنوك وبيوتات المال الصينية ماذا عملت وقدمت الحكومة من كل هذه الأموال ؟
    لا شي ابداً غير انتعشت عصرات الفساد داخل أمعاء النظام
    نقول الولايات والغرب دق صدرهم قالوا بلاش عقوبات . ايه نحن سوف مدني من خلف نظام يشتهي ويدمن الفساد والقهر؟
     
  17. عادل البراري

    عادل البراري :: مُـشــــــرِف ::

    إنضم إلينا في:
    ‏فبراير 5, 2011
    المشاركات:
    6,512
    الإعجابات المتلقاة:
    1
    نقاط الجائزة:
    38
    رد: التخلي عن الشعب ..مسلسل المعارضة والجماهير.

    سؤال:-
    هل انت مع حقن إنعاش وريد النظام ؟
     
  18. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    رد: التخلي عن الشعب ..مسلسل المعارضة والجماهير.

    أنا مع ما يحصل الآن في كواليس الحوار والمرونه التي ابدتها بعض الأحزاب الممانعه في دخول طاولة السلام ..وكلي امل ان كل الأحزاب الممانعه تدخل الحوار ثم تسلك واحد من مسارين (الدخول في الحكومة في مواقع تكسر الفساد زي وزارة المالية وديوان المراقب العام وبعضها تمسك مواقع خدمية اجتماعية ..) المسار الثاني بقاءها تحت بند المعارضة _بعد ما تشارك في وضع دستور البلاد الدائم_ ....
    أما في موضوع العقوبات فهي مرفوعه لا محاله والمحك هو أن ترفع في غياب حلقات تكسر حدة الفساد بوجود عدة أحزاب متنافسه داخل المنظومة المالية وفي مفاصل أخرى من مسار وصول الأموال إلى مستحقيها خدماتا وبناء وعمران ...أم ترفع في ظل هذا الوضع ..صراحة انا لو حاكم برااي ما في زول معي بقول فه بسرق والله اسرق سرقة المال سايب ماليهو حسيب ..أنا مع الحكومة المتكونة بعد الحوار .. وكسر حلقات الفساد ومراقبتها من الداخل.
     
  19. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    رد: التخلي عن الشعب ..مسلسل المعارضة والجماهير.

    هل انت مع اغراق السنبك بنظامه ومواطنيه؟!
    وريد شنو البتنعشو رفع العقوبات ..الناس ديل بغيرو دم خارج نظام المصارف المعاقبة دي ...العقوبات الاقتصادية دي ما أضرت إلا بالشعب السوداني ..واذا،كان رفعها ينعش وريد ستة سبعه ألف ..أنا بنظر لشرايين 38مليون ..مافي دولة معاقبة حكومتها بتضرر...للأسف للتو حكومتنا ما متضررة مايهمها بالمناسبة رفع العقوبات واللا بقاءها وإلا كان فلقت روسينا بكلامها عن العقوبات و و العقوبات و و العقوبات.
     

مشاركة هذه الصفحة