التجاني حاج موسي «القمر صاحي»

Nabil :: nabsho

:: الإدارة ::
القمر صاحى



و سهرت مع القمر..

كان سهره صباحى..

أشكيلو حالى البى..

كان القمر صاحى..

أصلو القمر يا ناس..

فى ضلمة الدنيا..

ببقى لى مصباحى..

و يمر شعاع من ضى..

فى داخلى جوّه شوي

و يفضح غرامى البى..

لزول قريب منى..

و استعصى وصلو على..

و افضل أعيد و احكى..

من تانى أشجانى..

و ارسم حبيب الروح..

لوحات بألوانى..

سحر الشروق منو..

و ساعة يكلمنى..

اطفالنا يبغنو..

و كل الجمال مأخوذ..

يا أخوانا من دنّو..

سحر الموسيقى كمان..

مقطوعة من فنو..

و يحكى القمر و يقول..

كل البقولو صحيح..

اصلو القمر بيزور..

زولى الرقيق و مليح..


و السهرة صباحى..

و كان القمر صاحى..

من شدة الأشواق..

بتخيلك جنبى..

و أتنفسك افراح..

و تهون على جراح..

وعد البشارة يلوح..

و لمن يجى الميعاد..

يا روحى تحكى تبوح..

و تهمس صباباتك..

و انا احكى اشجانى..

و حرقة عذاباتك..

و لمن افارقك افوت..

كل يوم بعيشو بموت..

انا حاجة من ذاتك..

و انا قبل ما اعرفك..

قبل القدر يبسم..

و يجيبنى فى دربك..

معدومة ايامى..

منسية احلامى..

خبينى فى قلبك..

دوبنى..و اعصرنى..

و اسقينى بس حبك..

شان يعْمر الاحساس

يحميك و يحمينى..

من حرقة الانفاس..

من كل عيون الناس..

يا ضحكة الدنيا..

يا رقة يا احساس..
وعد البشارة يهل..

و يجمعنا عش هانى..

تعريشة من الفل..

يا البحلى بيك الضل..

كلما الليالى تمر..

يا مكمن افراحى..

انا شوقى جد فاض بى..

و سهرنى صباحى..

وكان القمر صاحى..
 
أعلى أسفل