اديك الزيت | منتديات الراكوبة

اديك الزيت

الموضوع في 'الشعر' بواسطة صقر قريش, بتاريخ ‏أبريل 27, 2016.

الوسوم: إضافة وسوم
  1. صقر قريش

    صقر قريش :: كاتب نشـط::

    إنضم إلينا في:
    ‏فبراير 11, 2012
    المشاركات:
    73
    الإعجابات المتلقاة:
    0
    نقاط الجائزة:
    6
    اديك الزيت
    عدمان البيت
    قاتلو الجوع مالاقى يبيت
    شنو الخلاهو يبيع البيت؟
    اديك الزيت
    حكومه لئيمه
    ترفع بس وتزيد فى القيمه
    حاله عقيمه
    شعب هزيل والبنيه سقيمه
    باعو جزيره ومشروع فيها
    هو أساسا وهو صميما
    واتشرد كل البعمل فيهو
    وصبح العامل ماذوقيمه
    اديك الزيت؟
    فى دارفور بس تلقى النار
    مانار قرآن ولاعشان يأكل
    نار فيها دمار
    وطفل بيصرخ داير يعرف ايه الصار
    داير يكون انسان متعلم
    كيف حايكون والدم انهار
    داير تحكم ايه المانعك
    أحكم واعدل ليل ونهار
    وراعى حقوق الناس الأضعف
    ولى إلفى الحله بختو حجار
    اديك الزيت
    بالشيكات خربتو بيوتنا
    نسجنا خيوط أحلام منسجمه
    وللامال جهزنا شروطنا
    اديتنا وريقه مشخبط فيها
    تأكل وتلبس ساااااى فى قروشنا
    فقد الناس إحساس الخير
    وفى رمضان كان تلقى بروشنا
    ناكل ونضحك زى الإخوان
    وبالخيرات مليانه كروشنا
    اصلو الخير راضعنو رضاعه
    وبالشجعان مليانه صفوفنا
    كنا بنطلع بالصينيه
    عشان نتقاسم فيها بليله
    وعشان المارى يضوق من زادنا
    وعشان الجار الحيلتو قليله
    عادات سمحه وعادات حلوه
    مابتهتم ابدا لقبيله
    ولما نسوى الشينه بننضم
    انو الحاصل عاده دخيله
    جبنا الدش ولبسنا الموضه
    مكان الكورنك بنينا الاوضه
    وبنينا الشر فى مكان الخير
    هاجر سابنا كمان الطير
    هاجر خايف من البحصل
    ومن المكن الفاقد سير
    سير سير يابشير نحنا جنودك للتعمير
    شعار ذو معنى للانسان البفهم
    وبحسن فى التفكير
    شعب بيخرج فى أنفاسه
    بس قولى وين التدمير
    جنوب مقطوع من اوصالك
    بس قولى وين التدمير
    بتلقى السيل يعانق الجوع
    كان والتعمير
    يهدم فى بيوت الناس
    يقول لى للناس شوفو التهجير
    قبلكم ياما سووها
    وجاى الدور على التطهير
    بترضو الكل إلا الشعب
    وكله موثق بالتصوير
    لاكاميرات العملاء الزايفه
    كاميرا الشعب العنده ضمير
    انا بتكلم وهو بيصرخ
    وصبح الوضع الليله خطير
    اديك الزيت
    (يتبع )
     
    آخر تعديل: ‏أبريل 27, 2016

مشاركة هذه الصفحة