إنتصار محمد الحاج «يا زول امش»

عزيزوغالي

:: كاتب نشـــط::
يا زول امش

قلقان ولا بتنوم
ميرود بتتوجع
بتقلب الاوراق
لا بتقرا لا بتجمع
شايل كتب اشعار
دون حس ولا بتسمع
جيعان مع الاصحاب
تاكل ولا تشبع
عطشان وكايس الرى
تنضح ولا فى نفع
متل الكلام النى
ال للجمار برجع
ياخ لا يهمك شى
ولى ولا ترجع
لا مالك المركب
لا سيد المشرع
متلك ومتل الناس
تركب بعد تدفع
يازول امش للكى
اصلك بتتوجع
محروق اكان ظليت
تب ماأ نحرقت طمع
الاك متل غيرك
لا مال ولا افرع
حال ام بنايتا قش
غربة وهموم وقنع
جرب واتغرب
الغربة فيها نفع
ان جيتنا متل الضى
العم عيوننا قشع
الضلمة من العين
وبعد عمانا رجع
الشوف
وطار
الخوف
والجوف
برد
وشفع
يازول امش .....
جرب
خلينا نسسى ال...أح
ويهل علينا صباح
متل العباد نرتاح
ونقول حكاية زمان
عشناها خوف ونواح
كانت جوانا جراح
درويشنا كان انسان
رقع حياتو ظروف
فقرو وصبح ملهوف
خطواتو خوف فى خوف
ضايع ومحروق جوف
حادينا هوالعنوان
كان دمعنا الموضوع
والسجن والسجان
يوم ما عرفنا امان
وين الامان لى زول
لاعود ولافنان
لاقبة ولا ليحان
لايم ولاقبطان
زول سبحتو النسيان
اه لو نسينا الأ آآآآآآآآآآآآآآآآآآآح​
 
أعلى أسفل