عزيزوغالي
:: كاتب نشـــط::
وين الولاد فاتوا
************
يا آفة الغربة
يبقى السؤال زاتو
مطروح ومنتظرين
دآيما اجاباتو
ليه الولاد فاتوا
ووين الولاد فاتوا
في الغربة يتجرع
مروا وآهاتوا
وينقل محاسنوا
هناك يودى خبراتو
عمر ديار الناس
وبناها نهضاتو
وليهو البلد محتاج
مزدادة حاجاتو
***
كم كان بلدنا
حزين لما الولاد
فاتوا وجع الفراق أبكى
الليل ونجماتو
والقمرة ما طلعت
ضوت ظلآماتو
وغلب الفجر يشرق
ينشر صباحاتو
ويلقى الشباب مافى
ويسألنا متحير
وين الولاد فاتوا
ليه الولاد فاتوا
حنى النخيل ميل
وسألتنا سعفاتو
والقمري ماغرد
ضاعن غنيواتو
حتى التراب حسه
سألتنا رملآتو
وين الولآد فاتوا
ويوم الخريف جانا
ماشفنا خيراتو
غلب المطر ينزل
شردن غماماتو
وكل البلد حزنان
ضيعتوا بسماتو...
لمتين بترجعو ليهو
تقشوا دمعاتو
وسؤال دوام مطروح
وين الولاد فاتوا
ليه الولاد فاتو ا