إقبال سليمان عكود «ملاذ الروح»

عزيزوغالي

:: كاتب نشـــط::
#1

ملاذ الروح
********


عوافي .. عوافي
يا بلدي
عظيمة وألف لبيك
ومهما تعلا دار(ن)
فوق سماء الله
أبداً ما بتساويك
عزيز كم غالي يا وطني
وفي أعماقي خاتيك
وأهلاً يا ملاذ الروح
عظيمة وألف لبيك..
منو المنك مرق
قادر يجافيك
ومنو العندو الحنان
قادر يجاريك
كثير خيرك علينا
وما بنجازيك
تعيش جوه العيون
نحن بنخليك
متين يا غالي
يوم نرجع نعودليك
حليلك يا غريب
زادت مآسيك
منو الفي الغربة
عاد يمسك أياديك
حليل بلداً
وقت تعطش
نعيماً فيها يرويك
ولو في يوم فقد الدار
ظل شجراتها يأويك
ولو حرت سمومها
عليك بي نسمة بتغطيك
ولو حسيت بي ألماً
كثير فيها البحس بيك
ولو احتجت لى ساعد
سواعد(ن) قادرة بتجيك
وبالدرب الصحيح
تهديك توديك
تنسيك الهموم
تدي الأمل ليك
عزيز كم غالي يا بلدي
عوافي وألف لبيك....
 
أعلى أسفل