إسلام النحاس ديوان حالة حب «شمس الحرية»

عزيزوغالي

:: كاتب نشـــط::
شمس الحرية حتشرق
ويفوت الليل الطول
وننادي بعلو الصوت
ياباكر وعدا اجمل
يا وطنا فينا اتوسم
جوة الوجدان اتحكر
شمسك تشرق من تاني
وتزيلها كآبة المنظر
لا خوف لا سكوت لا عسكر
يا وطن العز يا مهابة
يا حضناً لينا يدفي
يا صوت الحق الطالع
في وجه الخوف المنفي
من باكر صوتك يعلا
ويزيل لغليلنا ويشفي
نقسم بترابك ونيلك
وشعباً بكرامة اتربّى
باقين على عهدنا ابدا
لو كان مصيرنا الغربة
نمشي نمد في نضالنا
لا نقيف ابدا لا نحيد
نبنيه مجدك من تاني
ايد فوق ايد فوق ايد
خليك مرفوع الهامة
خليك في دربك ساير
ما تخافها كلاب السكة
ما تخافو الظلم الجاير
لابد توصل في معادك
والحق منصور في الآخر
 
أعلى أسفل