إبراهيم عوض «كلمات الأغاني»

Nabil :: nabsho

:: الإدارة ::
ابراهيم عوض "كلمات أغنية لو بعدى بيرضيه"

لو بعدى بيرضيه وشقاى بهنيه

ك/ الطاهر ابراهيم غ/ ابراهيم عوض

لو بـعــدي بـيــرضـيــــه وشـقـــــاى بهنيه
اصـبــر خـلــيـــه الأيــــام بـــتــــــــــوريه
يا قـلــبــى خــلــيـنى كـل لـحـظــة مبكينى
مالــو قـصــدك تـتـعــذب وبـعـذابك تفنينى
زاد حـبـــك نـســـاه اشــواقـــى وحـنـيــني
عـشـــرتــنـــا الـطــويــلـه وخوتنا يا حليله
أمــالـــنــــا واحــلامـــنــا اتناساهم فى ليلة
كـيــف اقـبــل عـواطـفــك والـعــازل دليله
حــاول مــن مــره واكـتر من مره يرمينى
بالـنــظـــرات الجـارحـه وبالهجر البكوينى
امـــشــي وأســـأل عـنـه يـتـحاشى يلاقينى
يا ظـالــم يــا جــائــر لـو تـدرى الحـقـيـقـة
الــوان مــن عـــذابــك مــا بــقــدر بـطـيقه
زيدنى عذاب وانساك أنا لو عارف طريقة.
 
المصير
ليه بنهرب من مصيرنا ونقضى ايامنا فى عذاب

ليه تقول لى انتهينا ونحن فى عز الشباب

***

نحن فى الأيام بقينا قصة ما بتعرف نهاية

ابتدت ريده ومحبه واصبحت فى ذاتها غاية

كنت تمنحنى السعادة ولى تتفجر عطايا

ولما أغرق فى دموعى تبكى من قلبك معايا

***

كنا فى ماضينا قوة قوة تتحدى الصعاب

نقطع الليل المخيم ونمشى فى القفر اليباب

كنا للناس رمز طيبة وكنا عنوان للشباب

وهسى تائهين لينا مدة نجرى من خلف السراب

***

تأنى ما تقول إنتهينا تنهى جيل ينظر الينا

بانى أماله وطموحه ومعتمد أبداً علينا

نحن قلب الدنيا ديه ونحن عز الدنيا بينا

تانى ما تقول إنتهينا نحن يا دوب إبتدينا
 
اه يا ناري




اه يا ناري يا ناري انا يا ناري
السافر خلاني يا ربي يعود تاني
يا ناري الحب اعياني ما عارف مين الجاني
هيج فكري ووجداني ومحبوبي الراح خلاني
في الامي وحزاني
ده حبيبي ما جاني سافر مني وخلاني
امر الحب يا خلاني كم اضحكني وابكاني
لو ما الحب شيء رباني انا كيف اهواه وينساني
مالك روحي وافكاري
 
كلمات الشاعر المصري الكبير فتحي قورة ولحنها برعي محمد دفع الله وتغنى بها ابراهيم عوض في فيلم(اسماعيل ياسين طرزان) سنة 1954

اظهر وبان
اظهر وبان عليك الامان يااللي واحشنا من زمان
عايزين نشوفك مشتاقين
ارحم قلوب العاشقين
وللنهار مستنظرين
وامتى حيؤن الاوان
الشمس تطلع في الميعاد
والبدر ياما غاب وعاد
وانت اللي طولت البعاد
واحشنا خالص من زمان
 
كلمات الشاعر سيف الدين الدسوقي والحان برعي محمد دفع الله سجلها ابراهيم عوض للاذاعة عام 1955

ابراهيم عوض"وطني السودان"
وطني السودان
احب مكان وطني السودان
لان حسانو اعف حسان
وطيرو صوادح وروضو جنان
الانسام بالطيب تخشاه
والاقمار حفت بسماه
الازهار تبسم في رباه
فيها رقة وفيها حنان
فيهو النيل النيل الخالد
فيهو الخال والعم والوالد
فيهو تراث من طارف وتالد
والخيرات اشكال والوان
السودان اشراقة جديدة
في افريقيا وبسمة سعيدة
فيهو عروبة وجوها عديدة
من اداب وفنون وبيان
لينا الغد الزاهي المبهر
لي افريقيا ونورا الاخضر
للسودان وشبابو الاسمر
للاحرار في كل مكان
 
كلمات والحان الاستاذ الطاهر ابراهيم

ابراهيم عوض"ملاذ افكارنا"
ملاذ افكارنا
يا ملاذ افكارنا الهيمانة
شوفي وين تيارك ودانا
نشتاق ليك وانتي معانا يا ملاذ افكارنا
باقات تتمازج الوانا
وحروف بتغازل اوزانا
لويبقى ضراكم مأوانا
تسعد دنيانا واخرانا
نشتاق ليك وانتي معانا يا ملاذ افكارنا
رؤياكي اعز مكاسبنا يانغم
يشجينا ويطربنا
في عيونك سحر بيجذبنا
لو عذاب دايرنو يعذبنا
نشتاق ليك وانتي معانا يا ملاذ افكارنا
يا ماضي الشوق ليك ناداني
يا ذكرى حبيبة على لساني
وخلتني عليك عبر الايام
لهفانة مشاعري واحضاني
نشتاق ليك وانتي معانا يا ملاذ افكارنا
 
كلمات الشاعر الكبير السر دوليب

ابراهيم عوض"عني مين"
عني مين قلي حاجبك
يا السهاد عيني عاجبك
يا حليل ايام لقانا
في القمر والليل حوانا
لارقيب لا عزول سوانا
في عيوني وقلبي حاجبك
ليلي طال ما شفتك فجرو
عمري ولى وجفا زهرو
اديني قلبي وفيك اسرو
بالهوى والريدة طالبك
الليلة الليلة شوفتك مستحيلة
انا عهدي باقي وعهدي غالي
وانتي كيف تنسي الليالي
يا هوايا وروح خيالي
عني مين قلي باعدك
عش هوانا ليكي حنا
والوجود بغرامنا غنا
انا لو شكيت لو عقلي جنا
ليه يا طبي شفايا غالبك
الليلة الليلة شوفتك مستحيلة
 
كلمات والحان الطاهر ابراهيم


فارقيه دربي
انسيهو حبي
اخليهو قلبي
حبك امجد فيهو بلحني وفني
حبك جاري في دمي يتخللني
حبك اصرح بيهو لما اغني
حبك فسرتيهو بعدك عني
عهدك كنت بصونو بكل امانة
ريدتك تفني حياتي واقول علشانا
ولولا حساب اخلاصي وجدتو اهانة
كنت اجود بالروح لو عز مكانا
بتجري الايام زي ما بتجري دموعي
بتجري تمر وتسيب الهم في ضلوعي
لاتسالي ولا يوم تتمني رجوعي
مع شمعك في النور وانا حالكة شموعي
 
ابراهيم عوض"مهما تغيب"


كلمات والحان الطاهر ابراهيم


مهما تغيب عني يا الحبيب
قربك لي هنا وفرقك لي صعيب

صابر اداري هواك لس الامل سلواي
حبي الشريف ليك وعمرك ما عرفت هواي

ذكرتك تحوم في الخيال كل يوم
اذكر البعاد كتر الهموم

انا برضي بستناك مهما البعاد طول
اصلو البيحب لا يمكن ينسى الهوى الاول

اسمر جميل سادة في خدو حورية
ساكن قريب داري والسكنة اهلية

قلبي السعيد بيك ساهر لياليك
حطمتو كيف قلي يا قاسي هان ليك
 
ابراهيم عوض " الدنيا مني وأحلام "

الدنيا منى وأحلام

ليالي لقانا جميلة كانت كانت يا سلام
أفراح وسمر وأغاني والدنيا منى وأحلام

دنيا الأحلام الهائمة في بحر الريد
وليالي الأنس الحالمة كليالي العيد
حبيت وأنا طبعا حبي في نوعو فريد
حاول تسعد في حبك مهما إزددت هيام
وأحزر ما تسلم قلبك لتصاريف الأيام

والدنيا منى وأحلام يا سلام

الحب موجود في الدنيا من ماضي دهور
لليل تشتاق الأنجم والظلمة تحب النور
في الروض كم ساجعة جميلة تغرد للعصفور
وكل أغرودة لطيفة لبنات الأيك كلام
وكل أنشودة خفيفة فرحة وشفاء للآلام
 
ابراهيم عوض " متين يا ربي تلمنا "


متين يا ربي تاني تلمنا
قريب يا ربي إن شاء الله تلمنا
***
متين يا ربي لي حبيبي يعود
أقيم ليالي بالكمان والعود
أغني ليهو الرائع المنشود
وأشوف في خدودو نضرة الورود
***
متين يا مسافر عودة لي أم درمان
كتير لو لحظة تغيب عن الأوطان
تعود وأقابلك مبتسم فرحان
كأنك زهرة ندية في بستان
***
متين يا ربي أيام الفراق
تفوت ولقانا يكون هنا وأشواق
ما كان بيدي أكون وحيد مشتاق
لكن يا سيدي الزمان فراق
***
متين يا ربي تاني تلمنا
قريب يا ربي إن شاء الله تلمنا
 
ابراهيم عوض " يا غائب عن عيني "


يا غائب عن عيني مع أنك في قلبي
أيه حاصل بينك بين حسنك وبين قلبي
مهما الأيام طالت اذكرني وصون عهدي
أذكر حبي الصافي وأذكر أيام ودي
أيام ما كان منظور يوم تختار بعدي
أيه الأسباب مالك مالك مالك متباعد عن قربي
يا حبيبي تعال مرة انا مغرم بيك هايم
سهران والكون كلوا في صدر الليل نايم
مابين محتال واشى وعازل فى الحب لايم
حسدوني الناس وظلموني انا مخلص يا ربي
يا حبيبي ليه انت دائماً علي جائر
دائما مخليني بين الأنام حائر
الدنيا فرحانة والكون جميل نائر
وانا بالجمال مالي معذب يا ربي
يا غائب عن عيني مع أنك في قلبي
 
كلمات والحان عبدالرحمن الريح

ابراهيم عوض"الم الفراق"


انا احكي الم الفراق
واشكي لي مين انا احكي

وين يا حبيب الروح لقاك
ايام اكون دايما معاك
احب كتير لكن اراك
انت الملكة الروح براك

كانت دموع عيني تسيل
كلما اشوف وجهو الجميل
بين الزهور وعلى النخيل
بكت الطير يوم الرحيل

انا يا حبيب لي فيك غرام
انت المنى وانت المرام
مهما تزيد الروح ضرام
ليك الوقار والاحترام

يا روحي ما هذا الصدود
وانا دمعي جاري على الخدود
لو كان قليل خليك ودود
فرط الدلال فات الحدود

انا يا جميل عاشق اسير
اعتز بيك واهواك كتير
لو قلت لي غيرك سمير
مولانا عارف الفي الضمير

انا يا ملاك الروح محال
انساك ولو هجرانا طال
لو ابعدك عني الدلال
لابد من يوم الوصال
 
ابراهيم عوض "كلمات أغنية لو داير تسيبنا"


لو داير تسيبنا جرب وانت سيبنا
لو داير تحب حب وانساه ريدنا
يوم ترجع تصافى نسامحك يا حبيبنا

** **** **
يا عايش فى دنيا من اوهام خيالك
يا تاعب ضميرك وما رتيان لحالك
روق ..وهدى بالك وما تودر شبابك
رفقا بقلوبنا
ورفقا بحياتك

** *** **
لو حنيت لقربى او جافيت مذاهب
لو فارقت دربى
هواك فى دماى جارى
يكبر ويبقي قصه.. ارويها لصغارى
نعيش ونموت عليها
ويقولو غرام مثالى

** *** **
انت غرامى عارفه
غرام محراب وراهب
غرامى اخترته مذهب من اسمى المذاهب
ينور لى طريقى .. ويفتح لى مواهب
اشوف املى فى جزيرة
وحبك لى قارب
 
كلمات والحان الطاهر ابراهيم


ابراهيم عوض"غصبا عني"



غصبا" عني
استحمالك غصبا" عني
لو كنت بحاسبك على اعمالك
ما كنت الليلة تزعل مني


افتش في الايام العمري طواها
لحظة سعيدة مع ايامك وين القاها
لا تسألي عن عيوني ولا عن بكاها
ولا عن احزاني والاوهام البتمناها
لو امشي للسعادة واترجاها
القاها تهرب مني
غصبا" عني


تتغابي العرفة البينا
ونحن العرفة البينا قديمة
ليه يا شريكة روحي
تبيعي حياتي بأرخص قيمة
لو اقبل ابدي حب بصداقة حميمة
صديقة ما بتقبلني
غصبا" عني


اقاوم احساس انا لو حبك اقدر اسيبو
وارجع اقول للناس بدون ما اشعر اسمك اجيبو
ايه من غير حبك لي ولا عيبو
الخلاني اغني
غصبا" عني
 
إبراهيم عوض "نفسك ابية"

نفسك ابية وروحك خفيفة وليك جازبية
ليك جازبية وروح من رقة النسام
ماخوزة من انفاس السوسن البسام
سمعت بى اشواقى من عالم الاجسام
للعالم الروحى
حيث الجمال يوحى
روائع الالهام
ياكوكبى السارى
نورك يزيد نارى
انا الذى اهديتك كل اشعارى
وسبحت بى معانى جمالك اوتارى
وهبت ليك باقات من روضة اشعارى
تعال نهار وليل شوف العلى جارى
او اسال النجم حولك عن اخبارى
 
ابراهيم عوض " أغنية مين قساك"

كلمات محجوب سراج


مـيـن قـســاك مـيـن قـسـى قلبك آيه نساك يا ناسى حبك
عـشــتا سـنـيــن وسـنـين طويله فى الحرمان أنا كل ليله
الآلآم ابـكـت عـيــونى والآهــات واصـــوات شـجــونى
شوف عـيــنـى كــم ألـمــونى عـشانك انت يا ناسى حبك

دون النــاس يــا دنـيــا مـالى طال صبري وزاد انشغالى
مـال قـلــبى لـلــقـلـبـو خــالى ميـن قساك ونسيت يا سالى
يا مـحـيــرنى يـا حــلــيــل ليــالى عاشو هناه قلبى وقلبك

هل رضيك سهدى وعذابى كيف يرضيك حرمان شبابى
حبى اليـــك ابـكـى الـنــدامــه وحـبــك لى عـمره ابتسامه
مـضــت أيــامى حسـرة وندامه والأحـلام يا حبيبى قربك

يشهد لى اللــيـل وصــمـتــه ضـقـت الـويـل والهم عرفته
كاس وراء كاس المر شربته أدارى عـذاب قلبى الحرمته
ميـن قـسـاك وآيـه الكــسـبـتـه بتكوي عيونى عاشت تحبه
ميــن قـسـاك ميـن قـســى قـلـبـك آيه نساك يا ناسى حبك .
 
ابراهيم عوض"في لمحة"
كلمات مصطفى عبدالرحيم



في لمحة كان
في غفلة من عين الزمان
ذابت حدود اللحظة
واتلاشى الوجود تاه المكان

احتار معاي حتى الكلام
في خاطري واندهش الحرف
في لمحة بي فرحة غريب عاد للولف
لاقيتو بي لهفة قليب يا دوب عرف
معنى الامل طعم الامان
يا دوبو ضاق لمسة حنان
في لمحة كان والجوة في اعماقي بان


في لمحة زي رجع الصدى
سمعت من قلبو الندى
وعرفت مشاعري مشاعرو
في دنيا الغرام قبل الكلام
قلبي استجاب لي نداهو
راح في كفو نام
اتوسد امالو الندية وبيهو هام
بعد السلام
حسيت بي عمري الليلة يا دنيا ابتدا
دابو الربيع في حياتي رشاهو الندى
وفتح زهور
مخضرة حلوة مفرهدة
مفرهدة والله مفرهدة
 
ابراهيم عوض"ليه تظلمني"


كلمات والحان الطاهر ابراهيم



ليه بتلومني وانا بتمنى
قلبي قاسي علي ما حنا
اودع شجني واعيش في الجنة
عليها بلابل الروض تتغنى


ليه بتلومني وتزيد الامي
يا تاج العفة ويا نور احلامي
بقضي معاك يا جميل ايامي
وكيف انساك وانت غرامي


ليه بتلومني حبيبي بحبك
ارحم قلبي من نار صدك
بين نارين انا يشهد ربك
ليه تحرمني من بهجة قربك
 
ابراهيم عوض " أغنية عزيز دنياي"

كنتا معاك سعيد والليل في بعدك ما اضناني
اصبر امكن يفيد صبري وامكن نرجع تاني
خايف الناس تغريك تنسي دموعي وتنسي حناني
وافضل مخلص ليك لو حتي سعادتك في حرماني
واضحي بزهرة عمري علشان ما تعيش طول عمرك هاني
واستشهد بي الحاني واوري حقيقة امري
عرفتا الحب من قبلك مره وانتي الحب العاش في كياني
بهرب منك لرضاك وبحاول من اجلك انساك
وامهد ليك تتخلص مني القي خطاي تجمعني معاك
لو تعرف عايش علي عطفة وكل حياتي من املاك
بتعرف يوم في دنيا غيابك يساوي سنين في دنيا هناك
يا اعز عزيز في دنياي انا طامع ابقي عزيز دنياك
 
أعلى أسفل