إبراهيم عوض «كلمات الأغاني»

Nabil :: nabsho

:: الإدارة ::
#21
ابراهيم عوض"ما بقدر ابوح"


كلمات النعمان علي الله
الالحان عبداللطيف خضر

ما بقدر ابوح انا ما داير اصرح
يمكن قول يروح يمكن قول يجرح
يمكن شيء والناس ما بتريح

ما بقدر اقول انا الزول داك سباني
والشوق كان رسول حرك لي جناني
اخاف الناس تقول وتقول عن حناني
ولاح يوم يزول وين القاهو تاني

ما بصرح يوم بأسمو ما بقول للناس ده مين
اخشى انو يجيبو سيرتو ويحكو عنو في كل حين
ما بقول للناس حكايتو وابيع حياتو بكلمتين
بعت العمر عشان حياتو وباقي العمر علي دين


حنانك حبيبي وين حنانك حبيبي
حنانك حبيبي الروح عشانك
سيب الجفى سيب وارحم كفى
انا قلبي داب من العذاب
وانا عمري ضاع مع السراب
 

Nabil :: nabsho

:: الإدارة ::
#22
ابراهيم عوض " أغنية ابقى ظالم ابقى قاسى"


كلمات ابراهيم الرشيد

بقى ظالم ابقى قاسى ابقى ناكر ابقى ناسى
تلقى حبك فى عيونى ونغمة فى رعشة حواسى
فى غرورك زيد وكتر وانا متحمل وصابر
يمكن الأيام تجيبك تطلب الغفران يا هاجر
يا حبيبى الدنيا دائما فيها دمعة وابتسامه
غيب وخلى الشوق يعذب وسيبنا فى بعدك يتامه
وخلى اعماق قلوبنا رعشة للحب والجمال
ياحنون ابدا جمالك ماخطر فى يوم ببال
فى النفوس اعماق خفيه تجمع ارواح الحبايب
تجمعهم مرات فى بسمة ومرة فى ليل نجمه غايب .
 

Nabil :: nabsho

:: الإدارة ::
#23
ابراهيم عوض " أغنية ليه بتسأل"


كلمات محجوب سراج


ليه بتسأل عني تاني بعد ما شلت الأماني
رحت خليتني لزماني انت عارفه علىّ جاني
***
لو بتفتكر الليالي تداوي غلبي
ولا تاني ترجع الافراح لقلبي
انت واهم يا حبيبي
***
دي اللـــيالي أمــرَّ ليه من دموعي الفي عينيه
وكل لحظـــة تمـر عليه تنقص الايام شويه
وتطفي شمعاتي القليله وافضل ابكي واقول حليله
في الدمـوع أنا كل ليله أدفن اشواقي وحناني
***
من حياتك ســرّ حياتي كنــت أجمــل أمنياتي
عهــدي راح ما اظنه آتي وما فضل غير اغنياتي
مرة اضحـك ومرة ابكي مــرَّة اتحـمّل اســاي
مرّة أهــرب منُّه واشكي واعتبـــر حبّك حكـاية
وعشــت فيها بكل روحي وارتضيت سهديّ وجروحي
كنت داري وكنت دوحي وانطفيت يا نــور زمــاني
 

Nabil :: nabsho

:: الإدارة ::
#24
ابراهيم عوض " ماتسمع كلام ماتصدق وشايه"


ماتسمع كلام ماتصدق وشايه
مهما يقولوا ليك حكايه وراء حكايه
ديل حساد وحاتك غايريني من هوايا
ديل حساد بغيروا من حبي وغرامك
يا الزاهي في قوامك يا الراقي في كلامك
ما تشمت علي وتبخل بى كلامك
العاطفه الفي قلبي شمعه ونورها انتي
ماممكن تضوي لو ما انتى بنتا
لو ما ديمه شفتك باسم لىّ انتى
اليوم البمر وين نلقاهو تانى
صابحني ببسمه ومسيني بأماني
افديك بحياتي واغمرك بحناني
 

Nabil :: nabsho

:: الإدارة ::
#25
ابراهيم عوض " لو قلتا ليك حياتي بيك"


لو قلتا ليك حياتي بيك وروحي ليــــــك تفدي عينيك
بـــــــــرضــــــــو شـــــــويـه شـــــــويـــه عـــــلـيـك
لـــو كــــــان غــــــرامـك فـي الأزل مـكـتـوب لغيرى
خـلــيــــــنـي عـــايـــش بــالأمـــل مــرتــاح ضميرى
ودارى عــــن قــلبى الحقيقه أخدعنى صور لىّ جنه
مـــوجــــوده فــى أفــــق الـــمــحـــــــــنــه الـقــاها
حـــان الاجـــل وحــــــــــيــــاتـي تــبـــدأ يــوم لـقاك

لو كان غرامك في عيوني نظره عابــــره كنتا بكيـتك
ومسحتا دمعاتى الغوالى ومسحتا صورتك من خيالى
كنتا نـسـيـت كــنــتـــــا نسيتك لكنك اكتر من دموعي
انت ارتعــاشــات الـشـمـــوع وانت خفقات الضلوع
انــتــا انــا وانـــتـا وانــا يــا ذاتــي كـيف انساك انا

لو كـــان غـرامك في عيوني نظـره عابره يا حبيبي
أنا بعدها اصـبحـتا ذكـري يـملكـني احساس الغريب
غـريـب بـلاد وغـريـب اهل وبلادى في سواد المقل
اراهـــا يـــزداد حــبـي ليـك ويزداد شعورى بالحياه
وانـادي لـيــك يا روحي ليك عبر المسافات البعيده
بيناتنا دنــــيـــنـــا السعيده دنيا الأمل الدنيا السعيده
 

Nabil :: nabsho

:: الإدارة ::
#26
ابراهيم عوض " أغنية جرحي الأليم"
كلمات الشاعر مصطفى عبدالرحيم

جرحي الأليم الشايلو تذكار
طول حياتي أسى وهموم
جرحي الدفين العذبك يا قلبي
طول عمرك أنين
داريتو في الأعماق سنين
غنيتو للعشاق حنين
شكوى وشجون
غنيتو أصدق أغنيات
أصبح مجرد ذكريات
وين الصلات وين الشموع
الفي دروبنا منورات
وبقت هموم
أصلو القلوب الهايمة تعبد في الجمال
بتضيع سنينها الحلوة بالريد إبتهال
ولهانة تحكم بالوصال
مسكينة تحلم بالمحال
لي متين بتبني قصور رمال
ما كفاية يا قلبي الجمال
خلاك تذوب شكوى وسهر
ودر شباب عمرك هدر
شال النضال الكان مفرهد ومزدهر
خلا الشقا وخلا اليباب
الكل ثانية بعيشو لحظات من سراب
أحسو في روحي أقترب
أحسو شوق وشقا وعذاب
نار في الضلوع وجرح أليم
 
أعلى أسفل