إبراهيم إبنعوف «العيد مبارك»

يوسف عوض الباري

:: كـاتب نشــط ::
#1
العيد مبارك
الشاعر/ ابراهيم ابنعوف

العيد مبارك والمراد ينتم حبيبي
ونقابل الجاي فرحانين نفارق الهم
فى بعدك بقاسي المرة وأتألم
واتصبر واقول المولى ليا قسم
أأخر فى شبابي الفات ويتقدم
ألا بس ما عارفو من عمري المفضل كم
حبيبى بتعذب عشان عينيكي ما بندم
وغيرن ما شكيت لي زول ولا أتظلم
فى حورن بشوف سعدي وشقاي متلم
وريدن يجري في أعماقي مجرى الدم
حبيبي أساسق فوق دريب وصلك ولا بنجم
من شوقي العليك لي يأسي ما استسلم
كلما آمالي فيك قدامي تتهدم
أرجع بدموعي ... وبكرة فيك اعشم
حبيبى أجيك مشتاق وأقول بالبيا اتكلم
وأنسى أنا لما اشوف عينيكي تتبسم
أخشى أنا في عتابي معاك أتلوم
أنت زعلك ما بدورو وما بدورلك هم
حبيبى واشوفك زي عيوني ومن عيوني أعظم
ومنو الفي خاطري صورته وفى لساني نغم
غيرك إنتي ياالغيرك حياتي عدم​
 
أعلى أسفل