أه ....من حرقة أه!!

كلب الجماعه الكان بينبح في خلق الله...
دارت عليه ايامو صار ملاعن ديمه...
حق العباد مكتوب حرام يفوت حسابه..
سأل الكريم تفضل معزب لمن تقوم الساعه...
 
لمتين نكون في الانتطار ...
لمن كمل فينا الكلام وراح الصبر...
والغول الاكل كل اللحم واقع مرير...
ونحن نعجن في العدم واقفين علي الدرب الفطير....
 
الوحده ما قصت غنا ولمة كلام...!
الوحده كامل التزام يعرف حدود كل الامور..
الوحده زرعه بتنزرع نسقيها فى حب واعتدال ضد الفصال..
الوحده كلمة بتنكتب عهد قوى يرفض يكون سوق او مزاد!!

يا سلام
جمال وحكمة !!! ينصرك الله يا كتاحة
 
شوية مويه يا مولانا بس جقمه....

كان عكرانه كان وسخان ما مهمه...

بس دايرن نبل الريق وننجمه...

وما تاخدك حكاية نحن ناس لخمه...

دحين جيبوها وشوفنا يا مولانا بنتلمه!!!!
 
هديتو حال كان رغم الضيم منضبط
عملا حقير فرتق حدود كسر قيم
والليلة ارجو الحساب من الظلم كيف اتولد
رفض العفو...كيف بس يكون...والدم هناك عم الوطن....!!!
 
أعلى أسفل