أه ....من حرقة أه!!

ويا وطنى ....
وقد جعلوك تمضى نحو الاقتطاع....
وكلنا ننظر فى جرمهم ولا امتناع....
وقد كانو قبل سنين خطفوك كما زعمو ضد الضياع...
فجعلو كل اطرافك وطنى تزمر وانيين والم و صراع....
 
عليك يا نيل يكون عشمى...
عليك يا نيل تكيت حملى...
قلعت نعال حفيت يا نيل من شوقى...
مليت ايدى غسلت عيون من الظلمه الملت عينى...
وانجميت بجد يا نيل وقت سالت وبى احساس غمرتنى.....
 
اريتك كنت ما جيتنى...
ولا بالحب سلبت قليب كان مطلوق...
اريتك كنت يوم داك مشيت لمدار بعيد مجهول...
وكان لا بيك سهر عقلى ودمع الليل ملك عينى....
اريتك كنت بس حلما اصح صباح يكون مكتول...
 
خلاص يا ناس وصلت حد....
ضاقت ناس امور العيش كل يوم تشتد...
واميرنا القال بحل الحال امورو ياناس جاطتت جد....
صبح درويش بقول فى كلام وراهو كلام ونحن الجوع غلبنا كمد...!!!!
 
يااختى ما يغرك جمال الغش ....
انتى جمال مصفى بلا تدليس او ترخيص او تنبيش....
جمال موزون بحشمة ناس يبيتو الجوع ولا الاوباش....
سالتك تبقى ديما اساس افاخر بيك وسط اهلى الحنان وغبش.....
 
منعول اخوى مال الحرام والمذلة....
البخلى الزول يبيع حالو بى مهانة....
يقلع الحق المنور ويلبس وش الضلالة....
وتانى وين وسطنا اخوى زولك يلقى المكانة.....
 
جلدوك يا بت العزازناسا بلا تعاريف ولا تشريف...
ودمك دما شريف ونضيف لا فيهو ارتشى ولا حام عليه تزيف...
ما جدك زمان صان البلد بالحق جمع معاهو رجال من ديم سعد للريف....
صبرا على التجريح باكر بجيهم ريح يعصف حصون الظلم تصبح شحومهم جيف....
 
ترحل سنين مع سنين
تتغير الايام كتير وتتلون اشكال البشر
وحتى القلوب الكان قبيل ساكنه البياض
صبحت سواد ماليها حد
واتفرق الاصحاب بعيد فى كل فج
واصبحنا اصحاب المطارات والمؤانى والتعب
وبعنا للمجهول حصادعمر
وكان التمن اجهاض حلم
الا الامل تفضل وطن
تقعد تقوم ما تنكسر
تفضل مكانتك عاليه فوق كل القمم
مهم الظلام كتر وحكم
وقفل عليك كل السبل
وغطاك بتوب الجهل
واصبحت منبوذ فى التلاقى
والحكاوى
والسير
جعلوك منعوت بالتتر
ووصفوك بى ارهب صور
وهزموك بجلد العسكر
وهم يا ويحهم لا همهم
ان بات اولادك بلا ماكل
فالمشروع لابدان يكمل
فلا يضير ان كان عماده
على بقايا من تفضل
فلك الله وطنى
فهو القادر على من تجبر
 
لمن كمل منك صير.....
سالت دموعك حتى عينيك صارت جمر....
واقف تعاين فى الهموم الحيرت كل البشر...
الا الصبر باكر اكيد ليلك بكون بعده الفجر....
 
خلى العشم فى بكره...
لازم يكون فيها الغضبه...
تلحق تزلزل كل ظالم مره...
لمن يكون كل البلاد حره...
 
سأل عليك الجبار...
تنهد متاريسك فى لحظة بس تنهار...
لا تنفعك (ياخيل)لا تستند فى دار...
تصبح تذوق المر تمساها يارب نار....
 
ما تغشك التقارير..
غيرك بيها ماكان اشطر...
الشعب هو الجبار...
مهم تقولو فتر...
يصبح لهيب بهدر...
لا بصدو صف عسكر...
لامرمطون عسعس خواف و بس مجبر...
 
تانى قال يعبر بينا...
بعد ما كان انقذنا وبشع بينا...
وصبحنا معاكم جموع من جوع وانزلينا....
وحضنا التار سنين وسنين قسم ما ملينا...
الم وعزاب وملاجى منك تالله مالقينا...
 
كتر خيرك يابئ انك زرعته المتره...

رغم المطره الفاتت وجافت ارضك اول مره...

وناس البنك القالو بسندو حبسو الزرعو جوه التمنه...

بس يا ابويه كيف بتحله وسعر محصولك مافات تيرابه!!!
 
يلا شبابنا شدو الهمه
لازم ليل الطلم يفوت
بي وحدتنا عزيمة وقوة
عهد القهر بكره يموت

لا ترهبنا جيوش العار
كفايه الخوف هد بيوت
للحرية الغاليه نقاوم
كل جبار فاسد وجحود

يلا شبابنا شدو الهمه
لازم ليل الطلم يفوت
بي وحدتنا عزيمة وقوة
عهد القهر بكره يموت

نكون ولاد احرار ياعازه
نعيش في بلد ما مكبوت
تكون حدودالدنياحدوده
سلام و عداله حريه تعود

يلا شبابنا شدو الهمه
لازم ليل الطلم يفوت
بي وحدتنا عزيمة وقوة
عهد القهر بكره يموت

صفوف تكون دوام متراصه
كفايه سنين عمرنا شتات
نحاسب كل دجال ومخالف
بلاد حاميها بدمو شهيد
 
[size=[size="4"]للميدان يمين حالفين...
شباب وشيوخ قسم ناوين...
نعيد ذكراك يا اكتوبر متعاهدين...
ودم اولادك يا سودانا ما ناسين...
ندك الطلم والتضليل والفاسدين...
كفايه مهانه واستغفال باسم الدين...
قسم يا يزول عهد الذل والتميز والتدجين...
او فيك يا ابو جنزير دوام صامدين....
[/size]
 
شوف العيون كيف حاضناها الشقاوي...
زي التقول اتعهدت واتحالفت من كم ليالي...
لمن فقد زمني الصفاء وضاعت تباريح الحكاوي..
واتباعدت كل الاحاسيس ياحليل عشق الاماسي...
 
سلام منك زمن اوباش.....
دوام ماشين شايلين انعاش...
لمن صار ليلا سكون ونهارا طشاش...
لمتين يا ناس نكون دايرين غرف انعاش...
 
تقول دايمين...
داك دجال ماسك في كتاب الدين...
نهارو حرام تجارتو ربا ويغصب في اكل مسكين...
كل يوم في ضلال ويزيد افساد هويتو يزل عباد صابرين....
 
لمن تقول تشرد تخلي الناس تفوت,,....
فاكر الحصل ننساهو زي زولا بموت...
الا القسم راصدنو من اول حصل لي حق البيوت..
ناوين عديل ناخد القصاص منك ومن كل من كان سكوت...
 
أعلى أسفل