أنور ميرغني يوسف «يا قلبي أنسى»

ضى القمر

:: كــاتبة نشــطة ::
يا قلبي أنسي


كانت غلطتك يا قلبي يوم

رميتني في درب الأحزان

عشقت زول قاسي

ورحل خلاك حيران

شفت إبتسامتو و قلت خلاص

هو الملاذ هو الأمان

أصلك كنت مخدوع

مِنّو ما لقيت غير الحرمان

وأسي راجع لي بتبكي ؟؟؟

ليه بتبكي ليه ترضي الهوان ؟؟

يا قلبي أنسي النساك

وخليك للصمود عنوان

مادام هو البداك بالظلم

ليه إنت علي الفرقة ندمان

أنساهو ما دام إختار كدة

وباعك يا قلبي بالمجان

بكرة تلقي الزول البعزك

يسقيك من نبع الحنان

إنت يا قلبي أخضر

ولسة ليك في الوجود مكان

ليه بتستسلم للأهة ؟؟؟

وليه بتقضي العمر حيران

بكرة السعادة تفتح ليك باب

تستقبلك فيهو بالأحضان

وكتين تلقي الزول البعزك

يشيلك إنت في الأجفان
 
أعلى أسفل