أنور ميرغني يوسف «ملكة سبأ»

ضى القمر

:: كــاتبة نشــطة ::

ملكة سبأ !!


سكنتها في شرفات عيني

دون تدري إنها ساكناها

ديمة قلبي بيها هائم

في صحاي وحلمي بطراها

دون بنات الكون عشقتها

وروني كيف يا خلاي ألقاها

ما عارف خطواتا ماشة وين

بس خطواتي مشت تالاها

ست الحسان ملكة سبأ

سببت مأساة روحي وأساها

لمحتلا بي كلمات هواي

بس يا تري عرفت معناها

نصحوني بي نسيانا الصحاب

قلتلم أه يا عزال بهواها

سيبوني في دربها أمش

براي ريدتي بتحمل عناها

وبراي ياني البزورني فرح

يوم رويحتي يتحقق مناها

مصيري في يوم أصل

وقدامي تتفتح أبواب دناها

وآه يا السمحة ملكة سبأ

سكنتك عيوني السببتي بكاها

روح روحي بيك هامت

بين نبضي وقلبك مسعاها

ترابيس قلبي عليك قفلتها

ياك بداية ريدتي ومنتهاها

من شعري لبستك وشاح

أهديتك عبق حياتي وأحلاها

نفسي يا حلوة أدخل دنيتك

وأنعم بي عبيرا وشذاها

يا السمحة أسمعي دقات القليب

يرضيك يخيب فيك رجاها

قصايدي بي ريدك بكت

طمنيها وأسمعي شكواها

وأحاسيسي بي حبك حكت

صدقيها شان تسكت الآهة
 
أعلى أسفل