أنور ميرغني يوسف «مغرورة»

ضى القمر

:: كــاتبة نشــطة ::
#1

مغـــرورة

يلا أرحلي !

يا سبب المأَسي ...

أصلي إنتزعت حبك

من حواسي ...

وما عادت سيرتك

بتأجج إحساسي ...

لا بعدك بتوه

لا وراك فقدت المراسي ...

إنتي قايلة بعدك

رحم الكون عقر ؟؟؟

وللا الجمال

خلقوهو ليك حِكر ...

خلاص مسحتها صورتك

من فؤادي والفكر ...

وشتلة الريد

إن ما لاقت رعاية

لابد تنتحر ...

صحيح إني حبيتك

إلا الشعور فيك

كان عدم ...

ما الشفتو منك كتير

وكم فؤادي إنظلم ...

كُت بدورك لي تواسي

تمسحي دمعات الألم ...

إلا لقيتك إنتي مغرورة

و يلا أرحلي !!!

ما بفيد تاني الندم ...
 
أعلى أسفل