أنور ميرغني يوسف «مستحيل أنساك»

ضى القمر

:: كــاتبة نشــطة ::
#1
مستحيل أنساك

كيف أنساك ؟؟؟؟

ما دام الشمس

من عيونك بتسرق ضي ..

تعبيهو بي عطر الصباح

و عبر الأثير

ترسلو لي ..

كيف أنساك ؟؟؟

و إنتي الشعاع

الطالي من عيني ..

وكت أنوم

طيفك يزور

ينبش جراحاتي ..

أصحي ألقي النجوم

يعاينن لي ..

حتي القمر !!!

ألقاهو متمحن

سرحان يفكر

في مأساتي ..

و من صدري

تتصاعد غيوم

تتجمع مطر

تبكي السما

وتدي العطاشي الري ..

و إنتي بعيدة ولا هماك !!!

صوتك مدوزن

في الفؤاد نغم

بسمتك تسكن

في مجاري الدم

و تقولي أنساك ؟؟

لا مستحيل !!!

ما إنتي نبض القلب ودقاتو

ما إنتي شريان حياتو ..

كيف ينساك قلبي ؟؟

وبإيدو يكتب قصة مماتو ..

كيف ؟؟؟

سافرت حروف إسمك

جواي غنيات

أشعلت نيران ،

خلدت أهات ..

ألفك : أدت خطاي

تاشيرة سفر

و في الطريق ،

تاهت خطاي قبال تصل ..

يائك : يوماتي بتداعب

قلب الوتر ..

تتموسق الألحان جواي

و من تاني أردد

غنوات شوفتك ..

ميمك : مدت إيدا

علي الأحلام

جواي رسمت صورتك ..

ألفك : ألف المد

تمد المسافات ،

بيني ما بينك تذيدا بعد ..

و نونك : نبي الرحمة

الجاني من تالا السما

و جدد إيماني بيك ..

و برضو تقولي أنساك ؟؟

لا مستحيل !!

برضو تقولي أنساك ؟؟

لا مستحيل !!

لا مستحيل !!

 
أعلى أسفل