أنور ميرغني يوسف «لا للندم»

ضى القمر

:: كــاتبة نشــطة ::
#1
لا للندم


باعد بيني بينك الفقُر

وأنا خاتيك في القلب الرهيف

بتحلم إنت بي دنيا المال

وأنا جيبي متل قلبي نضيف

راضي بي حالي وما شكيت

أصلي زول بالجد عفيف

برضي بي فقري وأفاخر

يكفي إني إنسان شريف

حبي أقوي من زيف المال

أصلو نابع من قلباً شفيف

جيتك لا سلطة لا جاه

بس ماني هوين لا ضعيف

دة العلي مكتوب برضاهو

أصلي صامد رغم النزيف

لا للندم وألف لا للإعتذار

الدنيا ما بتدي الحريف

جرحي بيهو الزمن كفيل

محال تاني قدامك أقيف

ودياني الجفت بتخضر

باكر بعود تاني الخريف

وبتمناها سعادتك رغم إنك

أهديتني من الألام لفيف

بدعيلك في دُناك تتهني

دعوة صادقة وماها زيف

بدعيلك في دُناك تتهني

دعوة صادقة وماها زيف
 
أعلى أسفل