أنور ميرغني يوسف «قصة»

ضى القمر

:: كــاتبة نشــطة ::


قصــة


قصة من واقع حزين

ماها من نسج الخيال

دة العوض فكر يحب

قرر يخش بيت الحلال

من دون بنات الحلة

قصد نورة بت ود بلال

البنية اللابسة توب العفة

ماخدة من وطنّا الجلال

بت خديها أنعم من حرير

وفي العيون شبه غزال

بت ماخدة من الدهب نضار

ومن البان قامة وإعتدال

أصلو عشق فيها السماحة

خفة دمها زوقا والدلال

قبال يشاور طلب إيدا

لكنو آه إصطدم بالمحال

ختوهو في أصعب إمتحان

سقط من أول سؤال

سألوهو ياخ شن بتملك ؟؟

شان نديك ست الجمال

أصلو العوض زول بسيط

لكنو حاز أروع خصال

ما بملك من الفانية شبر

بس قلبو مفعم بالجمال

قلب مستف حنان وريد

ما فيهو للزيف مجال

من أهلو ما وارث طين

إلا وارث أسمي وأنبل فعال

لكنو شن يعمل مع النصيب ؟؟

ما القدر بكل قسوة قال

يا العوض قبال تفكر تحب

كبر جيوبك سولك ياخي مال

يا العوض قبال تفكر تحب

كبر جيوبك سولك ياخي مال

كبر جيوبك سولك ياخي مال
 
أعلى أسفل