أنور ميرغني يوسف «فؤادي الجريح»

ضى القمر

:: كــاتبة نشــطة ::
#1
فؤادي الجريح


عارفك يا فؤادي الجريح

لسة طاويك ظلم الحبيب

لا فارق الهم دريبك

لا خمد جواك اللهيب

لا يوماً غشاك الحظ

لا زولاً لي نداك يستجيب

بس لمتين بتتقطر أسي

وتطوي ليلك نحيب ؟؟

متين تخضر مساحاتك

يغشي دنياك الهمبريب

يفارق الهم سماواتك

تندمل جراحك تطيب

رد القليب بي حسرة قال

في الفرح ما لي نصيب

وأنا كيفن أفرح وليه ؟؟

ما دام الهم ليا أقرب قريب

وكيفن بتشفي الجراح ؟؟

والدنيا معدومة طبيب
 
أعلى أسفل