أنور ميرغني يوسف «تعالي نتحدى»

ضى القمر

:: كــاتبة نشــطة ::
تعالي نتحدي


سيبي همي وهمك

تعالي نشيل هموم الناس

نضمد جراح المتعبين

ونبقي للتايهين نبراس

وكل زول فاقد حنان

نديهو من حنيتنا كاس

تعالي نهدم كل السجون

نبني المداس ثانوية وأساس

عشان يتعلم طفل الغلابة

وبدل كورية يشيل كراس

نقيف نحنا في وش الظلم

و للعدالة نكون حراس

نشوف منو الظلم أهلنا

و لي شرف أرضنا داس

نرفع أسباب الغبن

نبني للحرية ساس

بإرادتي وإرادتك يا بنية

تتبدل كل أدوات الدواس

بدل الدبابة طايرة رش

بدل المدفع كدنكة وفاس

بدل الدبابة طايرة رش

بدل المدفع كدنكة و فاس
 
أعلى أسفل