ضى القمر
:: كــاتبة نشــطة ::
الناس مقامات
مرات الزول يحب زول
يختو في عمق الذات
يوهطو في قلبو ريد
يقابلبو سنين جايات
يتحدابو جور الزمن
يغرسو في الجوف زهرات
معاهو يحلم بالعديل
يتوشح الشوق غنوات
وبعد مَر السنين المُر
يودع حلمو في لحظات
لكنو ما ممكن ينساهو
لو طال العمر حسرات
وكيف الزول ينسي زول
منو شال سمح الصفات
أنا رغم البي من ألم
ورغم الفيني من أنات
ليك بقولا بكل وضوح
البينا أكبر من ملامات
لو أقدارنا بخلت بالوصال
يكفينا حلو الذكريات
لو بينا الحب إستحال
تبقي الصداقة صلات
لو فقدتك فيني حبيبة
نبض الخوة حي ما مات
نور القمرة وكتين يسطع
محال تداري الغمامات
والوردة ما بتبخل بالرحيق
لو ادماها النحل لسعات
وأنا بي عرفتك بفتخر
يا سمحة يا ست البنات
يكفيني أقولًك سلام
وإنتي مصابحاني بالبسمات
يكفيني أبادلك إحترام
ما أصلو الناس مقامات
يكفيني أبادلك إحترام
ما أصلو الناس مقامات
مرات الزول يحب زول
يختو في عمق الذات
يوهطو في قلبو ريد
يقابلبو سنين جايات
يتحدابو جور الزمن
يغرسو في الجوف زهرات
معاهو يحلم بالعديل
يتوشح الشوق غنوات
وبعد مَر السنين المُر
يودع حلمو في لحظات
لكنو ما ممكن ينساهو
لو طال العمر حسرات
وكيف الزول ينسي زول
منو شال سمح الصفات
أنا رغم البي من ألم
ورغم الفيني من أنات
ليك بقولا بكل وضوح
البينا أكبر من ملامات
لو أقدارنا بخلت بالوصال
يكفينا حلو الذكريات
لو بينا الحب إستحال
تبقي الصداقة صلات
لو فقدتك فيني حبيبة
نبض الخوة حي ما مات
نور القمرة وكتين يسطع
محال تداري الغمامات
والوردة ما بتبخل بالرحيق
لو ادماها النحل لسعات
وأنا بي عرفتك بفتخر
يا سمحة يا ست البنات
يكفيني أقولًك سلام
وإنتي مصابحاني بالبسمات
يكفيني أبادلك إحترام
ما أصلو الناس مقامات
يكفيني أبادلك إحترام
ما أصلو الناس مقامات